Popular Bible Verses from Génesis 32

શેર કરો

Yun te jiñaꞌa ia yun: ―Ma konani ka ron Jacob, chi Israel nuu konani ron, chi ni kagua tnaꞌa ron jin ia Dios vi jin teyii, te ni kundee ron ―jiñaꞌa ya.

Te jiñaꞌa ya: ―Siaa ña, chi matuu saꞌun ―jiñaꞌa ya. ―Ma siaa ña san nuu ja ma saꞌa vii saꞌa vaꞌa ña ni ―jiñaꞌa Jacob.

Saa te saa maintnoꞌo ni ka Jacob ni ndoo, te yun ni ka kagua tnaꞌa de jin in tee vi ndee nuu matuu saꞌun.

Te ni xnani Jacob nuu ni ka kagua tnaꞌa de yun Peniel, chi ni kachi de: ―Vitna te ni jinio ia Dios vi nuu jin nuu ya, te vi ni saa te ni kaku anuo, tu ni jiꞌo ―ni kachi de.

Te nuu ni jini tee yun ja ña kundee de ja yaa de, te ni keꞌe de nuu ñutnaꞌa yiki kaꞌa Jacob, te nuu ka kagua tnaꞌa ka de, te ni yaꞌa ndoso yiki kaꞌa de yun.

Te ni jikan tnoꞌo ña ya: ―¿Nagua nani ron? ―jiñaꞌa ya. Te ni kaꞌan de: ―Maa san nani Jacob ―jiñaꞌa de.

Yun te ni jikan tnoꞌo ña Jacob, te jiñaꞌa de: ―Vitna te kaxtnoꞌo maa ni nagua nani ni ―jiñaꞌa de. ―¿Nau ja kuini ron ja kuni ron sivi rin? ―jiñaꞌa ya. Te ni kaꞌan vii ni kaꞌan vaꞌa ña ya jin Jacob yun.

Vi tu kaa tu oo san ja ndiꞌi ja chindee chituu ña ni jin san. Su luu ndevaꞌa ini maa ni, guaa ni saꞌa ndaa ni jin tee jinokuechi nuu ni, chi tu saꞌun nagua nee san na ni yaꞌa san yute Jordán yaꞌa, chi kaa invaa yutnu tuu san nuu ñuꞌu. Te vitna ja ni ndajiokuiin san vi suaꞌa jaꞌnde san uu yukun ñayiu vi kiti san ja ni kachi ndaꞌu ña maa ni.

Te yun guaa vi ndee kiuu vitna tu ka jaa ñayiu Israel kuñu kokin ndiꞌi yiki kaꞌa kiti, chi ja nuu kuñu kokin nuu nukuntnaꞌa yiki kaꞌa Jacob kuu nuu ni tuji.

Yun te ni jinkondee de ndakuatu de nuu ia Dios: ―Tata Dios ja kuu ni ia Dios ndi tata jaꞌnu san Abraham vi kuu ni Dios tata yua san Isaac ja ni kachi ni ja ndajiokuiin san ñuu san nuu ka oo tnaꞌa kuikin san, te saꞌa ña ni javii javaꞌa.

Te jikantaꞌu san vitna ja skaku niꞌnu ña ni nuu ndaꞌa ñani san Esaú, chi yuꞌu san ja kii de, te kaꞌni ña de jin maa san vi nana suchi kueli yaꞌa vi mai.