Popular Bible Verses from Génesis 27

શેર કરો

Te maa ia Dios na skuun yuyu sau ndee andivi nuu ñundeꞌi jitu ron, te na kokuvaꞌa vii ndevaꞌa triu ron vi na konevaꞌa kuaꞌa ron nduxi uva. Te na vi kokunukuechi ndiꞌi ñayiu nuu ron, te ndiꞌi ñuu naꞌnu na vi kindei na vi kititi nuu ron. Suu ron guaa kokuu jitoꞌo ndiꞌi ñani ron, te ndiꞌi seꞌe nana ron na vi kindei vi kititi nuu ron. Te na tau tniaꞌa ñayiu kaneꞌe ña jin ron te na koo vii koo vaꞌa ñayiu kaꞌan vaꞌa ja jaꞌa ron, jiñaꞌa de nuu ni jikantaꞌu de ja jaꞌi.

Yun te jiñaꞌa Esaú: ―Nase guaꞌa ni ka kii ini ni ja ni ka xnani ni jin Jacob, su vi yaꞌa ni jino uu jichi ja kindei ja kutaꞌu san, chi jaxtnañuꞌu ni kindei nuu san ja ni jinkonevaꞌa ndai ja sui ni nduu suchi jakuaꞌa ja kuni mani guaꞌa ka ni jin, te vitna ni kindei nagua kutaꞌu san nuu ni jin nuu ia Dios ―jiñaꞌa de. Yun te ni jikan tnoꞌo de tata de: ―¿A vi tu saꞌun ka nagua tavaꞌa ni ja kutaꞌu san, vi tata? ―jiñaꞌa de.

Yun te ni kaꞌan tata de Isaac, te jiñaꞌa de: Vitna, vi seꞌe, te ma koo ron nuu ñundeꞌi ja kuvaꞌa, te ni ma koo ron nuu yuyu sau ja skuun ia Dios ndee andivi. Te jin yuchi kani ron guaa niꞌi ron ja kaa ja koꞌo ron ja koteku ron. Te kokunukuechi ron nuu ñani ron, su kiuu na kundakui maa ron te kujioo ron nui te ma kokunukuechi ka ron, jiñaꞌa de.

Yun te ni jikan tnoꞌo Esaú tata de: ―¿A vi tu saꞌun ka visi ja invaa ka tnoꞌo kakantaꞌu ni ja jaꞌa san nuu ia Dios, vi tata? ―jiñaꞌa de. Te ni kana ndaꞌi jaa de.