Popular Bible Verses from Génesis 24

શેર કરો

Yun te ni ndakuatu de nuu ia Dios, te jiñaꞌa de: ―Tata Dios ja ni kuu ni Dios jitoꞌo san Abraham, chindee chituu ña ni vitna ja na kuu tniuu vaji san jikantaꞌu san nuu ni ja na vi kuantaꞌu ña ñayiu jin tniuu vaji san kaꞌan ndaꞌu ni jitoꞌo san Abraham.

Te chindee chituu ña ni ja na kokuu suchi xiin nuu kuñaꞌa san: “Saꞌa jandiuxi kuneꞌe joo kiyi ron na koꞌo rin joo ndute ron, vi xiku”, te na kachi: “Koꞌo ni de, xito, te suni na kuñaꞌa san ndute na vi koꞌo kameyu ni”. Saꞌa ni ja suchi yaꞌa na kokuu suchi ni kaji maa ni ja kondeka Isaac, suchi jinokuechi nuu maa ni. Saa te na kukanu ini san ja kundaꞌu ini ni lamu san ―jiñaꞌa de suaꞌa nuu ia Dios.

Yun te ni jaka Isaac Rebeca ja kuaꞌankuei de jin veꞌe saꞌun nuu ni oo ndi nana de Sara, te yun ni nitnaꞌa de jin ña ja ni kuu ñasiꞌi de ña, te ni okutoo ndevaꞌa ña de jin ña. Saa te ni ndusii ini de ja siun ni jiꞌi ndi nana de.

Yun te ni ka kaꞌan vii ni ka kaꞌan vaꞌa de jin Rebeca, te ka jiñaꞌa de: Kuaꞌa maa rin, Dios na chindee na chituu ña jin ron, te kokuu ron siꞌi kuaꞌa ndevaꞌa ndetnuni ñayiu, te vi kokundee tatatnoꞌo ron nuu sava ka ñuu naꞌnu ja vi kokaꞌan uꞌu ña jin, ka jiñaꞌa de.

Te kee yuꞌu ni nuu Jitoꞌo, ia kuu Dios andivi jin ñuyiu, ja ma nduku ni in suchi siꞌi ñuu Canaán nuu ka oo vitna ja kuaka tnaꞌa jin seyii san. Chi suaꞌa kiꞌin ni ñuu san nuu ka oo tnaꞌa kuikin san, te yun nduku ni in suchi siꞌi ja na kuaka tnaꞌa jin seyii san Isaac ―jiñaꞌa de.