Popular Bible Verses from JOHN 14

શેર કરો

Keine nanungei kyingya lakhoupilei; nanungei lakhoupikur kying ari Keiyeime. Keine nanungei pikur kying heiri tlaipangpalne pinaksi nimak. Naiyei ukning plangurbi, lhawai lahwurmakneyasu; heirou chimakne leiyalo.

Heirou Jesu'ne anung loumallangkur, “Lam heikhi, chim heikhi heirou khringei chaankhi Keime. Keiyei karyunrei nimakne thimi hukhatnekhi Pawaei bomra tlungchangmakrou.”

Jesu'ne yanungei shunkhou, “Naiyei ukning plangurbi, lhawai lahmakneyasu. Dunpuya uklumlak, heirou Keiyakhi uklumlak.

Pawane Keiyei minra yenyillou kyou Lhawai Khying heine nanungei namma shunmatupirou, heirou Keine nanungei yunpiwurkhou namma heiya ane naya ningthutyerrou.

Huhune Keiyei chaylamya loulhakbi heirou heiyei hilya chanthungbi klei thimi heiri, Keiya malungshi thimi. Huhune Keiya malungshi thimi heiya Pawanekhi malungshipilei. Heirou Keinekhi aya malungshirou, heitoubi Keihakpane anungei muyerpirou.”

Keine Pawanungei buchapibi, heirou Ane naya trungpinanungei napung khat yenmalhetpirou, heitoubi Ane naya klui naimakne kalhonpirou. A heiri Dunpuei ngamrou chimya kanrethutpi Lhawai Khying heiri. Tlaipangpalne Aya loulhakpi manemaklei, ngamri tlaipangei mitne Aya loumumak, heirou mukhi mupimaklei. Heiya naneri Aya mulei, ngamri Ane nakou kalhonpilei, heitoubi naiyei rillakhi leipilei.”

Heirou nane Keiyei minra koukouya buchalanungri, Keine heiya loutoupirou, heisitoubine Pawayei thang heiri Chanapawayei ngamne alyerrou. Keiyei minra nane Keinung koukouya buchalanungri, heirapya Keine loutoupirou.”

“Nane Keiya malungshiyanungri, Keiyei chaylam rapya hilthungrouda.

Keiyei Pawaei cheemra bomtho chungwane leilei, heitoubi Keine bi heirou nai leinanungei bom marshiknanungei lamkrine louchalei. Heisi nimaknungri Keine tlou aya nanungei yunpimakrou.

Heirou Keine louchabi nanungei leinabi marshikkur hillouri, Keine hanui yenkallengbi naya yongruithurou, heirou nakhi Keikou kalhonbi leirou.

Heirouri Thomasni anung loukngai, “Upawa, neiyei loucharou youna bi heiri koulhangrawo? Kari mumakme, heirou kane kousitoubi bi heirou tlungrouwo?”