Popular Bible Verses from wandījo 7

શેર કરો

Hūna ū SEEBA ūng'wīla ū Noa gīkī, “Ingīlaga lūūlū ū bebe ū mu ngalaba, hamò nī kaya yako; nguno ū mu shibyalīlwe shenīshi, ū bebe naakūbonile ūlī ntūngīlīja.

A minzī gakīkundīkīja ī sī kūshisha lyūbīta ikanza lya shikū igana na makūmi atanò.

Ī lihūūma līkandya mu ng'waka gwa magana atandatū ū mu myaka ya būlamu bo ng'wa Noa. Lwalī lūshikū lw'ikūmi na mpungatī mu ng'weji gwa kabīlī; ū mu lūshikū lwenūlo, pyī ī nzwīlo ja minzī ī ja mu gatī ya sī jūlugūlīlwa; nī myongo ya minzī ū kwigūlū yūlekelwa.

Pyī ī shiseeng'wa shipanga shūpyagūlwa gete shūshila ū mu sī, banhū, ndimu, shiinū, pyī nī ja kwigweesa ha sī; nī noni ja higūlya ī jose, jūshila ho gete. Noa iyene dūhū ūsaaga, na a babo walī nabo ū mu ngalaba; nī shiseeng'wa ī shingī īsho shaalīmo.

Hūna ī mbula yūtūla ītūlile a ha sī, kūshisha shikū makūmi anè, līīmi na būjikū!