Popular Bible Verses from Yoohá̧na 6

શેર કરો

Ma Yesu duu hí̧i̧d vu̵: “Míi hȩn lálı̵́ ı̵́ ka pú̵ vágád káákáá má nɔ. Nán a yaa míílí̧ tée, wú̵ń mbaa kɔ́ ı̵́ go̧o̧m ka duu ya̧nnɔ né máa wɔgɔ. Nán a fȩȩ moo míí tée, wú̵ń mbaa kɔ́ ı̵́ mam ka duu 'wɔnnɔ né máa wɔgɔ á̧ḿ.

Yigid Tayɨɨ woo wú̵ńnɔ pú̵ nánán vu̵ vágád; nánán vu̵ kan fó̧ó̧ voo máa, vú̵ń kɔ́n hȩn tóó né. Moo káń o̧d ví yɛ vu̵, vu̵u̵ yigid Tayɨɨ woo, kan vágád káákáá á̧ḿ.

I kɔ́ ba'ad moo hȩn lálı̵́ ı̵́ a dɨ 'wáané má nɔ sá, a̧máa i kɔ́ moo hȩn lálı̵́ ı̵́ a mbaa, a pú̵ vágád ı̵́ káákáá má nɔ. Ɨ́ míí, Tayɨɨ ka ba'an ya yɛ, míń pú̵ ví wu̵ yu̵, moo Ba'á Tayɨɨ kɔ́ hȩn a tú' ba binnɔ ba'an ya máa sú̵'ú̵.”

Hȩn hí̧í̧lí̧ Ba'á woo wu̵ yɛ nɔ, kóó nɔ́nná a ho̧ Waa Tayɨɨ woo, a 'yɛ́ zó̧ó̧ woolı̵́ tée, séý míń nimmɔ nɔmmé bá' sí̧'í̧dí á̧ḿ, wú̵ń mbaa kan Tayɨɨ káákáá.”

Yesu duu hí̧i̧d vu̵ o̧: “Ba'ad Tayɨɨ woo ka hí̧í̧ máa, wu̵ yɛ nɔ. I 'yɛ́ zó̧ó̧ míílí̧, ı̵́ míí Tayɨɨ ka ba'an ya yɛ nɔ.”

Kóó nɔ́nná Ba'á ka pú̵n kannɔ máa, wú̵ń yaa míílí̧ ó̧. Nán ı̵́ a yaa míílí̧ máa, míń nɛŋŋɔ gbɔn gɔ́ŋ́ né

Simɔ́ŋ Piɛ́r hí̧i̧du̵: “Ɨ́ 'yɛ́lı̵́ vóó, vɔ́ń laa nóo woolı̵́lá? Mɔ́ dɨ kan moo ı̵́ ku̵u̵ pú̵ nánán vu̵ vágád káákáá má nɔ.

Aga míi hȩn lálı̵́ vágád ı̵́ ka zu̵u̵ be"ı̵́ má nɔ. Nán a lá tée, wú̵ń nuŋ vágád káákáá. Hȩn lálı̵́ woo, wu̵ fó̧ó̧ míí káń dɨ pú̵lı̵́ moo nánán u̵u̵ nuŋ vágád káákáá wu̵lı̵́ má nɔ.”

Nán tóó wú̵ń dɨ kan néélȩ́ yaan míílí̧ né, séý Ba'á ı̵́ ka ba'an ya yɛ, wú̵ńnɔ woowu̵ pa̧ŋ ya, tée míń nimmɔ nɔmmé bá' sí̧'í̧dí.

moo hȩn lálı̵́ ı̵́ Tayɨɨ ka pú̵ máa, wu̵ nán ı̵́ ka zu̵u̵ be"ı̵́ pi má nɔ. Ɨ́ woo wu̵ pú̵ nánán vu̵ vágád káákáá.”

Míi hȩn lálı̵́ ı̵́ ka pú̵ vágád káákáá má nɔ.

Yesu ɓee beréd pee vu̵ dɔg nagá, dȩn Tayɨɨ nag, yȩ'ȩ nán ku̵u̵ mbaa hágá pee vu̵. Duu pú̵ vu̵ kan ze' pee á̧ḿ, vu̵ lá kɔ́ ı̵́ ku̵u̵ hí̧í̧ wɔgɔ. Ku̵u̵ ha̧' sú̵'ú̵ máa, Yesu o̧d waa duulí woo vu̵: “I su̵g kéélı̵́ woo yȩ vu̵ 'waapád, moo hȩn tóó a ti sá.”

Sey ku̵u̵ yú̵ú̵ nɛ́ŋ́ kílomɛ́ɛtər nɔ́nɔ́, tóó tée gúú máa, vu̵ ho̧ Yesu 'yȩm ya yúú mammé, dɨ yaalı̵́ dáŋ́ nɛ́ŋ́ŋı̵́. Dú̵ú̵ kɔ́ vu̵ sú̵'ú̵. A̧máa Yesu o̧d vu̵: “Míw náa! I kɔ́ dú̵ú̵ sá.”