Popular Bible Verses from Yoane 15

શેર કરો

Mbi nadi bomwe, ino odini bitape. Yona oyeyoaka a tei embi, na mbi a tei ende, abotaka mbuma jinɛnɛ. Mojɔ bo okabɔtɔnɔni na mbi, otahɔnɔkɔni bokɔ nongo eka.

Yeyoani a tei embi, na mbi nâyeyoa a tei enu. Etape, oko etape ngasa, editi nongo na libota. Emiti da a tei ebomwe, etabota nongo mbuma; ino koko boa, omiti yeyoani a tei embi, ôtabotani nongo mbuma.

Okayeyoani a tei embi, na bikenge bimbi bikayeyoa a tei enu, obwanini bonga mojɔ mopalaka no, na ôsɔni.

Ino oihɔni mbi. Mbi ko nahɔ no, na nahɛngɛ no bo okɛeni a bobota mbuma, mbuma jiboyeyoa, bo oka’ngani Sango eka a kombe embi, yo apɛ no.

Ngɛnjɔ yena enɔi edi oko ye, bo moto apɛ mohelo monde a mojɔ mobina’nde.

Iyo atɛndɔkɔ bitape bimbi bisusu bia bidi pɛ bobota mbuma. Na alenaka suka jibitape bisusu bia bibotaka, bo libota lihɛe.

Mobeko mombi modi oko mu; Toma palanani o apalaka mbi no.

Okabotani mbuma jinɛnɛ a boneja bo odini bacingami bambi, Sangwa’mbi adi bosɔ ekumu na mojɔ momina.

Mbi nadi bomwe bosoti, na Sangwa’mbi adi mobanei ogbie.

Moto amiti yeyoa a tei embi, âdumbama o ekɔmɛli eetape, na âhɔlɔngɔnɔ. Bandoaka bitape bimina, babidumbaka a mosa na bingoaka.

Mbi nabali na nu mijɔ mimi, bo sepi embi edae a tei enu, na bo olumeni na sepi botɔ.

Okasumani mibeko mimbi, ôyeyoani a tei engɛnjɔ embi, o asumaka mbi mibeko miSangwa’mbi, na o ayeyoaka mbi a tei engɛnjɔ ende.

Mojɔ mobekeaka mbi no modi oko bo opalaneni.

Akɔki no da bato bangondo, ka ngondo epali no. Ngondo ko edi na nu soki, mojɔ bo oditini bato bangondo, na mojɔ bo mbi nahɔ no a bobɔtɔnɔ na ngondo.