Popular Bible Verses from Gênesis 17

શેર કરો

Hanua Abrão 99 bariya hiwekẽ Senhor Deus haki nukutã uĩmakĩ ana yuikĩ: —Earã, ẽ mekenika kayabi Deus kushipahairaki, dasibi binũ keyuarã. Haskakẽ ẽ berubi ẽ mia uiãyã mianã, ẽ hãtxa txibãkubaini pepas aki hiwekũkaĩwẽ, txakabu meamarã— atã

Haskakẽ mĩ kena Abrão mia ana hawẽ kenabumaki. Minabu shukua betsa betsapabu ẽ mia bawama mĩ hatũ shenipabu ishanaiwẽ taea mĩ kena betsa bena wakĩ: “Abraãoki”, akĩ mia kenashãkanikiki.

Mia inũ mĩ bakebu inũ mĩ bababu inũ dasibu minabus ipakeshanaibu ẽ hatukiri yubakariaii, niti ikamarã. Ikis ẽ mĩ mekenika Deuski. Mĩ ma mawakẽ txipu ẽ habũ Deus iriashanaii, hatu merabewakubainirã.

Abrão Deus kẽhairawai hawẽ beyawẽ taea maĩ beua beti ika dakakẽ Deus ana habe hãtxakũkaĩkĩ yuikĩ: —Nĩkawe, ẽ mibe yubakairã. Eanã, ẽ mia yubaii. Miwẽ taeshũ minabu shukua betsa betsapabu itxapahaira ẽ hatu pahairawashanaii. Hanua miarã, mĩ hatũ shenipabu inũbariaii.

Deusũ ana yuikĩ: —Haskakiri mĩ shinaĩkiri ẽ hãtxamaki. Mĩ aĩ Sara kayabitũ bake bishanikiki. Bake bia huni bake kaĩshanikiki. Hanushũ kenakĩ: “Isaqueki”, ashãwẽ. Habe besti ẽ yubakashanaii. Hawenabu pakubainaibu hatu merabewapakeshanũ ika Isaquebe besti yubakakĩ ẽ kanetimawashanaii.

Canaã na hanu mĩ ikarã, mai pakea hirabi hanu mĩ hiwearã, habiari mia inũ minabu ẽ hatu ibu wamashanaii, inãkĩ yunukibi yunukinã. Mĩ mawakẽ ẽ hatũ mekenika Deus ipakeshanaii, hatu merabewanũ ikarã— iwanã

Abraão nĩkatã maĩ beua beti ishũ ikũwãma huĩti merãs usã tenea dakashũ shinãkĩ: “Huni 100 bariyatũ ana bake ẽ bawatirumẽ? Hanua Sara 90 bariyatũ bake biriatirumẽ? Haskatã nũ haskatimaki”, itã

—Mĩ aĩ Sarairã, ana hawẽ kenawẽ kenayamawe. Na habiatiã taewakĩ hawẽ kena bena watã kenakinã, Sara wakĩ kenakubaĩwẽ.

Mia dukũ mĩ hina kubitxi hau mia meshtenũbũwẽ, bikinã. Mã haska waiwẽ taeshũ ẽ hãtxa mã txibãkatsis ikai ẽ unãshanaii, hawẽ matu unãti wai ẽ matube ketashamearã. Haska wapakeshãkãwẽ.

Hakia mĩ aĩ Saraki mĩ bake waima bari betsã huni bake kaianã, Isaque bestibe ẽ yubakariashanaii— akĩ

Na habiatiã unuri mã hiwekainaitianã, matũ huni bake kaiã manakĩ ma 8 shaba kakẽ hau hawẽ hina kubitxi meshtekĩ bikubainũbarinũbũwẽ, minabũ bakebu inũ matũ dayarubu escravõ bakeburi habiaskari wakinã. Ha inũ, ikis matũ dayarubu haya inũ txipu nawa betsa anua peiwẽ taeshũ mã bia matũ dayaru escravo haburi hau hawẽ hina kubitxi meshtekĩ biriakubaĩshanũbũwẽ. Hatũ hina kubitxi biaibuwẽ taeshũ haska ẽ mia hatube yubashu minabu ẽ unãti wai shinãriakubaĩshãkanikiki, niti ikamarã. Ẽ mibe haskai hiwekũkaĩshanai hawẽ unãti wati ẽ mia yubashuki.