Popular Bible Verses from Gênesis 15

શેર કરો

Abrão Senhor Deusũ hãtxa nĩkakĩ ikuaĩwẽ taeshũ Senhor Deusũ hakiri shinãkĩ yuikĩ: “Abrão huni txakabuma pepaki”, itã

Haska waimakẽ ana usha nama keskawẽ Senhor Deusũ hãtxa wakĩ Abrão yuikĩ: —Abrão, dateyamawe. Ẽ mĩ mekenãtũ benimawakĩ ẽ mia duawakĩ ewapa washanaii— aka

ana tashnimabaĩ hemaĩtĩ Abrão iyushũ Senhor Deusũ yuikĩ: —Nai beiskĩ bishi tanawe. Mĩ tana keyutirumaki. Habiatiri minabu pakubaini haskanũbarikanikiki— aka

ana Senhor Deusũ kemakĩ: —Haskamaki. Mariastũ mĩ hamapai ibu wama ishanikiki. Hakia huni bake mĩ bawa kaiã ewatã hatũ dasibi ibuai shanẽ ibushanikiki— iwanã

Senhor Deusũ Abrão ana yuikĩ: —Minabu eskai hiweshanaibu bebũkiri ẽ mia unãmai nĩkawe. Nawabũ mai pakea betsa anu buabu harishũ hatũ bakebu escravo washãkanikiki. Hatu haska watã harishũ hatu itxakawakĩ 400 ano minabu hatu dayamashãkanikiki.

Abrãori yuikĩ: —Senhor Deusuũ, ea merabewakĩ hawa mĩ ea inãtirumẽ, ea benimawakinã? Ẽ aĩ kayabi anua huni bake mĩ ea inaĩsma ẽ hawa hayamaki. Haskakenã, ẽ tsumabu mekenika Eliézer hawẽ mae Damasco anua enabumabiatũ ẽ mawakẽ ena dasibi ibu washaniraka, shanẽ ibukinã— iwanã

habiatiãri Senhor Deusũ Abrão yubakĩ yuikĩ: —Egito anu pashkuwẽ pakea inũ hene ewapa hawẽ kena Eufrates namakis na mai hirabi minabu ẽ hatu inãkĩ ibu wamanũbariaii. Queneu nawabu inũ, Quenezeu nawabu inũ, Cadmoneu nawabu inũ, Heteu nawabu inũ, Ferezeu nawabu inũ, Refain nawabu inũ, Amorreu nawabu inũ, Canaã nawabu inũ, Girgaseu nawabu inũ, Jebuseu nawaburã, habu hiwebiabũ hatu kaĩmakĩ mebĩtã minabu hanu ha mai ẽ hatu ibu wamashanaii— anikiaki.

Hakia ha mai pakea anu minabu hikitã hatũ ibuwẽ 4 shenipabu pakea tibi hiwekubainaibutiã habũ bakewakubainaibu ewatã habiatiãri 400 ano binukainaya minabu hari hiwea hatu itxakawabu ẽ hatu pashawa minabu Canaã anu nenu habianuri ana hiwei txĩtũbirani benũbarikanikiki. Hanua Amorreu nawabu na nenu hiweaburã, hatũ txakabu pikuhairariabumakẽ ẽ hatu kupinũbariai ẽ manayukubaĩshanaii— aka