Popular Bible Verses from Zhan 6

શેર કરો

Zhezü kɛ dɔ́ yɔ le: “Mɛ̀n dú ɛwúvà ci-zî. Ɔwrɔn léyi kɛ vá m'eyri nɔn, ɔmùanwù kè sɩ̀ vru ẅɛn nɛ̀n mrìmrì, kɩ ɔwrɔn léyi ke bú m'ankà kɛ tán ankaẅì nɔn ɛnshi mùanwù mán kè sɩ̀ vru ẅɛn nɛ̀n mrìmrì.

Ɛnhɛ́n Prɔnprɔn de kɛ tán ɔkɔrɛ̀; ɔwrɔnẅì zri ke sɩ̀ srɔ eci kru mù. Ankà-dɔ̀ hɔ̀n léyi mɛ̀n tán nyɛ̀n nɔn dú Ɛnhɛ̀n mán Ɔkɔrɛ̀.

Nyɛ́n bɩ́ hán ɛci-zî léyi kɛ jrɛ́ nɔn, n'ɔkɔhɔ̀n, tɛ́n nyɛ́n ji ɛci-zî léyi dú ɛnvra lɔ fɛn, hɩ kɛ tán ɛwúvà léyi ke sɩ́ trɔa nɔn. Ɛci-zî ndɔ lɔ, ɔwrɔnẅì Ẅì kɛ lɛ tán nyɛ̀n nɛ́n, ɔmuhi Ɔwɔ Zi di nɛ̀n n'ɛkorɛ̀srɔn nrɛ̀n edomɛ̀n nɔn.”

Hɛ̀ɛ̀, nyàn eci léyi Dade ke ji nɔn: ke ji le anwrɔn hɔ̀n léyi kɛ kán ɔwrɔnẅì Ẅì, kɩ ke bú n'ankà kɛ tán ankaẅì nɔn, kɛ̀ cɔ́ ɛwúvà léyi ke sɩ́ trɔa, ô mɛ̀n bɩ́ yɔ lɔ fɛn owú-bɔ̀ mɛ̀n mɛ́n sɩ́ ɔkɔrɛ-bɔ̀ mɛ̀n ɛmɛẅi trɔ bì lɔ.”

Zhezü mrɛ́n yɔ ɔmùan le: “Eci-hán-ci léyi Ɔwɔ ke ji ny'ɛmɛ̀n nɔn, dú hɩ le ɔwrɔn léyi nɛ̀n wá ɔkɔhɔ̀n nɔn, nyɛ́n bú n'ankà nyɛ́n tán ankàẅì.”

Anwrɔn hɔ̀n léyi Dade kɛ tán mɛ̀n nɔn, ɔwrɔnwrɔn kɛ lɛ vá m'eyri, kɩ mɛ́n sɩ̀ wrɔ́ ɔwrɔn léyi kɛ vá m'eyri nɔn mrìmrì

Simɔn Piɛrɛ̀n mrɛ́n nɛ̀n ɔmùan le: “Ɛẅɛnwrɔn antɔn yri de bɔ́ lɛ hɔ̀n nɛ́n? Ɛ̀ ẅɛn ankà-dɔ̀ léyi kɛ tán ɛwúvà léyi ke sɩ́ trɔa nɔn.

Mɛ̀n dú ɛci-zî kɔrɛkɔrɛ léyi dú anhobɩ́ kakɛ nɔn. Ke dú kɛ, ɔwrɔn ke zî ɛci ndɔ lɔ, ne le dú ɔkɔrɛ mɛ̀n ɛnvra lɔ fɛn. Ɛci-zî léyi mɛ lɛ tán nɔn dú m'edùwrú; mɛ tán ɛci-zî ndɔ lɔ hô, ɛnhibù ke dú ɔkɔrɛ mɛ̀n.”

Ɔwrɔn zriɛmɛ̀n ke sɩ̀ vá m'eyri ke dú kɛ Dade léyi wá mɛ̀n ɔkɔhɔ̀n nɔn ke sɩ̀ yé nɛ̀n ɛnlevri, kɩ mɛ tɛn, me le bɩ́ nɛ̀n mɛ̀n sɔhɔ́ owú-bɔ̀ mɛ̀n, ô mɛ̀n sɩ́ nɛ̀n ɔkɔrɛ-bɔ̀ mɛ̀n ɛmɛẅi trɔ bì lɔ.

Ɔmuhi ɛci-zî léyi Ɔwɔ kɛ tán nɔn, dú ɛci léyi dú anhobɩ́ kakɛ hɩ kɛ tán ɛnhibù ɛwúvà kɔrɛ̀ nɔn.”

Mɛ̀n dú ɛwúvà ci-zî.

Zhezü bɩ́ abutùkumɛ́n hɔ̀n lɔ, kɩ ɛnvra léyi nɛ̀n tán Ɔwɔ ɔkuɛ̀n trɔ nɔn, nɛ̀n dɛ́ abùtùkumɛ́n nɛ̀n tán anwrɔn hɔ̀n léyi yɛ́ nanvrɛn lɔ nɔn. Nɛ̀n vru nɛ̀n tán yɔ ɔmu zri lɔ, ɛcàn mán, hɩ léyi yɔ ji nɔn. Ɛnvra léyi yɔ lɔ fɛn yɔ zî ɛci fɔ́n yɔ nɔn, Zhezü kɛ dɔ́ n'ɛsɛnkɛn-bɔ̀ lɔ le: “Nyɛ́n jrɔ ɛci sùsù hɔ̀n léyi wɔrɔ nɔn, ô ɛci ẅì zriɛmɛ́n ke bɩ́ zrɛ́n hán.”

Ɛsɛ̀nkɛn-bɔ̀ lɔ wɔ́ ɛvrà anhɛ́-kɔrɛ̀ tɛ̀buri-kru-ɛnrì kɛ hɔ́n ɛwole, ɛnvra léyi yɔ kán Zhezü kɛ sɔnba anhàka tɛsɛ̀n, kɛ nán esù ɛnshi wú; kɩ ɛnjansù bru yɔ. Tɛ́n Zhezü kɛ dɔ́ yɔ le: “Mɛ̀n Zhezü, ɛnjansù ke bɩ́ ẅɛn nyɛ̀n!”