Popular Bible Verses from Zɛnɛse 3

શેર કરો

Nɛnîi è ŋ̀úrii kàa a gɛɛ m̀á lɛ̂lɛɛi mii mɛni ma, ǹɛ́lɛɛ núu ŋɛ́i, gɛ́ tela núu tàre. È m̀á da kùla é mii. É da tɛ́ɛ ŋɔsurɔ̂ŋ pɔ́ ǹyaa máŋ é mii.

Galii è kɛ̀ a dáreɛɛ, ŋ̀ôyaa é tɛ́ɛ lɔɔ fɛnɛ-sãa kélee dîa Yâwɛɛ Ɣâla è gbɛ̀tɛi. Nya ƃe è mò nɛnîi ma ǹyɛɛi, “Ɣâla è mò a tɔ̃yâ a gɛɛ káfe ŋ̀úru-ŋai ŋí zûai sui m̀á da mii?”

Ŋa pâi kpɔara lɔ̂i káloai ka nɛnîi, ísuui da nɛnîi ŋɔsuui. Da pâi ƃɔ́rɔni íŋuŋ ma, yáŋ ya pâi dínyinîi díkɔɔ ma.”

È mò nɛnîi ma ǹyɛɛ, “Ŋa pâi ímɛni-solii su kɛ̀tɛi lóŋ káa-mɛni su. Ƃa pâi nîa-pɛlɛɛ maa sɔlɔ ƃôi mɛni-soli su. É máŋ kɛ́ tí, ímaa mɛni kélee a pâi kɛ̂i ísurɔ̂ŋ ma, ǹyaŋ a pâi kɛ̂i ímɛi.”

Ƃa pâi fɔ́nɔ fâyai í lɛ́ɛ pâi íkɔnɔŋ sɔlɔ ƃôi, é lɛ́ɛ la zu í lí pôlu ǹɔii pɔ́. Kpɛ́ni fêi, naa ƃé í kùla naa. Íkaa a pɔ̂rɔ, ǹyaŋ ƃa pâi liî pôlu pɔ̂rɔ pɔ́.”

È mò nalôŋ ma ǹyɛɛ, “Náɣaŋ káa ǹɔii ma ílaai su, kpɛ́ni fêi, ƃa íwoli tɔ́ɔ ínɛnîi wóo ma ƃa ŋ̀úru-ƃai mii, nyii ŋa mò yâ a gɛɛ ífe mìi. Ƃa pâi íkɔnɔŋ sɔlɔ ƃôi ǹɔii su a mɛni-soli káa ífulu-laai su.

Nyɛɛ mai, “Gbɛ̂ɛ ƃé mò yâ a gɛɛ íkaa a íkaŋ? Ŋ̀úrii ŋá mò yâ a gɛɛ ífe m̀á da mii, ƃa da mii?”

È nalôŋ kpɛ̀ zûai su, é ŋâla-taa kooŋ-sãai pú Idɛŋ suai vóloi ƃelai-pere da ƃóa-sɔ̂kpɔ fóloɔɔ a gɛɛ dí vúlu-laa wuruii maa-perei mɛi káa.

Adaŋ è ŋɔnɛnîi láa sèe a Iî, kpɛ́ni fêi, è kɛ̀ a núu-kpune kélee nee.