Popular Bible Verses from John 10

શેર કરો

Tiggukti qaisuuruq tigligiaqsiññaqłuni tuqutchiyyaqłuniḷu suli maqutchiyyaqłuni. Uvaŋa qaiŋaruŋa iñuggutiqaquvlugich, suli iñuggusimmaġiksaaġukługich.

Uvaŋa imnaiḷiqirigiksuaguruŋa. Imnaiḷiqirigiksuaq tuqutauyumaruq pisigivlugich imnaiñi.

Imnaima naalaġnigaat nipiga, aasii iḷisimagitka, aasiiḷi maliġuaġaanŋa.

Aasii isuitchuamik iñuupkaġniaġitka, iliŋich aasii nalupqinaitchuamik tammaġumiñaipiaqtut. Suli supayaam aqsaaġniktaaġiyumiñaitkai uvamniñ.

Uvaŋa paaguruŋa. Iñupayaaq isiġumi uvapkun annaurrauniaqtuq, suli imnaisun isiġniaqtuq aniñiaqtuġlu aasii paqilluni niqaanik nauruanik.

Uvaŋa imnaiḷiqirigiksuaguruŋa. Aapam iḷisimmasiatun uvamnik uvaŋalu iḷisimmasivsun Aapamik, tainnatuttauq iḷisimagitka imnaitka, aasiivsauq ilaisa iḷisimagaanŋa. Aasii tuqqutiyumaaqtuaġitka imnaitka.

Aapaga qaitchiŋaruaq iliŋiññik uvamnun, kamanałhaaqtuq iluqaiññiñ, aasii supayaam aqsaaġniktaaġiyumiñaitkai Aapamniñ. Uvaŋalu Aapagalu atausiuruguk.

Uvaŋa imnaiḷiqirigiksuaguruŋa. Aapam iḷisimmasiatun uvamnik uvaŋalu iḷisimmasivsun Aapamik, tainnatuttauq iḷisimagitka imnaitka, aasiivsauq ilaisa iḷisimagaanŋa. Aasii tuqqutiyumaaqtuaġitka imnaitka.

Iñuum kialiqaa tuqutchumiñaitkaaŋa. Uvamnik tuqutausaaġiruŋa tainna pisukłuŋa. God-im ataniġnaqutiksriñŋagaaŋa tuqquriḷḷasivḷuŋa suli aŋiḷuŋa tuqqunmiñ. Tainna ilaan piraksriŋagaaŋa.

Tavra Jesus uqallatqiŋaruq ilaiññun, Iḷumutupiaġataq uqallautigivsi, uvaŋa paatun ittuŋa imnaimñun.

Iñuk akiññagniaqtuaguruaq imnaiḷiqirauŋił̣ł̣uni, nanmiñiq imnaich pigiŋił̣ł̣ugich, tautukkaa amaġuq qairuaq, aasii qimakkai imnaich pigruqłuni, aasii amaqqum kiŋmaġai imnaich siamiłługiḷḷu.

Iḷumutupiaġataq uqallautigivsi, iñuk isiŋitchuaq paakun imnaiqaġviŋmun aglaan mayuqtuaq allakun isiġiaqłuni, taamna iñuk tigguuraqtuaguruq tigligayuktiqpauruġlu.