Popular Bible Verses from Juwau 6

શેર કરો

Na tenepo, Yezu aapanga kuti: “Ine ndine nkate wa upulumuki. Ule anadza kuna Ine, na lini anadza kabva pontho njala. Ule ananditawira, na lini anadza kabva pontho nyota.

Nzimu usapasa upulumuki. Nyama nkhabe pinacita iyo. Mafala adakupangani Ine ndiwo nzimu na upulumuki.

Lekani kuphatira basa na thangwi ya cakudya cinamala, mbwenye phatirani cakudya cinakhonda kumala cinakhala na upulumuki wa kwenda na kwenda unafuna kukupasani Ine, Mwana wa Munthu. Thangwi Mulungu Baba amuikha cidhindo cakuntawirira.”

Thangwi kufuna kwa Baba wanga ndi kuti onsene ale analang'ana kuna Mwana mbantawira, anakhala na upulumuki wakukhonda kumala pontho Ine, ndinaalamusa pa ntsiku yakumalisa.”

Iye atawira kuti: “Basa ya Mulungu ndi ixi: Kutawira kuna ule adatuma Iye.”

Ale onsene anandipasa Baba, anadza kuna Ine. Ule anabwera kuna Ine, cipo ndinadza kan'khonda.

Penepo Simau Pedhru antawira kuti: “Mbuya tinenda kuna ani? Imwe ndimwe muna mafala anapasa upulumuki wakukhonda kumala.

Ine ndine nkate wa m'maso udachita buluka kudzulu. Anadya nkate unowu, ana upulumuki wakukhonda kumala. Nkate unowu unafuna kuapasa Ine, ndi nyama yanga ene, inafuna kuapasa ine toera dziko ipulumuke.”

Nkhabe anakwanisa kudza kuna Ine angakhonda bwereswa na Baba adandituma, pontho Ine ndinadza kamulamusa pa kufa ntsiku yakumalisa.

Thangwi nkate wa Mulungu ndi ule udachita buluka kudzulu mbupasa upulumuki dziko.”

Ine ndine nkate wa upulumuki.

Na tenepo, Yezu akwata mikate mbapereka takhuta kuna Mulungu, mbaigawira anthu ninga mukhafunira iwo. Iye acitambo penepyo sawa-sawa na nyama za m'madzi. Onsene pidamala iwo kudya mbakhuta, Yezu apanga anyakupfundza ace kuti: “Gumanyani mapindi adasala. Lekani kutaya cinthu.”

Pakumala kucapa n'nyandza nsindzo wa kukwana makilometuru maxanu peno matanthatu., aona Yezu mbakhafamba padzulu pa madzi, onsene mbagopa. Mbwenye Iye aapanga tenepa: “Ndine pano! Lekani kugopa!”