Popular Bible Verses from Yahayya 15

શેર કરો

Miin woni innaboohi, onon ngoni licce. Jooɗiiɗo nder am, miin boo emi jooɗii nder muuɗum, kanko rimata ɓikkon ɗuuɗkon. Gam on mbaawataa waɗgo koo ɗume to naa hawtaade e am.

Njooɗee nder am, miin boo mi jooɗoo nder mooɗon. Noon no lisal waawrataa rimgo feere muuɗum, to ngal jooɗaaki nder inniraahi, noon onon boo, on mbaawataa rimgo to on njooɗaaki nder am.

To eɗon njooɗii nder am, haala am e jooɗii nder mooɗon, ko ngiɗɗon fuu, toree Allah, on keɓey.

Naa onon cuɓi yam, ammaa miin suɓi on. Mi hokkii on kuugal njahon ndimoyon ɓikkon, ɓikkon mooɗon laatoo tabbitkon. Ndeen Baaba am no hokkey on koo ɗume ko toriiɗon nder innde am.

Yiɗde fuu ɓuraay goɗɗo hokka yonki muuɗum gam higooɓe muuɗum.

Lisal gonngal e am dimaral fuu, o fe''ey ngal, lisal dimoowal boo, o vo''iney ngal, gam ngal ɓesda rimgo.

Raa dooka am : ngiɗngiɗtiree, noon no ngiɗrumi on.

Ko teddinta Baaba am woni ndimon ɓikkon ɗuuɗkon. Kanjum hollata on laatii almaajiri'en am goonga'en.

— Miin woni *innaboohi goongahi, Baaba am woni mo''inoowo ki.

To goɗɗo jooɗaaki nder am, no ittete feree, noon no ɗum ferdata lisal pe''aangal yo'ori. Iri ɗen ɗoon licce jo'oruɗe no kawritete peree nder yiite, ɗe ngula.

Mi yeccake on ɗum gam velvelo am laatoo nder mooɗon, velvelo mooɗon boo heeva.

To on ɗowtanake dookaaji am, on njooɗoto nder yiɗde am, noon no miin boo ɗowtoraniimi dookaaji Baaba am, emi jooɗii nder yiɗde ma'ako.

Ngiɗngiɗtiree ! Kanjum woni dooka ka kokkumi on.

To on laatino ɓe duuniyaaru, daa ndu yiɗeyno on, gam on laatii ɓe ma'aru. Ammaa mi suɓii on, mi vurtinii on nder yimɓe duuniyaaru, on laataaki ɓe ma'aru, kanjum waɗi ndu wanyi on.