Popular Bible Verses from Genesis 3

શેર કરો

Inilan san babai ay gawigawis san deey ay kaiw ya gawigawis gedan nan begasna is makan danat nemnemen ay kagagasing nan menbalin is masilib isonga dat pomoting et kanena danat agtan si asawana danat abes kanen.

Nan oweg nan kasikapan isnan atap ay animalis ay binoliw nan APO ay Dios. Isnan esay agew sinoot nan oweg isnan babai, “Ay tet-ewa ay inbagan Apo Dios en adiyo kankanen nan begas nan kak-aiw isnan galdin?”

Menbosowek dakayo isnan babai et nan ap-ona ya nan ap-om et awnit menbibinosoda gedan. Tegtegen di ipogaw nan toktokmo dakapay abes bangten nan mokodna.”

Danat kanan isnan babai, “Paad-adowek nan ligatmo isnan kalilitonam ya nan sakit isnan omanakam. Ngem olay no siya di et laylaydem kayet nan asawam ya siya nan apom.”

Masapol ay menling-etka ay men-obla isnan lota esapay waday kanenyo engganay somagongka isnan lota ay nagapowam. Tay nan lota nan nagapowam et awnitka kasin menbalin is lota no mateyka.”

Danat kanan isnan lalaki, “Pinatim nan asawam dakapay kinan nan inbagak en adiyo kankanen. Gapo isnan inikkam et baosek nan lota isonga masapol ay menligatka ay men-obla isnan lota enggana isnan katatagowam tasiyay waday ommaam is kanenyo

“Sino nan nangibaga en ninlalaboska? Ay kinanmo san begas di kaiw ay inbagak en adim kankanen?” sinoot Apo Dios.

Et isnan batog di balaan di agew isnan galdin et inpaeyna nan babaana ay makwani en kerubim ya nan menposposipos ay menbidbidang ay kaneg ispada nan ilana. Siya dadi nan mangiyadi isnan somagsag-en isnan kaiw di biyag.

Nan ngadan san lalaki et Adam et nginadnana nan asawana is Eva tay siya nan inan nan am-in ay ipogaw.