Popular Bible Verses from Yon 13

શેર કરો

“Gunakaleiwag kweivaw asekeimiy, kadiloka bukusiwyoubus simsimiyas. Ma̱wan nasiwyoubumiy, kadiloka ma̱wan bukusiwyoubus simsimiyas. Bukuva̱ges ma̱wan, gamag babaw mo bikakins gunavamul yakamiy, peinan misiwa̱youb simsimiyas wasigeis.”

Iwik kikeis ikous, ivaligev anakweim, isin wakaban, idibakes, ilana, “Tabta kukwakins gunawotet towen wasigeis yakamiy? Kudokeigs ‘Amatakatimlakay’ o ‘Maguyaw’; bwein ma̱wan, mounid-wan. Kukin yey amitakatimlakay o miguyaw yey bawik kikeimiy, kadiloka kulabes simsimiyas mamagina kuwkiwiks kikeimiy simsimiyas wasigeis. “Bo akatimlakeimiy agusinap wasigeis yakamiy; kadiloka kuva̱ges ma̱wan.

Yeisuw ilana, “Nag kukwakin silawun gunawotet towen; igaw mo bukukwakin.”

Mounid adibakeimiy nag kal bikaleiwag naguyaw waseg, o guyaw teitan nataka̱yob awoum bikaleiwag waseg natovek; awoum.

Magat bukukwakins sinap towen o bukuwteles ma̱wan, bo bukumwa̱saws yakamiy.

E, Yeisuw mo itamanaw, inis anakweim mwaynavakaein, taweil isikam, mo iligob soup in wanuwan abmavin, isilamaw biwkiwik navamul kikeis, bititanob taweil towen nisikam waseg.