Popular Bible Verses from ယူဝ်း 3

શેર કરો

လွင်ႈ​မၼ်း​ၸမ်ႉ၊ၽြႃးပဵၼ်ၸဝ်ႈ​ႁၵ်ႉ​ၵူၼ်းလေႃးၵီႇ​တင်းလၢႆ​ၼႃႇ​လူင်လၢင်​ထၢၼ်ႈပေႃး​ၸုၼ်ႉပႅတ်ႈ​လုၵ်ႈၸၢႆး​ၵေႃႉလဵဝ်​ဢၼ်​မၼ်းၸဝ်ႈ​မီး​ၼၼ်ႉ၊ပုၼ်ႈ​လွင်ႈ​ၼင်ႇ​ႁိုဝ်​ၶဝ်​ၸိူဝ်း​ဢၼ်​ယုမ်ႇမၢတ်ႈ​မၼ်းၸဝ်ႈ​ၵူႈၵေႃႉၵူႈၵူၼ်း၊တၵ်း​ဢမ်ႇ​လႆႈ​ႁွတ်ႈထိုင်​တၢင်း​လု​တၢင်း​လႅဝ်​လႄႈ​တၵ်း​လႆႈ​ဢသၢၵ်ႈ​ထႃႇဝရႃႉ​ၼၼ်ႉ​ဢေႃႈ။

ၽြႃးပဵၼ်ၸဝ်ႈ​ပွႆႇၸႂ်ႉ​လုၵ်ႈၸဝ်ႈ​မႃး​ၼႂ်း​လေႃးၵႃႉ​ၼႆႉ၊ႁႂ်ႈလႆႈ​ၸီႇယၢင်ႇ​ဢပျတ်ႈ​တီႈ​ၵူၼ်းလေႃးၵီႇ​တင်းလၢႆ​ဢမ်ႇၸႂ်ႈ။ ပွႆႇၸႂ်ႉ​မႃး​ႁႂ်ႈ​ၶဝ်​လႆႈ​ႁွတ်ႈထိုင်​တၢင်း​ဢၼ်​ၵႄႇၶျွတ်ႈ​ဢဝ်​လူၺ်ႈ​မၼ်းၸဝ်ႈ​ဢေႃႈ။

ၸဝ်ႈ​ယေႇသု၊ ၶိုၼ်း​လၢတ်ႈ​လႄႈ​ဝႃႈ၊ “ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​မၼ်း​တီႈ​မႂ်း​ၸမ်ႉ၊ၽူႈလႂ်​သေဢမ်ႇဝႃႈ၊ပေႃး​ဢမ်ႇ​လႆႈ​ၶၢမ်ႇ​တၢင်း​ဢၼ်​ၵိူတ်ႇလဵင်ႉ​မႃး​ထႅင်ႈ​ပွၵ်ႈ​ၼိုင်ႈ​ၸိုင်၊တေ​ဢမ်ႇ​လႆႈ​ႁၼ်​မိူင်းၽြႃးပဵၼ်ၸဝ်ႈ၊” ဝႃႈ​ၼင်ႇ​ၼႆ​ဢေႃႈ။

ၵေႃႉ​ဢၼ်​ယုမ်ႇမၢတ်ႈ​မၼ်းၸဝ်ႈ​ၼၼ်ႉ၊တၵ်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ၸီႇယၢင်ႇ​ပၼ်တၢမ်ႇ​ဢပျတ်ႈ။ ၵေႃႉ​ဢၼ်​ဢမ်ႇ​ယုမ်ႇမၢတ်ႈ​ၸမ်ႉ၊လႆႈ​ၶၢမ်ႇ​တၢင်း​ဢၼ်​ၸီႇယၢင်ႇ​ပၼ်တၢမ်ႇ​ဢပျတ်ႈ​ယဝ်ႉ​ယဝ်ႉ၊ၵွပ်ႈပိူဝ်ႈ​မၼ်း​ဢမ်ႇ​ယုမ်ႇမၢတ်ႈ​လုၵ်ႈၸဝ်ႈ​သူႇလဵဝ်​ၼၼ်ႉ​ဢေႃႈ။

လွင်ႈတၢင်း​ဢၼ်​ၸီႇယၢင်ႇ​ပၼ်တၢမ်ႇ​ဢပျတ်ႈ​ဢၼ်​ဝႃႈ​ၼၼ်ႉ​ၸမ်ႉ၊ဢၼ်​လႅင်း​ၶဝ်ႈ​မႃး​ၵႃႈၼႂ်း​လေႃး​ၵႃႉ​ၼႆႉ​ယဝ်ႉ၊ၵွပ်ႈပိူဝ်ႈ​ၵူၼ်း​တင်းလၢႆ​ၵမ်ၵျၢင်ႉ​ဢၼ်​ႁၢႆႉ​ဢၼ်​ႁုၵ်း​လႄႈ​ယင်း​ၵျိူၵ်ႈ​ႁၵ်ႉ​ဢၼ်​လပ်းသိင်ႇ​ၼႃႇ​သေ​ဢၼ်လႅင်း​ယူႇ​ၼၼ်ႉ​ဢေႃႈ။

ၸဝ်ႈ​ၼၼ်ႉ​တၵ်း​လႆႈ​ၶိုၼ်ႈယႂ်ႇ​မႃး​လႄႈ၊ၵဝ်​တႄႉ၊တၵ်း​လႆႈ​သုတ်ႉယွမ်း​ၵႂႃႇ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၶဝ်​ၸိူဝ်း​ဢၼ်​ၵမ်ၵျၢင်ႉ​ဢၼ်​ႁၢႆႉ​ဢၼ်​ႁုၵ်း​ၼၼ်ႉ၊ၸင်း​ဢၼ်လႅင်း​လႄႈ ၶဝ်​ဢမ်ႇ​မႃး​ၸူး​ဢၼ်လႅင်း၊ၵွပ်ႈပိူဝ်ႈ​ၶဝ်​ၵူဝ်​ဢၼ်​ႁၢႆႉ​ဢၼ်​ႁုၵ်း​ၶဝ်​တၵ်း​ပေႃႇ​ဢွၵ်ႇ​ထၢင်ႇသႃး​မႃး​ၼၼ်ႉ​ဢေႃႈ။

ၵေႃႉ​ဢၼ်​ယုမ်ႇမၢတ်ႈ​လုၵ်ႈၸဝ်ႈ​ၼၼ်ႉ​လႆႈ​ဢသၢၵ်ႈ​ထႃႇဝရႃႉ​ဢေႃႈ။ ၵေႃႉ​ဢၼ်​ဢမ်ႇ​ထွမ်ႇဢဝ်​လုၵ်ႈၸဝ်ႈ​ၸမ်ႉ၊တၵ်း​ဢမ်ႇ​လႆႈ​ထူပ်း​ဢသၢၵ်ႈ​ဢမ်ႇၵႃး၊ယင်း​တၵ်း​မီး​ယူႇ​တႂ်ႈ​ဢပျတ်ႈ​တၢမ်ႇ​ဢၼ်​ၽြႃးပဵၼ်ၸဝ်ႈ​တၵ်း​ပၼ်​ၼၼ်ႉ​ဢေႃႈ။

“ၸိူဝ်ႉ​ၼင်ႇ​ဢၼ်​ မူဝ်းသေႇ၊ ယုၵ်ႉ​ငူး​ဝႆႉ၊ၵႃႈၼႂ်း​ထိူၼ်ႇ​ၼၼ်ႉ၊ လုၵ်ႈၵူၼ်း၊ တၵ်း​လႆႈ​ၶၢမ်ႇ​တၢင်း​ဢၼ်​ယုၵ်ႉ​ဝႆႉ၊

ပေႃႈၸဝ်ႈ​ႁၵ်ႉ​လုၵ်ႈၸဝ်ႈ​လႄႈ ဢဝ်​ၵႃႈမီး​တင်းသဵင်ႈတင်းလူင်​ဢၢပ်ႈပၼ်​ၼႂ်း​မိုဝ်း​မၼ်းၸဝ်ႈ​ဢေႃႈ။