Popular Bible Verses from ယူဝ်း 10

શેર કરો

ၽူႈလၵ်ႉ​ၸိုင်၊ၸၢင်ႈ​မႃး​ႁႂ်ႈလႆႈ​လၵ်ႉ၊ႁႂ်ႈလႆႈ​ႁႅမ်​တၢႆ၊ႁႂ်ႈလႆႈ​ယႃႉပႅတ်ႈ​ၵူၺ်း​ဢေႃႈ။ ၵဝ်​ၸမ်ႉ၊မႃး​ပုၼ်ႈ​လွင်ႈ​ၼင်ႇ​ႁိုဝ်​သူဝ်း​တင်းလၢႆ​တၵ်း​လႆႈ​ဢသၢၵ်ႈ​ၵူၺ်းဢမ်ႇၵႃး၊ႁႂ်ႈလႆႈ​ပျေႉၸုမ်ႇ​ဝႆႉ​တင်း​ဢသၢၵ်ႈ​ဢေႃႈ။

“ၵဝ်​ပဵၼ်​ၵူၼ်း​လဵင်ႉ​သူဝ်း​ထိင်း​သူဝ်း​ဢၼ်​လီ​ဢေႃႈ။ ၵူၼ်း​လဵင်ႉ​သူဝ်း​ထိင်း​သူဝ်း​ဢၼ်​လီ​ဢၼ်​ဝႃႈ​ၼၼ်ႉ၊ၸၢင်ႈ​ၸုၼ်ႉ​ဢသၢၵ်ႈ​တူဝ်ၸဝ်ႈၵဝ်ႇ​ပုၼ်ႈ​သူဝ်း​တင်းလၢႆ​ဢေႃႈ။

သူဝ်း​ၵဝ်​တင်းလၢႆ​ၸမ်ႉ၊ထွမ်ႇငိၼ်း​သဵင်​ၵဝ်​ဢေႃႈ။ ၵဝ်​ႁုၸၵ်း​ၶဝ်​လႄႈ၊ၶဝ်​ၵေႃႈ​ၸွမ်း​တၢင်းလင်​ၵဝ်​ဢေႃႈ။

ၵဝ်​ပၼ်​ဢသၢၵ်ႈ​ထႃႇဝရႃႉ​တီႈ​ၶဝ်​လႄႈ ၶဝ်​တၵ်း​ဢမ်ႇ​လႆႈ​လုလႅဝ်​သေပွၵ်ႈ​ဢေႃႈ။ ၽူႈလႂ်​ၵေႃႈ​ဢမ်ႇ​ၸၢင်ႈ​ႁိမ်​ဢဝ်​ၶဝ်​ၵႃႈၼႂ်း​မိုဝ်း​ၵဝ်​လႆႈ။

ၵဝ်​ပဵၼ်​ႁူး​ၽၵ်းတူ​ဢေႃႈ။ ၽူႈလႂ်​သေဢမ်ႇဝႃႈ၊ၵေႃႉ​ဢၼ်​ၶဝ်ႈ​ၸွမ်း​ၵႃႈၼႂ်း​ၵဝ်​ၼၼ်ႉ ၵေႃႉ​ၼၼ်ႉ​တၵ်း​လႆႈ​လွတ်ႈၽေး​ဢေႃႈ။ မၼ်း​တၵ်း​လႆႈ​ပႆ​ၶဝ်ႈ​ပႆ​ဢွၵ်ႇ​လႄႈ​လႆႈ​ထူပ်းၺႃး​ပႃႇ​ယိူဝ်ႈ​ဢၼ်​ၶဵဝ်​လီ​ၼၼ်ႉ​ဢေႃႈ။

ၵဝ်​ပဵၼ်​ၵူၼ်း​လဵင်ႉ​သူဝ်း​ထိင်း​သူဝ်း​ဢၼ်​လီ​ဢေႃႈ။ ၵဝ်​ႁုၸၵ်း​သူဝ်း​ၵဝ်​တင်းလၢႆ​လႄႈ၊သူဝ်း​ၵဝ်​တင်းလၢႆ​ၵေႃႈ​ႁုၸၵ်း​ၵဝ်၊

ပေႃႈၸဝ်ႈ​ၵဝ်​ဢၼ်​ဢဝ်​သူဝ်း​ၸိူဝ်း​ၼႆႉ​ဢၢပ်ႈပၼ်​ၵဝ်​ၼၼ်ႉ၊ယဵင်ႈၶႅၼ်း​ယႂ်ႇ​မျၢတ်ႈ​ၼႃႇ​သေပိူၼ်ႈ​တင်းသဵင်ႈတင်းလူင်​လႄႈ၊ၽူႈလႂ်​ၵေႃႈ ဢမ်ႇ​ႁိမ်​ဢဝ်​ၶဝ်​သေ​ၵႃႈၼႂ်း​မိုဝ်း​ပေႃႈၸဝ်ႈ​ၼၼ်ႉ​လႆႈ။- ၵဝ်​ဢိၵ်ႇတင်း​ပေႃႈၸဝ်ႈ​ၵဝ်​ပဵၼ်​ဢၼ်​လဵဝ်​ၵၼ်​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မိူၼ်​ၸိူဝ်ႉ​ၼင်ႇ​ပေႃႈၸဝ်ႈ​ႁုၸၵ်း​ၵဝ်​လႄႈ​ၵဝ်​ၵေႃႈ​ႁုၸၵ်း​ပေႃႈၸဝ်ႈ​ၼၼ်ႉ​ဢေႃႈ။ ၵဝ်​ၵေႃႈ​ၸုၼ်ႉ​ဢသၢၵ်ႈ​တူဝ်ၸဝ်ႈၵဝ်ႇ​ပုၼ်ႈ​သူဝ်း​ၸိူဝ်း​ၼၼ်ႉ​ဢေႃႈ။

ၽူႈလႂ်​ဢမ်ႇ​ႁိမ်​ဢဝ်​ဢသၢၵ်ႈ​ၵဝ်​ၵႂႃႇ​သေၵေႃႉသေၵူၼ်း။ ၵဝ်​ၸုၼ်ႉ​ဢသၢၵ်ႈ​ၵဝ်​ၸွမ်းၼင်ႇ​ဢလူဝ်ႇ​တူဝ်ၸဝ်ႈၵဝ်ႇ​ဢေႃႈ။ ၵဝ်​မီး​ဢၶႂၢင်ႉ​ဢႃႇၼႃႇ​တႃႇ​တေ​ၸုၼ်ႉ​ဢသၢၵ်ႈ​ၵဝ်​လႄႈ၊မီး​ဢၶႂၢင်ႉ​ဢႃႇၼႃႇ​တႃႇ​တေ​ဢဝ်​ဢသၢၵ်ႈ​ၵဝ်​ၶိုၼ်း​ဢေႃႈ။ ဢၶႂၢင်ႉ​ဢႃႇၼႃႇ​ၼၼ်ႉ​ၸိုင်၊ပေႃႈၸဝ်ႈ​ၵဝ်​ပၼ်​ဝႆႉ​တီႈ​ၵဝ်​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။

ၸဝ်ႈ​ယေႇသု၊ သမ်ႉ​လၢတ်ႈ​တီႈ​ၶဝ်​ထႅင်ႈ​လႄႈ​ဝႃႈ၊ “ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​မၼ်း​တီႈ​သူ​ၸမ်ႉ၊ၵဝ်​ပဵၼ်​ႁူး​ၽၵ်းတူ​ပုၼ်ႈ​ၽုင်​သူဝ်း​ဢေႃႈ။

ၵူၼ်း​ၵိၼ်ၸၢင်ႈၵိၼ်ငႃ​ၸမ်ႉ၊ပိူဝ်ႈ​ဝႃႈ​မၼ်း​ဢမ်ႇၸႂ်ႈ​ၵူၼ်း​လဵင်ႉ​ထိင်း​သူဝ်း၊ဢမ်ႇၸႂ်ႈ​ၸဝ်ႈ​သူဝ်း​လႄႈ၊မိူဝ်ႈ​ဢၼ်​မၼ်း​ႁၼ်​မႃၼႆး​မႃး​ၼၼ်ႉ​ၸိုင်၊မၼ်း​ၸၢင်ႈ​ပႅတ်ႈ​ဝႆႉ​သူဝ်း​တင်းလၢႆ​သေလႄႈ​လႅၼ်ႈပၢႆႈ​ဢေႃႈ။ မႃၼႆး​ၵေႃႈ​တိ​ၺွပ်း​ၵိၼ်​သူဝ်း​ၸိူဝ်း​ၼၼ်ႉ​လႄႈ​ႁႂ်ႈ​ၽၢတ်ႇၽႄ​တႅၵ်ႇ​ယၢႆႈ​ၵႂႃႇ​ဢေႃႈ။

ၸဝ်ႈ​ယေႇသု၊ သမ်ႉ​လၢတ်ႈ​လႄႈ​ဝႃႈ၊ “ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​မၼ်း​တီႈ​သူ​ၸမ်ႉ၊ၵူၼ်း​ၵေႃႉ​ဢၼ်​ဢမ်ႇ​ၶဝ်ႈ​ၸွမ်း​ႁူး​ၽၵ်းတူ​ၶွၵ်ႈ​သူဝ်း​လႄႈ​ၶၢမ်ႈ​ႁူဝ်ႉ​သေလႄႈ​ၶဝ်ႈ​ၵႂႃႇ​ၵူၺ်း​ၼၼ်ႉ​ၸိုင်၊ၵေႃႉ​ၼၼ်ႉ​ပဵၼ်​ၽူႈလၵ်ႉ​ၵူၼ်း​ၸူၼ်​ဢေႃႈ။