Popular Bible Verses from Mateus 5

શેર કરો

Mele pele tonge lemenge pe hekom ite nga kaliu e ero. I lape heon heke nga ana heoninga ke tualeme hatal ia iri lochloch ngana nenga pele letena. Ke pomalam mana imo a tualeme pule ke hehei pe hana te esia imo. Pe lape te esia lemo poinga urana ngana mur pe te heto heke Tememo nga lut nga Tapa.

“Pe imo a pomanga lemenge nenge tualeme hatalia ich nei. Nenge teke te ume heke tuele tana palaungana e nga sasana, kileng nem talkome ero toto.

Pe iri nenge leteria lemlem te iech toto pule iange lape te esia NeHalang.

Iri nenge muteria tau tote NeHalang lemene ngana ke pomanga muteria taua ngaunga pe ech te iech toto ol. Iange NeHalang lape poia iri ke saria huna.

Pe heueu nei e hele pengpeng lange iong. Lemem taua lem ngarang mur. Pe iri nenge te tunge amo melmelenga o hetalaulau aria nge NeHalang ke halaua iri.

“Iri nenge te eteia ke reria ute e ero toto nga NeHalang matana te iech toto iange lape tetu teu langa NeHalang nena naualanga pe nekinga.

Pe pule iri nenge te hemetmete palinga hel pe hunelinga te iech toto iange lape te hetue iri ke NeHalang tutuna mur ia iri.

Iri nenge te tangtang heueu nei te iech toto ol iange lape NeHalang hemaluch mule leteria.

Pe iri nenge te nanas ia poinga nge pengpeng pe mele hel te poi poreke iri te iech toto iange lape teteu la pule nga NeHalang nena naualanga pe nekinga.

Pe iri nenge leteria porekreke ia pekngaria mur te iech toto ol iange lape NeHalang letena porekeia iri pule.

“Pe imo nge a nanas ia iau pe te hele poreke imo pe te tunge amo melmelenga pe te channanga ia hehei pe hana nga helenga poreke ngana mur ke te heporeke imo letemo sio pe a iech toto iange urumo palaungana kou kulele imo nga lut nga tapa. Pe poinga nenge te poia lange imo nem te poi tele lange hetatalonga mur nenge tetu tala nge imo.”

Pe iri nenge tetal sio totote iri te iech toto ol iange lape NeHalang tunge ich lochloch lange iri.

“Imo a pomanga mesmes nge hehei pe hana nga ich nei. Pe nenge teke mesmes nem lemene ngana het lape ta poia ke mesmes mule ke pomere? Lape ana ume ero ol. Pomalam lape ta saua pe ta hepapar hite ke lasus.

Ke imo lochloch a hepengpeng ia imo pe a poia ure ke lohot ke pengpeng ke pomange Tememo nga lut nga tapa I non nge pengpeng toto.

O hele ke pengpeng mana. O hele ke ‘Oe’ ma o hele ke ‘Ero’. Iange helenga nemur nenge otal teu luluche langa lem helenga nenge ‘oe’ pe ‘ero’ nem non poreke ngana laka tunge lange iong ol.

“Pe pule a longe lo nenge te teke, ‘Nenge teke mele pal ele matam iong o pal ele matana pule. Pe nenge teke mele pal hoa ngingim iong o pal hoa ngingina pule.’ Pe e hele lange iong pengpeng o tuachol mule lange mele nenge poi poreke iong ero. Nenge teke mele tepele sose iong o hulia iong ke tepele iong nga ele pule.

Ke nenge teke matam nenga pen tamalmal poia iong ke o losio nga poinga poreke ngana o sulhote ke lasus. Pomalam singim unne elle mana lape lasus ol. Pe nenge teke ero lape te sausue iong pe singim lochloch ke langa oan ngingina ngana. Iok, nenge teke perim nenga pen tamalmal poia iong ke o losio nga poinga poreke ngana o chato hote pe o saua ke lasus. Urana toto nge o hile hote singim unne ke lasus. Pe nenge teke ero lape tesau sue singim lochloch ke langa oan ngingina ngana.