Popular Bible Verses from GENESIS 3

શેર કરો

Anengneng na samay bii a marakerakep imay kiew tan masamsamit a kanen so bunga to, tan sakey a pampilpilalekan a pakagamuray kakabatan. Kanyan amorbor na bunga, insan to kinan. Initdan toy asawa to, tan kinan to met.

Say oleg so sankasiliban ed saray amin ya ayayep a pinalsay KATAWAN a Dios. Tinepet na oleg ed samay bii, Imbaga tan tua na Dios ya ag yo kanen so bunga na dinanman a kiew ed tanamanan?

Pambosulan ta ka tan samay bii; mambosulan lawas so anak mo tan say anak to. Temeken na anak to so olom tan ketketen mo so mokur da.

Inkuanto natan ed samay bii, Aruman koy gunigon mo no manlokun ka tan nairapan ka ed pananak mo. Anggaman ontan, pampilalekan mo nin siansiay asawam tan sikatoy manoley ed sika.

Nakaukolan moy manlinget tan mansagput na baleg, pian makaiter so dalin na antokaman a napambilay ya anggad ipatey tan ipawil mod dalin a nanlapwan mo. Nanlapu kad dalin, tan magmaliw ka lamet a dalin.

Inkuantod samay laki, Dinengel moy asawam tan kinan moy prutas ya imbagak ed sikan ag mo kanen. Lapud sayan ginawam, nisambay dalin. Nakaukolan a mansagput kay baleg legan mon mambilay, pian mangiter so dalin na malaem a taganom.

Tinepet na Dios, Siopay angibagad sikan labus-lakseb ka? Kinan mo sirin imay bunga ya imbagak ed sikan ag mo kanen?

Diad bandad bokig na tanamanan na Eden angipasen na saray kirubin tan sakey a mandarlang ya ispada a manwasiwas ed amin a dapag, pian anggapoy makaasingger ed samay kiew na bilay.

Eva so impangingaran nen Adan ed samay asawa to, ta sikatoy ina na amin a katoowan.