Popular Bible Verses from Genesis 27

શેર કરો

Asop ya kad-in ebfen Apo Dios nan lotam isnan ormo ay malpo id chaya ya igwana ken sik-a nan malweb ay lota! Asop ya pafegkhasena nan isamam ya ta lomifas nan fayasmo. Asop ya ichowana nan takho isnan kailiili ay ensilfi ken sik-a. Asop ya enfalintomeng cha am-in ay mangipaila ay naiyornos cha ken sik-a. Iyapowam nan iib-am. Asop ya nan wanen-ed inam et enfalintomeng cha ay mangipaila ay patpatiyencha sik-a. Machosa koma nan cheycha'y mangamsiw ken sik-a, ya mabindisyonan nan cheycha'y mamindisyon ken sik-a!”

“Maikadwa et na is lomokwalokwana. Amfoyakas pet si Jacob nan ngachana. Inalana nan kalentekhak ay enyon-a. Ya chey, inalana kayet nan kabindisyonak. Maid ngen paat nakhayad is ichawchawmo ay bindisyon ken sak-en, ama?”

Kinwanin et Isaac ken siya, “Chey, ilam. At adchawi nan entey-am isnan malweb ay lota. Ya at maid ormo ay malpo'd chaya is mangfe isnan lotam. At nan fadyok nan ikatakhom ya at enfaan nan annochim sik-a. Nay met achi mo iyangam ay mangonong ken siya, et mabfalin ay maikasiw ka isnan kamabfalina.”

Intoloy Esau ay nenseg-aseg-ang ken amana ay nangwanin, “Ay ke es-esang ngen yangkhay nan mabfalin ay ichawchawmo ay bindisyon? Bindisyonam akhes sak-en achi ama!” kinwanina ay nangipapangekhe ay en-akha.