Popular Bible Verses from Marcos 10

શેર કરો

Cay el Hijo del Hombre ya vene aqui para sirvi con otros y hende para otros ay sirvi con ele. Y ya vene tamen le dale su vida para rescata el vida del mucho maga gente.”

Ya mira si Jesus canila, y ya habla, “El maga cosas imposible para hace el maga gente, posible para con Dios, cay Dios puede hace todo las cosas.”

Y ya habla si Jesus con ele, “Aver, camina dao. Na, bueno ya tu por causa del di tuyo fe conmigo.” Despues enseguidas ya puede le mira, y ya sigui le dayun con Jesus camina.

Entonces con quien Dios ya sagra para man junto, prohibido para hace separa canila.”

Despues ya mira si Jesus con ese joven con cariño, y ya habla, “Ta falta pa tu una cosa. Anda ya tu y vende todo el di tuyo bienes, y dale ese cen con el maga pobre, despues vene ya y sigui conmigo, y na ultimo ay tene tu riqueza na cielo.”

Y si Jesus ya habla con ele, “Cosa man tu quiere que hace yo para contigo?” Ya contesta le, “Maestro, manda dao conmigo mira otra vez.”

Pero ustedes no hace ansina, sino si quien di ustedes quiere queda importante, necesita le sirvi con otros.

Deverasan ta habla gayot yo con ustedes, si quien hende ay recibi con Dios como su rey y hende ay tene el confianza con ele igual con aquel bata diutay que tiene confianza con su tata, ese maga gente hende ay puede entra na Reino de Dios.”

Y aquel tiempo mucho del maga gente importante ahora, ay queda hende importante, y el maga hende importante ay queda importante despues.”

Pero na principio del creacion Dios ya crea con el hombre y con el mujer. Por causa de ese el gente ay deja con su tata y nana y ay man junto con su mujer, y sila dos ay queda como si fuera un persona, y ansina hende na sila dos persona, sino igual como uno ya lang.