Popular Bible Verses from Mwanduso 27

શેર કરો

Mulungu yakwing'he mvula kulawa kuulanga na yakwing'he ulongo unogile ulava nafaka na divai nyingi. Makabila yose wezakusang'hanila, na wezakutumbalila mavindi, kwizakuwa mulangulizi wa wandugu zako wose na welesi wa mami yako wakutumbalile mavindi, wanhu wokuduwila weye waduwiligwe na wokutemela mate wezatemeligwa mate.”

Esau kalonga, “Lekamana kotangigwa Yakobo kwaviya kanivwizila miyanza midi. Mosi kasola haki yangu ya uchaudele, maabaho kasola kutemeligwa mate kwangu.” Esau kalonga, “Hunisigazile kutemeligwa mate kwangu?”

Maabaho Isaka tati yake kamwidika, “Kwizakala kutali na mgunda unogile ulava nafaka na divai nyingi na kutali na mvula ya kuulanga. Kwizakala kwa kuwakoma wanhu kwa sengo, Kwizamsang'hanila ndugu yako. Mbali uhalema, kwizatenda voulonda mwenyewo.”

Esau kamulongela tati yake, “Kodaha kutemela mate mwanza umwe muhala tati yangu? Tati yangu na niye iviya nhemele mate!” Kandusa kulandula dizi na kalila.