Torãjĩrã ᵽuri Saulo ᵽõꞌirã Ananíare aꞌrika mae. Kimaeka wiꞌirã eyatirã kiᵽitaka Saulo ᵽemarã Ananíare jaꞌaᵽeaeka. Suᵽabaatirã ikuᵽaka Ananíare kire ãrĩka:
—Yijeyomaki miaꞌmitiᵽe. Maĩᵽamaki Jesús, miꞌtarijaraᵽaka ᵽoto mire ᵽemakotowiraᵽakiji, yire ᵽũatakoꞌoka miñakoa jiirũ ãrĩwaꞌri. Suᵽabaatirãoka Esᵽíritu Santore mire ñaꞌrĩjãirũ ãrĩwaꞌri ᵽariji yire kiᵽũatayu,== kire kẽrĩka.
Torõꞌõjiteje, waꞌitĩti uᵽaka ĩoika Saulo ñakoaᵽi ñaꞌrĩka. Torãjĩrã ᵽuri jia kiñakoa jarika ate. Iꞌsuᵽaka kire kibaamaka, kimiꞌmirĩkaeka ᵽoto Ananíare kire ruᵽukoꞌa jũjeka.