Popular Bible Verses from SAN MATEO 4

શેર કરો

To bairo cʉ̃ ca-ĩiro: —Dio Wadarique oco bairo ĩi, cʉ̃ ca-ĩiñupʉ Jesú. —“Camaja ʉgarique ʉgabana quena caroaro mani ani majiquẽe. To bairi mani ca-ʉgape jetore ca-tʉgooñaquetipe ãa. Dio Wadarique macare apiʉjari caroaro mani anicõa maji. To bairi tiere ca-tʉgooñape ãa,” ĩi Dio Wadarique, Satanáre cʉ̃ ca-boca ĩiñupʉ Jesú maca.

To bairo cʉ̃ ca-ĩiro oco bairo cʉ̃ ca-ĩiñupʉ Jesú: —Aácʉja, Sataná. Dio Wadarique oco bairo ĩi: “Dio jicãʉna ãmi Caʉpaʉ cá-áti nʉcʉbʉgopaʉ. Cʉ̃ jeto cʉ̃ ca-rotirijere ája,” ĩi Dio Wadarique, cʉ̃ ca-ĩiñupʉ Jesú.

To bairo cʉ̃ ca-ĩiro: —Ape wame quena oco bairo ĩi Dio Wadarique: “Mʉ Ʉpaʉ Diore nʉcʉbʉgorique manona apeye uniere cʉ̃ áti rotiqueticõaña,” Satanáre cʉ̃ ca-ĩiñupʉ Jesú.

Atie bero Dio Espíritu Santo camaja na ca-manopʉ, ca-yucʉ manopʉ Jesúre cʉ̃ ca-jʉgo aájupʉ. Topʉ Jesú cʉ̃ ca-ejaro Sataná, ¿Diore cʉ̃ bai netoobocʉtí? ĩi, caroorijere cʉ̃ cá-áti rotibajupʉ. Topʉ ãcʉ̃ cuarenta rʉmʉri majuu ca-ʉgaquẽjupʉ Jesú. To bairi seeto ca-ñigo riabʉjayupʉ.

To bairo na cá-áto Jesú na tʉjʉ: —Adʉja yʉ mena. Caroaro mʉja wai waja maji. Yucʉra yʉ mena aána camajare Dio ye quetire mʉja buio majigarã. To bairo mʉja ca-ĩi buiorijere apirã na quena Diore ca-apiʉjarã anigarãma, na ca-ĩiñupʉ Jesú. To bairo cʉ̃ ca-ĩiro apirã nemoona na bapi yucʉre cá-aá weocoajuparã, Jesú mena aána.

Ti paʉna Jesú ca-buio jʉgoyupʉ Dio ye quetire. —Dio joo tʉgami meere, Ʉpaʉ ati yepapʉ ca-rotipaʉ majuure. To bairi caroorije mʉja cá-átie jʉtiritiri mʉja yeri wajoaya, ca-ĩi buio jʉgoyupʉ Jesú.