Popular Bible Verses from San Juan 15

શેર કરો

Mag iekhamamua deeu ichdeu jaautarrjo, —Mʉʉta chi uva khaar charaugui ajim, ich igwia. Maagwai pãar sĩi mʉ khãu nenergau. Chi mʉ dʉita ogdʉba simʉn chadcha Ẽwandam athee nem wajapham pooma waujugui ajim, mʉch garmuajã i ogdʉba chiraawai. Mʉ gaaimua khabam chan bʉ̃ʉrjã pãrau pod nem wajapham waubajugui ajim.

Mag pãachta mʉ khãu nenergkha naawai oob mʉ ogdʉmiet ajim. Jãg chi khãu chaar gaaimua thʉadʉbaadeewai chi neer ich appai pod cheba warag phuajemjo, pãarjã ich agjo mʉ dʉita khapeer khaba nʉm chan, pod Ẽwandam athee nem wajapha waubamgui ajim. Magua mʉ dʉita ich jãg ogdʉba nʉisit ajim, mʉch garmuajã jãg pãar ogdʉba chitaajemjo.

’Pãrau mʉ kha ogdʉba mua pãachig jaautarr ipierraata wenʉrrʉmʉn, pãachdeu nem waupim khõsimta mʉrʉg jaaubat, magbaa mua waub khaba waujugui ajim.

Warrjã pãrau pãach garmuata pãach Porkhamkhĩir mʉ jʉr auba mʉch garmuata pãar jʉr autarr aawai, mua pãar pʉi chirʉmgui ajim, wetwia õrag mʉ iek aaidʉ jaaumamua õor mʉch igar paa aumamkhĩir. Pãrau magmʉn, magan mʉ iek gaai thʉwia mʉ Ayag nem jeeuwaijã thum irua deeb khaba deejugui ajim.

Maadeu dich khapeen athee nem waauwai amag khaphʉ apiejem, chadcha maadeu am khõsi nʉm; pari mag nem wau nʉm khãai ʉ̃rpai simʉn, am kõitjã ʉdʉraa dich thõopi chirʉmta chadcha am daupii chirʉm anʉmʉugui ajim.

Pãar sĩi mʉ khãu nenergau. Wajapcharan pãran mʉ Ayau khõsi simjo nem wawaagta mʉ denkha nʉmgui ajim. Pari mag mʉ khãu nenergkha nʉmta khãu ãb khãijã pod jopba simʉn, mʉ Ayau warag thʉapnaa barpʉiju. Pari ʉuta chewia jop simʉn, warag wajaphata irua jar khekher ajugui ajim, warag chemkhĩir.

Mua pãrag jaau pʉa chirʉmʉn, mʉchdeujã ich jãg pãar daupii chirʉmjo pãach eepaijã jũrr agdaujo chikhamnaan daupii abat a chirʉmʉugui ajim.

Ar pãrau mʉ Ayau nem waupim khõsi simjota wajapha nem waauwain pãrau warag i thʉ̃rphoota api nʉmgui ajim. Pãach mag nʉm gaaimua õrau khaphʉ aju, pãar chadcha mʉ khapeenkha nʉm.

Mamʉ mag wettarrau atarrta warag iyʉʉ nʉmua magjim Jesuu, ichpai igwia: —Mʉʉta chi uva kharau, maagwai mʉ Aai chi jĩirjem anaa chi jaarjemʉugui ajim.

Chi mʉ dʉi narr khʉʉnta amach garmua mʉ kha ogdʉ nʉm khʉʉnan warag uva khãu bʉ̃ʉrjã cheba aajemjo isegpʉijugui ajim, mʉ gaaita khaar khaba naawai. Magʉm khʉʉnan mʉ Ayau oowaijã, chi khãu thʉrrptarr phuabaadeewai orpäaijemjota nʉmgui ajim, i athee nem wauba sĩi parta naawai.

’Mua pãrag mag iekha chirʉmʉn, mʉch onee chirʉmjo pãachjã warag wajapcha onee amkhĩraugui ajim. Pãar mag mʉjota onee nʉmʉn magan mʉg eegarm oneg khaba, oneg chaarta wai nʉisim.

Ich jãg mʉjã mʉch Ayau jaautarr ipierraa chitʉm gaaimua mʉ Ayau mʉch khõsi wai sĩejemjo, pãraujã mua pãachig jaautarr ipierraata wenʉrrʉmʉn, pãrau khaphʉ ajugui ajim, chadcha mua pãach khõsi chirʉm.

Deeu mua pãrag, agdaujo jũrr dich khapeen daupii abat a chirʉmgui ajim.

Pãraujã am denjo mʉ iek ʉkhaba nʉm akhiin, amau pãar daupii akham, amach igar nʉm khʉʉn dʉi aajemjo. Pari pãar am eemua mua mʉch athee jʉr autarr aawai amau pãar oomapha nʉmgui ajim, ya pãar amach dʉi khaba naawai.