Popular Bible Verses from T. YÔHAN 6

શેર કરો

Ngaich ngö ṙô Yēsū tö cha, Chū-ö Chin Ròtī nômö. Ngòh yamihtöre nö in Chu, öt kapahare min; ngòh ṙamātö ellōnre nö in Chu inrē, öt haṙëhe nômö min.

Ngam ma-alaha an tö aṅhaṅ tī; öt kanôluṙô an ngam alaha. Ma-alaha nun në ṙô Chu tö yīö, nômö inrē.

Un harëtnyö elmatre tökūö chamuhngöre nya-aṅkūö; harëtnyö elmatre pöri tökūö ngam töngngöh nya-aṅkūö, im nômö tö-örheūheu-aṅ, ngam kahëtö ngam Kūön Tarik min nö in yīö; pòkūö Ò An ngam Yöng, ngam Tēv nö minkahngö.

Pò e nö lōn ngam Yöng Chu, tö yip taṙòkhöre mameuk ngam Kūön, ṙātö ellōnre inrē nö in Ò, nö nômuvö tö ngam tö örheūheu-aṅ, ngaich hachohlen cha Chū-ö min, ip manā-aṅ sakāmö.

Ngaich ngö ṙô Yēsū, nö sapṙô cha, Ngih ön yih la-en ngam Tēv, Ṙātö ellōnre yin im tahīntö Ò.

Ṙòkhöre yip kahëtö ngam Yöng nö in Chu, nö yihtöre min nö in Chu, öt löktu nö havööṙökūö.

Ngaich ngö ṙô Sīmōn Pītör, nö sapṙô Ò, Mā! Chuh in chīö öi min? I minë ṙô Meh, an ngam nômö tö örheūheu-aṅ.

Chū-ö Chin tö-aṅ Ròtī, yamônti ṙā-ang el halīöngö. Yē öp tarik nyamā ngih Ròtī, örheūheu min nö aṅ. Alaha Chu an ngam kahëtö Chu min Ròtī, nö nômö ngih panam.

Öt hĕng tak tarik tö kô nö yihtöre nö in Chu, yē ngam Yöng ngam tamīnten Chu, nö öt tūökten ò, ngaich hachohlen ò Chū-ö min ip manā-aṅ sakāmö.

Ngih ön nya-aṅ aṅ im Tēv, yamih nö ṙā-ang el halīöngö, ngaich kētö nômö nö ing panam.

Chū-ö Chin Ròtī nômö.

Kēḵ minë ròtī ngaich Yēsū, keuheūthëṙô ngaich nö ha-öiny ngam Tēv, ngaich katölhökūö cha yik tö ūichhaka, i ṙôken lōn cha. Ngaich hē cha nö tööḵngen, ngaich ngö ṙô Anga-aṅ tö yik mahaköp. Hamūl nup tölaköla, nup chööḵkūö, hòn öt tömëchiyö.

Ngaich hē cha nö lūöi, fën mail rô-òlkūö nö keūtöre; meūkö Yēsū cha-a nö kiröönngöre nö i kui mai; ngaich haröhtöre nö im kupòk; ngaich pa-ekūö cha-a. Ngö ṙô pöri Anga-aṅ tö cha, Chū-ö Chini; ui pa-ekūö.