Popular Bible Verses from Ranehlö 11

શેર કરો

Ngaich ngöṙô ngam Mā Tēv, Yĕhmeuk, hĕng yin nö tarik, ane yin inrē hēngö ëlô nö ṙòkhöre; ngaich angū-ö ngih la-en cha nö rultenre: ngaich töngamuh min nö öt hĕng tö tanahen nö in cha, nup lōn cha vahī cha. Pöh, tā-a töi yônti, ngaich umuh kalūöichngö ëlô cha, hòṅ cha nö kö öt akaha el nang tö ṙô höö.

Ngaich ngöṙô chā-a, Pöh, tā-a töi vī elpanam hī hĕng, tömarô-òlkui patī inrē, öp tösöllökui nö el halīöngö, tā-a inrē töi vī minë-enyre; hòṅ hī öt pirāti marôvat ikui ngam tumlat nö ṙòkhöre.

Lökten ök minë-eny e nö kaheūkö nö Pēpöl, pò ngam Mā Tēv nö kô-òtī nö kalūöich ëlô ngam tumlat nö ṙòkhöre: ṙā-ang umuh tī ngam Mā Tēv nö pirātngen Cha nö marôvat ikui ngam tumlat nö ṙòkhöre.

Höng hēngö ëlô ngam tumlat nö ṙòkhöre höng hēngö ṙô inrē.

Ngaich ngam Mā Tēv nö yônti nö ngëichkö ngam elpanam tömarô-òlkui patī inrē, ngam vahīlö yik kūön tarik.

Ngaich ngam Mā Tēv nö pirātngen cha nö marôvat nö ṙā-ang muh ikuö ngam tumlat nö ṙòkhöre: ngaich chā-a nö ṙāngenre nö vīlö ök el panam.