Popular Bible Verses from Huan 14

શેર કરો

Kono kow ogkasasow woy dokow ogkahallok su ko oghipanow ad on dio to Amoy ku, iggalat ku ka kalinow dio to goinawa now. Kono no ogkounawa to kalinow to mgo kootawan kai to soin no kalibutan; ogligkat koddi ka iggalat ku kaniu no kalinow.”

Kagi ni Hisus kuwo kandin, “Koddi ka dalan woy koddi ka kamalogotan, woy koddi ka ogligkatan to kouyagan now. Waro agad hontow no ogpokohondio to Amoy ku no Magboboot ko kono ogbayo koddi.

Kagi pa ni Hisus kuwo to mgo hibatoon din, “Kono kow ogkasasow dio to goinawa now. Ogsalig kow nasi to Magboboot; songo salig kow koddi.

Ogpohondini on pad to Amoy ku ka Gimukud din pinabayo to ngaran ku no Kandin ka Talagbulig kaniu. Kandin on ka og-anad kaniu to tibo woy ogparoromdomon kow nikandin to sikan no innangon kud kaniu.

Sikan no mgo otow,” kagi ni Hisus, “ko ogtinawoon dan ka mgo insugu ku woy ko ogtumanon dan, sikan ian ka mgo otow no duon goinawa ran koddi. Ka sikan no mgo otow no duon goinawa koddi, songo duon goinawa to Amoy ku kandan. Agad sikoddi, dakol ka goinawa ku kandan woy songo ogpatokod a kandan.”

Ogbuyu a to Amoy ku oyow ogbogayan kow to duma no Talagbulig no ogdurumaruma kaniu taman to waro katamanan. Kandin ka Gimukud to Magboboot no ogpasabut kaniu to malogot bahin to Magboboot. Kono ogpakatinawo kandin ka mgo otow no wa nigtuu koddi kai to soin no kalibutan su kono ogpakakita kandin woy su waro dan tokora kandin. Di sikaniu, ogtokoron now ro su og-ugpo man kai to goinawa now no kono ogkaawo.”

Agad nokoy no ogbuyuon now koddi, ko oghingaranan now ka ngaran ku, oghimuon ku soini oyow ogkasayo ka Amoy ku pinabayo koddi no anak din. Ko ogbuyu kow, agad nokoy to koddi no ngaran, oghimuon ku soini.”

“Ko duon goinawa now koddi,” kagi ni Hisus, “ogtumanon now ka mgo insugu ku kaniu.

Dio to Amoy ku duon mohon-ing so ogkougpaan. Oghun-a ad dio su ogpanagana a to datongan now. Ko kono pa porom no malogot soini, kono ku porom ognangonan sikaniu.

Ko rio ad on woy ko ogpakapanagana ad on to igtagad ku kaniu, oglibong a oyow og-angoy a kaniu oyow ko hondoi a longod, songo dio kow.

Kagi ni Tomas kuwo kandin, “Buyag, waro koy mataga ko hondoi ka ogdolog. Ogmomonu koy naan,” kagi rin, “oyow ogpakabatuk koy to dalan nu?”