If you would like a copy of this version please contact info@davaraudiobibles.org

Sagalla New Testament © Bible Society of Kenya. Sagalla New Testament Audio Bible ℗ 2022, Davar Partners International.

Sagalla New Testament

<div class="version vid3618 iso6393tga" data-vid="3618" data-iso6393="tga">
 <div class="book bkLUK">
 <div class="chapter ch15" data-usfm="LUK.15">
 <div class="label">15</div><div class="s">Ikataniso lya ng'onzi ilaghaye</div><div class="r">(Matayo 18:12-14)</div><div class="p"> 1Nao wafunyi kodi na wakaung'a wose ilyi weluo wekemtindirira Jesu wamsikizile, 2Wafarisayo na walimu wa Sheria wakanung'unika, wekeghamba, &#8220;Uyu mundu wanawahokeragha wakaung'a na kulyanya nawo!&#8221; 3Na Jesu kawaghorera ikataniso ilyi: 4&#8220;Ni mundu muni kwenyu ewo na ng'onzi ighana, ilyi alaghaza mojori, sesighagha zilya mirongo kenda na kenda kireti na aghende kuhada ilya ilaghaye hata aione? 5Naye ilyi aiona, uitukagha iwegha kwa kuboelo, 6naye ilyi auya kaya, uwapang'agha wagheni wake na wambawe awauze, &#8216;Boeloni ngila mojori nemi, kwani naiona ng'onzi yangu yelaghaye!&#8217; 7Hung'u kwenyi namuza, kujekala na kuboelo kubwaa mlunguni kwa mkaung'a mumojori erihagha kuchumba kwa wahachi mirongo kenda na kenda siwewo na undu ghoriha. </div><div class="s">Ikataniso lya pesa ilaghaye</div><div class="p"> 8&#8220;Ango ni muke muni kwenyu ewo na shilingi ikumi, kalaghaza mojori, sewashagha taa na kushera nyumba, na kuihada hata aione? 9Naye ilyi aiona upang'agha wagheni wake na wambawe, awauze, &#8216;Boeloni nemi, kwani naiona shilingi yangu ilaghaye.&#8217; 10Hung'u kwenyi namuza kujekala na kuboelo kwa malaika wa Mlungu kwa mkaung'a mumojori erihagha.&#8221;</div><div class="s">Ikataniso lya mwana alaghaye</div><div class="p"> 11Nao Jesu kaghora, &#8220;Koluo na mundu mumoju eluo na wana waili. 12Na ulya mchache kamuza tatie, &#8216;Aba nihawe mali ilya ikalagha yangu.&#8217; Naye tatie kawasarira mali yake. 13Nao nyuma ya majua machache, ulya mwana mchache katagha mali yake yose, kapata pesa na kutamba isanga lya kulele. Naye alye kahakila mali yake kwa kulya laghelaghe. 14Naye aghenda amalila kuzitumia zose, njala ikangila kele lyilya isanga. Naese kadyowa kusowa chelya. 15Nao kaghenda kwa mundu mumoju wa isanga lyilya, kaghenzo mbweni kwake kulisa nguluwe. 16Naye karirigho ni kulya makoko gheluo ghekelyigho ni nguluwe, hata sikowesi mundungi emuhawile kindu chingi. 17Nao aghenda atoka akili, karirikanya, &#8216;Ni watumishi walinga wa aba welyighagha na kuhangala, nemi aha nendefwa kwa njala! 18Niukagha nighende kwa Aba nimuze, Aba nanadeile kaung'a ighulu ya Mlungu na hambiri yako. 19Sifweni kuito mwana wako. Nidee nikale mumoju wa watumishi wako.&#8217; 20Nao kauka kaghenda kwa tatie.</div><div class="p">&#8220;Ela ilyi eluo kulele kwenyi, tatie kamwona kamufwila waya, na kamkimbilila na kamusura na kumususuga. 21Nao ulya mwana kamuza, &#8216;Aba, nanadeile kaung'a ighulu ya Mlungu na hambiri yako na siinifweni kuito mwana wako.&#8217; 22Ela tatie kawauza watumishi wake, &#8216;Leteni shoshoa nguo yaloli mumurwarise, na mumungize ngome kele chala chake na vilatu kele maghulu ghake. 23Na mulete ngache ibandile muishinje tilye na tiboelo! 24Kwani uyu mwanwangu wofwile naye wazuka, olaghaye na waoneka.&#8217; Nawo wakadyowa kuboelo.</div><div class="p"> 25&#8220;Naye ulya mwanwake mubwaa oluo mbweni ilya ngelo, nao ilyi eluo keuya, afika avui na kaya, kasikila ngoma na kivini. 26Kampang'a mumoju wa watumishi na kamkotela; &#8216;Ni kimuni chio aho?&#8217; 27Ulya mtumishi kamuza, &#8216;Wakwenyu weja, na tatio wamushinjila ilya ngache ibandile, kwa kukala wampata ewo moyo.&#8217; 28Ela iye kawasilo na kalegha kungila kaya. 29Tatie kafuma kamungolangola, ela kamuza tatie, &#8216;Lola ni miaka milinga nakutumikila na lyingi seleghile malagho ghako? Hata na lyingi sunihawile ndangina eri niboelo na wagheni wangu. 30Ela uyu mwanwako amalile mali yako na vijimbo eja, wamushinjila ngache ibandile.&#8217; 31Nao tatie kamuza, &#8216;Mwanwangu, ngelo zose uwo ngila mojori nemi, na vose nio navo ni vako. 32Kwa hung'u ni hachi tibwelo na tiseke, Kwani uyu wakwenyu wofwile na wazuka, wolaghaye na waoneka.&#8217;&#8221;</div>
 </div>
 </div>
</div>

Nao wafunyi kodi na wakaung'a wose ilyi weluo wekemtindirira Jesu wamsikizile, Wafarisayo na walimu wa Sheria wakanung'unika, wekeghamba, “Uyu mundu wanawahokeragha wakaung'a na kulyanya nawo!” Na Jesu kawaghorera ikataniso ilyi: “Ni mundu muni kwenyu ewo na ng'onzi ighana, ilyi alaghaza mojori, sesighagha zilya mirongo kenda na kenda kireti na aghende kuhada ilya ilaghaye hata aione? Naye ilyi aiona, uitukagha iwegha kwa kuboelo, naye ilyi auya kaya, uwapang'agha wagheni wake na wambawe awauze, ‘Boeloni ngila mojori nemi, kwani naiona ng'onzi yangu yelaghaye!’ Hung'u kwenyi namuza, kujekala na kuboelo kubwaa mlunguni kwa mkaung'a mumojori erihagha kuchumba kwa wahachi mirongo kenda na kenda siwewo na undu ghoriha.

“Ango ni muke muni kwenyu ewo na shilingi ikumi, kalaghaza mojori, sewashagha taa na kushera nyumba, na kuihada hata aione? Naye ilyi aiona upang'agha wagheni wake na wambawe, awauze, ‘Boeloni nemi, kwani naiona shilingi yangu ilaghaye.’ Hung'u kwenyi namuza kujekala na kuboelo kwa malaika wa Mlungu kwa mkaung'a mumojori erihagha.”

Nao Jesu kaghora, “Koluo na mundu mumoju eluo na wana waili. Na ulya mchache kamuza tatie, ‘Aba nihawe mali ilya ikalagha yangu.’ Naye tatie kawasarira mali yake. Nao nyuma ya majua machache, ulya mwana mchache katagha mali yake yose, kapata pesa na kutamba isanga lya kulele. Naye alye kahakila mali yake kwa kulya laghelaghe. Naye aghenda amalila kuzitumia zose, njala ikangila kele lyilya isanga. Naese kadyowa kusowa chelya. Nao kaghenda kwa mundu mumoju wa isanga lyilya, kaghenzo mbweni kwake kulisa nguluwe. Naye karirigho ni kulya makoko gheluo ghekelyigho ni nguluwe, hata sikowesi mundungi emuhawile kindu chingi. Nao aghenda atoka akili, karirikanya, ‘Ni watumishi walinga wa aba welyighagha na kuhangala, nemi aha nendefwa kwa njala! Niukagha nighende kwa Aba nimuze, Aba nanadeile kaung'a ighulu ya Mlungu na hambiri yako. Sifweni kuito mwana wako. Nidee nikale mumoju wa watumishi wako.’ Nao kauka kaghenda kwa tatie.
“Ela ilyi eluo kulele kwenyi, tatie kamwona kamufwila waya, na kamkimbilila na kamusura na kumususuga. Nao ulya mwana kamuza, ‘Aba, nanadeile kaung'a ighulu ya Mlungu na hambiri yako na siinifweni kuito mwana wako.’ Ela tatie kawauza watumishi wake, ‘Leteni shoshoa nguo yaloli mumurwarise, na mumungize ngome kele chala chake na vilatu kele maghulu ghake. Na mulete ngache ibandile muishinje tilye na tiboelo! Kwani uyu mwanwangu wofwile naye wazuka, olaghaye na waoneka.’ Nawo wakadyowa kuboelo.
“Naye ulya mwanwake mubwaa oluo mbweni ilya ngelo, nao ilyi eluo keuya, afika avui na kaya, kasikila ngoma na kivini. Kampang'a mumoju wa watumishi na kamkotela; ‘Ni kimuni chio aho?’ Ulya mtumishi kamuza, ‘Wakwenyu weja, na tatio wamushinjila ilya ngache ibandile, kwa kukala wampata ewo moyo.’ Ela iye kawasilo na kalegha kungila kaya. Tatie kafuma kamungolangola, ela kamuza tatie, ‘Lola ni miaka milinga nakutumikila na lyingi seleghile malagho ghako? Hata na lyingi sunihawile ndangina eri niboelo na wagheni wangu. Ela uyu mwanwako amalile mali yako na vijimbo eja, wamushinjila ngache ibandile.’ Nao tatie kamuza, ‘Mwanwangu, ngelo zose uwo ngila mojori nemi, na vose nio navo ni vako. Kwa hung'u ni hachi tibwelo na tiseke, Kwani uyu wakwenyu wofwile na wazuka, wolaghaye na waoneka.’”

Listen to Luka 15