If you have would like a copy of this version please contact info@davaraudiobibles.org

Tonga (Zambia) Bible

<div class="version vid2956 iso6393toi" data-vid="2956" data-iso6393="toi">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s">Cikozyanyo camukamufu amubetesi</div><div class="p"> 1Mpoonya Jesu wakabaambila cikozyanyo eeci, mukubaiisya kuti baleelede kukomba lyoonse cakutalengaana. 2Wakati, &#8220;Mumunzi umwi kwakali mubetesi, watakali kuyoowa Leza nikuba kulemeka bantu. 3Alimwi mumonya mumunzi ooyo kwakali mukamufu wakali kuboola kumubetesi ooyo akwaamba kuti, &#8216;Kondikosweda mulandu wangu asinkondoma uundikatazya!&#8217; 4Kwaciindi cilamfu mubetesi ooyo wakali kukaka pele nicakaba ciindi, wakalyaambila lwakwe mwini kuti, &#8216;Nokuba kuti nsiyoowi Leza nikuba kulemeka muntu, 5pele nkaambo mukaintu ooyu wandipenzya, ndilamukosweda kaambo kakwe, kayi unooboola lyoonse akundikatazya!&#8217;&#8221;</div><div class="p"> 6Ucimana Mwami Jesu wakati, &#8220;Amuswiilile mbwaamba ooyu mubetesi uutaluleme. 7Sena Leza takooyoobacitila ziluleme bantu bakwe basalidwe, bamukumbila sikati amasiku? Sena takafwambaani kubagwasya? 8Ndamwaambila kuti, uyoobacitila ziluleme cakufwambaana. Mwati Mwanaa Muntu uzoojana basyomeka aakuboola?&#8221;</div><div class="s">Cikozyanyo ca Mufalisi asimutelo</div><div class="p"> 9Alimwi Jesu wakaamba cikozyanyo eeci kubantu bakali kuyeeya kuti baliluleme kwiinda bamwi. 10Wakati, &#8220;Kwakali baalumi bobilo bakaya ku&#331;anda ya Leza kuyookomba. Umwi wakali Mufalisi, umwi wakali simutelo. 11Mufalisi wakaima wakomba kuti, &#8216;Ndakulumba Leza, kuti mebo nsili mbuli bantu boonse, bacengi, bataluleme, basimamambe, alimwi ndilakulumba kuti nsili mbuli ooyu simutelo. 12Mebo ndilaliimya kulya ziindi zyobilo mumvwiki yomwe, kwamana ndapa kwakkumi kuli zyoonse nzyejana.&#8217;</div><div class="p"> 13&#8220;Pele simutelo wakaima kulaale, taakali kukonzya akulanga kujulu, wakalyuumauma acamba akuti, &#8216;Leza, kondeengelela mebo, ndesizibi!&#8217;&#8221; 14Mpoonya Jesu wakati, &#8220;Ndamwaambila kuti ooyu muntu wakabweeda ku&#331;anda yakwe kalulamikidwe, pele Mufalisi taakwe naakalulamikwa pe. Nkaambo kufumbwa muntu uulisumpula uyoofwiinsigwa, pele ooyo uulifwiinsya uyoosumpulwa.&#8221;</div><div class="s">Jesu mbwaakaleleka bana</div><div class="r">(Mateyo 19.13-15; Maako 10.13-16)</div><div class="p"> 15Nkabela bantu bamwi bakaleta bana babo kuli Jesu kuti azoobaampe. Lino basikwiiya bakwe nibakabona bantu aabo, bakabakalalila. 16Pele Jesu wakaita bana aabo, akwaamba kuti, &#8220;Amubaleke bana baze kulindime, alimwi mutabakasyi pe, nkaambo bwami bwa Leza mbubwabo bali boobu. 17Ndamwaambila kasimpe, oonse uutatambuli bwami bwa Leza mbuli mwana, takooyoonjila mulimbubo pe.&#8221;</div><div class="s">Mulombwana muvubi</div><div class="r">(Mateyo 19.16-30; Maako 10.17-31)</div><div class="p"> 18Umwi musololi wa Bajuda wakabuzya Jesu kuti, &#8220;Mwiiyi mubotu, ino ndeelede kucita nzi kuti nkajane buumi butamani?&#8221;</div><div class="p"> 19Jesu wakati kulinguwe, &#8220;Nkaambo nzi ncondaamba kuti ndimubotu? Taakwe mubotu, ccita Leza alikke. 20Uliizi milawo yaamba kuti, &#8216;Utaciti bumambe, utajayi, utabbi, utabejelezyi, kolemeka uso abanyoko.&#8217;&#8221;</div><div class="p"> 21Muntu ooyo wakati, &#8220;Milawo yoonse eeyi ndakaibamba kuzwa kubwana bwangu.&#8221;</div><div class="p"> 22Jesu naakamvwa boobo, wakati kulinguwe, &#8220;Kucili cintu comwe buyo ciceede ncoelede kucita. Ukauzye lubono loonse ndojisi, mali aandulo ukaape bacete, eelyo uyooba alubono kujulu, omana uboole unditobele.&#8221; 23Muntu ooyo naakamvwa boobo wakausa, nkaambo wakalivubide kapati.</div><div class="p"> 24Jesu naakamulanga wakati, &#8220;Nciyumu kapati kubantu bavubi kunjila mubwami bwa Leza! 25Ncitete kunkamela kunjila mukapulo kanyeleti kwiinda mbocibede kumuvubi kuti anjile mubwami bwa Leza.&#8221;</div><div class="p"> 26Lino bantu bakamvwa Jesu bakabuzya kuti, &#8220;Ino nguni uukonzya kufutulwa?&#8221;</div><div class="p"> 27Jesu wakati, &#8220;Eeci tacikonzeki kubantu, pele kuli Leza cilakonzeka.&#8221;</div><div class="p"> 28Pita wakati, &#8220;Kolanga! Swebo twakasiya minzi yesu akutobela nduwe.&#8221;</div><div class="p"> 29Jesu wakati kulimbabo, &#8220;Ncobeni ndamwaambila kuti kufumbwa muntu uuyoosiya &#331;anda yakwe, naa mukaintu wakwe, nibaba bazyali bakwe, nibaba bana bakwe akaambo kabwami bwa Leza, 30uyootambula zinji kwiinda mubuumi bwaansi aano, kwamana uyoopegwa buumi butamani muciindi ciboola.&#8221;</div><div class="s">Jesu mbwaakasinsima zyalufu lwakwe ciindi catatu</div><div class="r">(Mateyo 20.17-19; Maako 10.32-34)</div><div class="p"> 31Lino Jesu wakatola batumwa bakwe bali kkumi ababili kumbali akubaambila kuti, &#8220;Amulange! Lino tuya ku Jelusalemu, nkabela ooko ziyoocitika ncobeni zyoonse zyakalembwa abasinsimi zyaamba Mwanaa Muntu. 32Mwanaa Muntu uyooabwa mumaanza aabamasi, bayoomusabwida, bakamutukane akumuswida mate. 33Bayoomukwabbaula akumujaya, pele mubuzuba bwatatu uyoobuka.&#8221;</div><div class="p"> 34Basikwiiya taakwe acomwe ncobakamvwa kumakani aazintu eezi. Majwi aaya tiibakaamvwisya, aboobo tiibakaziba cakali kwaamba Jesu.</div><div class="s">Jesu mbwaakaponya moofu mukumbizi</div><div class="r">(Mateyo 20.29-34; Maako 10.46-52)</div><div class="p"> 35Jesu naakasika afwiifwi a Jeliko, wakajana muntu umwi moofu ulikkede kumbali aamugwagwa, kakumbila. 36Nkabela moofu ooyo naakamvwa bantu banji kabainda, wakabuzya cakali kucitika. 37Bakamwaambila kuti, &#8220;Jesu waku Nazaleta nguuinda.&#8221;</div><div class="p"> 38Moofu ooyo wakoongolola wati, &#8220;Jesu, O Mwanaa Devedi! Ndibede aalwengelelo.&#8221; 39Bantu bakali kumbele bakamukalalila bamwaambila kuti, &#8220;Umuna,&#8221; walo wakoongololesya wati, &#8220;Akaka O Mwanaa Devedi ndibede aalweengelelo.&#8221;</div><div class="p"> 40Aawo Jesu wakaima akulailila bantu kuti bamulete kulinguwe moofu. Naakasika afwiifwi, Jesu wakamubuzya wati, 41&#8220;Ino uyanda kuti ndikucitile nzi?&#8221; Moofu wakaingula kuti, &#8220;O Mwami, ndiyanda kubona alimwi.&#8221;</div><div class="p"> 42Mpawo Jesu wakati kulinguwe, &#8220;Kobona! Lusyomo lwako lwakuponya.&#8221;</div><div class="p"> 43Mpoonya wakakonzya kubona, watobela Jesu, akulumbaizya Leza. Abalo bantu nibakabona eeci, bakalumbaizya Leza.</div>
 </div>
 </div>
</div>

Tonga Bible © United Bible Societies, 1994. 

Mpoonya Jesu wakabaambila cikozyanyo eeci, mukubaiisya kuti baleelede kukomba lyoonse cakutalengaana. Wakati, “Mumunzi umwi kwakali mubetesi, watakali kuyoowa Leza nikuba kulemeka bantu. Alimwi mumonya mumunzi ooyo kwakali mukamufu wakali kuboola kumubetesi ooyo akwaamba kuti, ‘Kondikosweda mulandu wangu asinkondoma uundikatazya!’ Kwaciindi cilamfu mubetesi ooyo wakali kukaka pele nicakaba ciindi, wakalyaambila lwakwe mwini kuti, ‘Nokuba kuti nsiyoowi Leza nikuba kulemeka muntu, pele nkaambo mukaintu ooyu wandipenzya, ndilamukosweda kaambo kakwe, kayi unooboola lyoonse akundikatazya!’”
Ucimana Mwami Jesu wakati, “Amuswiilile mbwaamba ooyu mubetesi uutaluleme. Sena Leza takooyoobacitila ziluleme bantu bakwe basalidwe, bamukumbila sikati amasiku? Sena takafwambaani kubagwasya? Ndamwaambila kuti, uyoobacitila ziluleme cakufwambaana. Mwati Mwanaa Muntu uzoojana basyomeka aakuboola?”

Alimwi Jesu wakaamba cikozyanyo eeci kubantu bakali kuyeeya kuti baliluleme kwiinda bamwi. Wakati, “Kwakali baalumi bobilo bakaya kuŋanda ya Leza kuyookomba. Umwi wakali Mufalisi, umwi wakali simutelo. Mufalisi wakaima wakomba kuti, ‘Ndakulumba Leza, kuti mebo nsili mbuli bantu boonse, bacengi, bataluleme, basimamambe, alimwi ndilakulumba kuti nsili mbuli ooyu simutelo. Mebo ndilaliimya kulya ziindi zyobilo mumvwiki yomwe, kwamana ndapa kwakkumi kuli zyoonse nzyejana.’
“Pele simutelo wakaima kulaale, taakali kukonzya akulanga kujulu, wakalyuumauma acamba akuti, ‘Leza, kondeengelela mebo, ndesizibi!’” Mpoonya Jesu wakati, “Ndamwaambila kuti ooyu muntu wakabweeda kuŋanda yakwe kalulamikidwe, pele Mufalisi taakwe naakalulamikwa pe. Nkaambo kufumbwa muntu uulisumpula uyoofwiinsigwa, pele ooyo uulifwiinsya uyoosumpulwa.”


Nkabela bantu bamwi bakaleta bana babo kuli Jesu kuti azoobaampe. Lino basikwiiya bakwe nibakabona bantu aabo, bakabakalalila. Pele Jesu wakaita bana aabo, akwaamba kuti, “Amubaleke bana baze kulindime, alimwi mutabakasyi pe, nkaambo bwami bwa Leza mbubwabo bali boobu. Ndamwaambila kasimpe, oonse uutatambuli bwami bwa Leza mbuli mwana, takooyoonjila mulimbubo pe.”


Umwi musololi wa Bajuda wakabuzya Jesu kuti, “Mwiiyi mubotu, ino ndeelede kucita nzi kuti nkajane buumi butamani?”
Jesu wakati kulinguwe, “Nkaambo nzi ncondaamba kuti ndimubotu? Taakwe mubotu, ccita Leza alikke. Uliizi milawo yaamba kuti, ‘Utaciti bumambe, utajayi, utabbi, utabejelezyi, kolemeka uso abanyoko.’”
Muntu ooyo wakati, “Milawo yoonse eeyi ndakaibamba kuzwa kubwana bwangu.”
Jesu naakamvwa boobo, wakati kulinguwe, “Kucili cintu comwe buyo ciceede ncoelede kucita. Ukauzye lubono loonse ndojisi, mali aandulo ukaape bacete, eelyo uyooba alubono kujulu, omana uboole unditobele.” Muntu ooyo naakamvwa boobo wakausa, nkaambo wakalivubide kapati.
Jesu naakamulanga wakati, “Nciyumu kapati kubantu bavubi kunjila mubwami bwa Leza! Ncitete kunkamela kunjila mukapulo kanyeleti kwiinda mbocibede kumuvubi kuti anjile mubwami bwa Leza.”
Lino bantu bakamvwa Jesu bakabuzya kuti, “Ino nguni uukonzya kufutulwa?”
Jesu wakati, “Eeci tacikonzeki kubantu, pele kuli Leza cilakonzeka.”
Pita wakati, “Kolanga! Swebo twakasiya minzi yesu akutobela nduwe.”
Jesu wakati kulimbabo, “Ncobeni ndamwaambila kuti kufumbwa muntu uuyoosiya ŋanda yakwe, naa mukaintu wakwe, nibaba bazyali bakwe, nibaba bana bakwe akaambo kabwami bwa Leza, uyootambula zinji kwiinda mubuumi bwaansi aano, kwamana uyoopegwa buumi butamani muciindi ciboola.”


Lino Jesu wakatola batumwa bakwe bali kkumi ababili kumbali akubaambila kuti, “Amulange! Lino tuya ku Jelusalemu, nkabela ooko ziyoocitika ncobeni zyoonse zyakalembwa abasinsimi zyaamba Mwanaa Muntu. Mwanaa Muntu uyooabwa mumaanza aabamasi, bayoomusabwida, bakamutukane akumuswida mate. Bayoomukwabbaula akumujaya, pele mubuzuba bwatatu uyoobuka.”
Basikwiiya taakwe acomwe ncobakamvwa kumakani aazintu eezi. Majwi aaya tiibakaamvwisya, aboobo tiibakaziba cakali kwaamba Jesu.


Jesu naakasika afwiifwi a Jeliko, wakajana muntu umwi moofu ulikkede kumbali aamugwagwa, kakumbila. Nkabela moofu ooyo naakamvwa bantu banji kabainda, wakabuzya cakali kucitika. Bakamwaambila kuti, “Jesu waku Nazaleta nguuinda.”
Moofu ooyo wakoongolola wati, “Jesu, O Mwanaa Devedi! Ndibede aalwengelelo.” Bantu bakali kumbele bakamukalalila bamwaambila kuti, “Umuna,” walo wakoongololesya wati, “Akaka O Mwanaa Devedi ndibede aalweengelelo.”
Aawo Jesu wakaima akulailila bantu kuti bamulete kulinguwe moofu. Naakasika afwiifwi, Jesu wakamubuzya wati, “Ino uyanda kuti ndikucitile nzi?” Moofu wakaingula kuti, “O Mwami, ndiyanda kubona alimwi.”
Mpawo Jesu wakati kulinguwe, “Kobona! Lusyomo lwako lwakuponya.”
Mpoonya wakakonzya kubona, watobela Jesu, akulumbaizya Leza. Abalo bantu nibakabona eeci, bakalumbaizya Leza.

Listen to Luka 18