If you would like a copy of this version please contact info@davaraudiobibles.org

Duruma Bible © 2020, Bible Translation and Literacy East Africa. (Text)
Duruma Audio Bible ℗ 2025, Davar Partners International. (Audio)

Lagana iphya Ra Chiduruma

Duruma - 1999 Edition (Drama NT)

<div class="version vid2199 iso6393dug" data-vid="2199" data-iso6393="dug">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="s">Johana Mubatizi unahuma anafunzie kwa Jeso</div><div class="r">(Luka 7:18-35)</div><div class="p"> 1Jeso ariphomarigiza kwap&#700;a anafunzie kumi na airi malagizo gago, wauka achendafunza, na kusumurira midzi ya phephi-phephi.</div><div class="p"> 2Johana Mubatizi wakala u jela ukati uo, na ariphosikira nguma dzulu ya gokala ganahendwa ni yiye K&#700;irisito, wamuhumira udzumbe na anafunzie 3akamuuze kukala, &#8220;Uwe ukale ndiwe yeambwa undakudza, hebu hulolere mut&#700;u munjine?&#8221; 4Ndo achenda arat&#700;u anafunzi, na ariphokwendamuuza, Jeso waamba, &#8220;Endani mukamwambire Johana gaga mugasikirago, na mugaonago. 5#Isa 35:5, 6; Isa 61:1At&#700;u ots&#700;iona, anaphozwa hata anaona, vigurye anaphozwa hata anenenda chividzo, a mahana anatakaswa, na at&#700;u ots&#700;isikira, anaphozwa hata anasikira. At&#700;u a kufa nao anafufulwa, na achiya anasumurirwa Nguma Mbidzo. 6Kwa vivyo, baha mut&#700;u yets&#700;iricha kunikuluphira!&#8221;</div><div class="p"> 7Ndo phokala anafunzi a Johana anauya, Jeso waanza kugomba na riro duu ra at&#700;u dzulu ya Johana. Yiye waauza vivi, &#8220;Muriphokwenda kwa Johana kuko nyika, mwakala munahenza mukaone ani? Mwakala munahenza mukaone mut&#700;u wa kuyumbiswa-yumbiswa dza lunyasi lulazwavyo ni p&#700;eho? 8H&#700;aya kwadze mwakwenda? Mukale mwakala mudzikwendalola mut&#700;u yekala udzidzivalira nguwoze mbidzo? Sirikisani, at&#700;u avalao nguwo mbidzo, asagala madzumbani mwa afalume! 9Ndo sambi nambirani, kwadze mwakwenda? Mukale mwakala mudzikwendalola mugomvi wa Mulungu? Ni jeri, na bee ninamwambira mino kukala, yiye Johana yekwendamona kuko, uchira mugomvi wa Mulungu. 10#Mal 3:1Yiye Johana ndiye ahadzwaye mumo Maandikoni ga Mulungu gaambago,</div><div class="q1">&#8216;Sirikisa, ninahuma mudzumbe wangu akulongolere,</div><div class="q2">akakutsengere njirayo.&#8217; &#8221;</div><div class="m"> 11Jeso achimarigiza na kwamba, &#8220;Ninamwambira jeri, kati ya binadamu osi, k&#700;akuna mubomu kumurima Johana Mubatizi. Ela hata vivyo, ariye ni mudide kamare Ufalumeni kwa Mulungu, ni mubomu kumurima yiye Johana. 12#Luk 16:16Kulaira ukati Johana Mubatizi ariphoanza kurisumurira neno ra Mulungu na kubatiza hata vivi, Ufalume wa Mulungu unahehwa muno, na at&#700;u ai anahenza ausise. 13Maana, mafunzo gosi ga agomvi a Mulungu na Shariya ya Musa vyasema chimbere dzulu ya kudza kwa uo Ufalume wa Mulungu hata Johana achidza. 14#Mal 4:5; Mat 17:10-13; Mar 9:11-13Na muchikala munakuluphira maneno gogombwa chimbere ni agomvi a Mulungu kukala, Eliya undauya amutsengere Masihi njiraye, bee mundakuluphira kukala Johana unagachimiza. 15Musikizi naasikire!</div><div class="p"> 16&#8220;Ela nindaahwalanisha at&#700;u ano na chit&#700;u chani? At&#700;u aa anga dza t&#700;adi ya anache asegereo cheteni virundu viri, chila chirundu chichambwa ni chinjine, 17&#8216;Hudzimupigira ngoma, ela k&#700;amuvinire! Hukamupigira musego, ela k&#700;amuririre!&#8217; 18Maana, Johana wakudza, achifunga na k&#700;anirwe hata divai, ela ao &#225;kala achimwamba, &#8216;Una p&#700;ep&#700;o!&#8217; 19Nichidza mimi Mut&#700;u yelaa dzulu. Mimi ts&#700;ifungire na nichinwa hata divai, ela ao ananamba, &#8216;Muloleni mut&#700;u yuno, una mutsare, na ni munwadzi, na asenae ni atosi a kodi, na at&#700;u anjine ots&#700;iriwa!&#8217; Ela hata vivyo, hekima ya Mulungu yinaonyeswa kukala ni ya jeri ni mahendo ga at&#700;u osi ayikubalio.&#8221;</div><div class="s">Jeso unaakanya at&#700;u ots&#700;itya</div><div class="r">(Luka 10:13-16)</div><div class="p"> 20Jeso ariphomala kugomba dzulu ya gago, waanza kwalaumu at&#700;u a midzi yiyo, hata aripho wahenda vilinge vinji mumo, ela ao k&#700;aatyire vivyo. 21#Isa 23:1-18; Ezek 26:1-28:26; Joel 3:4-8; Amo 1:9, 10; Zak 9:2-4Yiye waamba, &#8220;Mundamanya enye mwimwi achina Korazini! Mundamanya enye mwimwi achina Betisaida! Maana, kala vivyo vilinge vyohendwa kwenu, bee vyahendwa midzi ya T&#700;iro na Sidoni, at&#700;u a kuko angari &#225;vala kare mavalo ga magunia na kusagala ivuni, konyesa kukala adzetya. 22Ninamwambira mino, Mulungu undamutiya akili vikali mwimwi ts&#700;iku ya ulamuli kuchira ao achina T&#700;iro na Sidoni. 23#Isa 14:13-15; Mwa 19:24-28Na mwimwi achina Kaparinaumu, munaona enye mundaunulwa dzulu mulunguni? Ng&#700;o! Mundatsuphwa kuzimu! Mana, kakala vivyo vilinge vyovihenda kwenu bee, n&#225;vihenda Sodoma, achina kuko angari &#225;tya, na uo mudzi ungari ucheriko hata rero. 24#Mat 10:15; Luk 10:12Ndo ninamwambira mino, ts&#700;iku ya ulamuli yichifika, Mulungu undamutiya akili vikali mwimwi kuchira yiyat&#700;u yondahewa achina Sodoma.&#8221;</div><div class="s">Jeso unamulavira mumvera Mulungu</div><div class="r">(Luka 10:21-22)</div><div class="p"> 25Jeso ariphomarigiza gaga kwalaumu at&#700;u ots&#700;itya, wavoya vivi, &#8220;Baba, uriye u Bwana wa mbingu na dunia, ninakulavira mumvera, kwakukala, gaga udzigafitsa at&#700;u adzonao ana hekima na anamanya, na udzigafunulira at&#700;u ario dza anache adide. 26Ni chividzo Baba, kwakukala, vivyo ndivyo urivyohenza.&#8221;</div><div class="p"> 27 # 
 Joh 3:35; 
 Joh 1:18; 10:15 Chisha achiaamba at&#700;u vivi, &#8220;Baba waika gosi mwangu mikononi. K&#700;akuna animanyaye mimi Mwana ni ani ats&#700;iphokala yiye Baba Mulungu, na hebu k&#700;akuna amumanyaye yiye Baba Mulungu ats&#700;iphokala mimi Mwanawe, na yeyosi ariye ninahenza kumung&#700;azira yiye Baba. 28Nzoni kwangu mosi odzitsoka na mumerererwao ni mizigo mibomu, nami nindamuusira mizigo yenu. 29#Jer 6:16Mimi ni murumwengu, na ninavumirira chila mut&#700;u. Ndo kubalini mafunzo gangu, na mutuwe ujeri niufunzao, Na mwimwi mundakala na reri mwenu marohoni. 30Maana, mafunzo gangu nimufunzago bee ts&#700;i makomu, na hata gaga nimwambago muhende nago, k&#700;agayuga.&#8221;</div>
 </div>
 </div>
</div>

Jeso ariphomarigiza kwapʼa anafunzie kumi na airi malagizo gago, wauka achendafunza, na kusumurira midzi ya phephi-phephi.
Johana Mubatizi wakala u jela ukati uo, na ariphosikira nguma dzulu ya gokala ganahendwa ni yiye Kʼirisito, wamuhumira udzumbe na anafunzie akamuuze kukala, “Uwe ukale ndiwe yeambwa undakudza, hebu hulolere mutʼu munjine?” Ndo achenda aratʼu anafunzi, na ariphokwendamuuza, Jeso waamba, “Endani mukamwambire Johana gaga mugasikirago, na mugaonago. Atʼu otsʼiona, anaphozwa hata anaona, vigurye anaphozwa hata anenenda chividzo, a mahana anatakaswa, na atʼu otsʼisikira, anaphozwa hata anasikira. Atʼu a kufa nao anafufulwa, na achiya anasumurirwa Nguma Mbidzo. Kwa vivyo, baha mutʼu yetsʼiricha kunikuluphira!”
Ndo phokala anafunzi a Johana anauya, Jeso waanza kugomba na riro duu ra atʼu dzulu ya Johana. Yiye waauza vivi, “Muriphokwenda kwa Johana kuko nyika, mwakala munahenza mukaone ani? Mwakala munahenza mukaone mutʼu wa kuyumbiswa-yumbiswa dza lunyasi lulazwavyo ni pʼeho? Hʼaya kwadze mwakwenda? Mukale mwakala mudzikwendalola mutʼu yekala udzidzivalira nguwoze mbidzo? Sirikisani, atʼu avalao nguwo mbidzo, asagala madzumbani mwa afalume! Ndo sambi nambirani, kwadze mwakwenda? Mukale mwakala mudzikwendalola mugomvi wa Mulungu? Ni jeri, na bee ninamwambira mino kukala, yiye Johana yekwendamona kuko, uchira mugomvi wa Mulungu. Yiye Johana ndiye ahadzwaye mumo Maandikoni ga Mulungu gaambago,
‘Sirikisa, ninahuma mudzumbe wangu akulongolere,
akakutsengere njirayo.’ ”
Jeso achimarigiza na kwamba, “Ninamwambira jeri, kati ya binadamu osi, kʼakuna mubomu kumurima Johana Mubatizi. Ela hata vivyo, ariye ni mudide kamare Ufalumeni kwa Mulungu, ni mubomu kumurima yiye Johana. Kulaira ukati Johana Mubatizi ariphoanza kurisumurira neno ra Mulungu na kubatiza hata vivi, Ufalume wa Mulungu unahehwa muno, na atʼu ai anahenza ausise. Maana, mafunzo gosi ga agomvi a Mulungu na Shariya ya Musa vyasema chimbere dzulu ya kudza kwa uo Ufalume wa Mulungu hata Johana achidza. Na muchikala munakuluphira maneno gogombwa chimbere ni agomvi a Mulungu kukala, Eliya undauya amutsengere Masihi njiraye, bee mundakuluphira kukala Johana unagachimiza. Musikizi naasikire!
“Ela nindaahwalanisha atʼu ano na chitʼu chani? Atʼu aa anga dza tʼadi ya anache asegereo cheteni virundu viri, chila chirundu chichambwa ni chinjine, ‘Hudzimupigira ngoma, ela kʼamuvinire! Hukamupigira musego, ela kʼamuririre!’ Maana, Johana wakudza, achifunga na kʼanirwe hata divai, ela ao ákala achimwamba, ‘Una pʼepʼo!’ Nichidza mimi Mutʼu yelaa dzulu. Mimi tsʼifungire na nichinwa hata divai, ela ao ananamba, ‘Muloleni mutʼu yuno, una mutsare, na ni munwadzi, na asenae ni atosi a kodi, na atʼu anjine otsʼiriwa!’ Ela hata vivyo, hekima ya Mulungu yinaonyeswa kukala ni ya jeri ni mahendo ga atʼu osi ayikubalio.”


Jeso ariphomala kugomba dzulu ya gago, waanza kwalaumu atʼu a midzi yiyo, hata aripho wahenda vilinge vinji mumo, ela ao kʼaatyire vivyo. Yiye waamba, “Mundamanya enye mwimwi achina Korazini! Mundamanya enye mwimwi achina Betisaida! Maana, kala vivyo vilinge vyohendwa kwenu, bee vyahendwa midzi ya Tʼiro na Sidoni, atʼu a kuko angari ávala kare mavalo ga magunia na kusagala ivuni, konyesa kukala adzetya. Ninamwambira mino, Mulungu undamutiya akili vikali mwimwi tsʼiku ya ulamuli kuchira ao achina Tʼiro na Sidoni. Na mwimwi achina Kaparinaumu, munaona enye mundaunulwa dzulu mulunguni? Ngʼo! Mundatsuphwa kuzimu! Mana, kakala vivyo vilinge vyovihenda kwenu bee, návihenda Sodoma, achina kuko angari átya, na uo mudzi ungari ucheriko hata rero. Ndo ninamwambira mino, tsʼiku ya ulamuli yichifika, Mulungu undamutiya akili vikali mwimwi kuchira yiyatʼu yondahewa achina Sodoma.”


Jeso ariphomarigiza gaga kwalaumu atʼu otsʼitya, wavoya vivi, “Baba, uriye u Bwana wa mbingu na dunia, ninakulavira mumvera, kwakukala, gaga udzigafitsa atʼu adzonao ana hekima na anamanya, na udzigafunulira atʼu ario dza anache adide. Ni chividzo Baba, kwakukala, vivyo ndivyo urivyohenza.”
Chisha achiaamba atʼu vivi, “Baba waika gosi mwangu mikononi. Kʼakuna animanyaye mimi Mwana ni ani atsʼiphokala yiye Baba Mulungu, na hebu kʼakuna amumanyaye yiye Baba Mulungu atsʼiphokala mimi Mwanawe, na yeyosi ariye ninahenza kumungʼazira yiye Baba. Nzoni kwangu mosi odzitsoka na mumerererwao ni mizigo mibomu, nami nindamuusira mizigo yenu. Mimi ni murumwengu, na ninavumirira chila mutʼu. Ndo kubalini mafunzo gangu, na mutuwe ujeri niufunzao, Na mwimwi mundakala na reri mwenu marohoni. Maana, mafunzo gangu nimufunzago bee tsʼi makomu, na hata gaga nimwambago muhende nago, kʼagayuga.”

Listen to Matayo 11