Merey - 2012 Edition (NT)

<div class="version vid1168 iso6393meq" data-vid="1168" data-iso6393="meq">
 <div class="book bkMAT">
 <div class="chapter ch2" data-usfm="MAT.2">
 <div class="label">2</div><div class="s">Ndo mat&#601;kay &#599;&#601;re a wurzla hay ti ye ka t&#601;v i Yesu</div><div class="p"> 1T&#601; wa Yesu na, ma Betelehem ka dala i Yahuda, a h&#601;lay nak&#601; Herod ne&#331;geye b&#601;y bagwar eye aye. Ma d&#601;ba eye t&#601; wa na Yesu na, ndo mat&#601;kay &#599;&#601;re a wurzla hay ti yaw m&#601; b&#601;zay, t&#601; ndislew a Zerozelem, 2ta ts&#601;tsah, t&#601; gwa&#599;: &#171;B&#601;y i Yahuda hay nak&#601; t&#601; wa na an&#601;ke aye na, m&#601;&#331;gay? N&#601;maa &#331;gatay a wurzla &#331;gay eye a tsaraw m&#601; b&#601;zay ada n&#601;maa yaw na, m&#601;&#599;&#601;slay ha g&#601;r.&#187;</div><div class="p"> 3B&#601;y Herod a ts&#601;ne bazlam tay niye na, a kwasay g&#601;r haladzay t&#601; siye i ndo neheye ma Zerozelem aye tebiye. 4A zalatay a bagwar i ndo neheye t&#601; v&#601;laway wu a Mb&#601;lom aye ta ndo neheye t&#601; dza&#331;gawa bazlam i Mb&#601;lom mapala eye, a ts&#601;tsah fataya a gwa&#599;atay: &#171;T&#601; wa K&#601;riste na, m&#601;&#331;gay?&#187;</div><div class="p"> 5Ta mb&#601;&#599;ay faya, t&#601; gwa&#599;ay: &#171;T&#601; wa K&#601;riste na, ma Betelehem, ka dala i Yahuda. H&#601;rwi ndo m&#601;&#599;e ha bazlam i Mb&#601;lom a watsa, a gwa&#599;:</div><div class="q1"> 6&#8220;N&#601;kar Betelehem ka dala i Yahuda,</div><div class="q2">n&#601;kar na, mak&#601;tsa bo eye m&#601; wala&#331; i g&#601;ma neheye ka dala i Yahuda aye bay.</div><div class="q1">H&#601;rwi b&#601;y nak&#601; ma ts&#601;kuriye tay ha Israyel ndo ga hay aye na,</div><div class="q2">ma deyeweye ab&#601;ra ma n&#601;kar.#2.6 Z&#601;ba ka Mise 5.2; 2 Samuyel 5.2.&#8221;&#187;</div><div class="p"> 7Yawa! Herod a zalatay a ndo mat&#601;kay &#599;&#601;re a wurzla hay ta m&#601;kal. A ts&#601;tsah fataya, a gwa&#599;atay: &#171;Ka &#331;gatumay a wurzla &#331;gay eye a tsaraw na, a h&#601;lay waray?&#187; 8Tsa na, a sl&#601;r tay ha a Betelehem, a gwa&#599;atay: &#171;Dum, p&#601;lum na wawa eye niye lele. Ka hutum na na, dumara &#599;ume&#331; ha h&#601;rwi ada ne&#331; d&#601;rmak n&#226; ye m&#601;&#599;&#601;slay ha g&#601;r.&#187;</div><div class="p"> 9Ndo neheye t&#601; ts&#601;ne bazlam i b&#601;y na, t&#601; h&#601;l bo, ti ye. Ah&#601;l nak&#601; faya ta diye na, t&#601; &#331;gatay a wurzla nak&#601; a tsaraw m&#601; b&#601;zay aye faya ma diye kame tay. A husa ka g&#601;r i gay nak&#601; wawa m&#601; &#599;&#601;ma aye na, a l&#601;tse. 10T&#601; &#331;gatay andza niye na, &#599;&#601;rev tay a rah ta m&#601;&#331;gwese. 11T&#601; f&#601;l&#601;kwa a gay, ti ye naha, t&#601; &#331;gatay a wawa ta may &#331;gay Mari. Ta d&#601;kway gurmets, t&#601; &#599;&#601;slay ha g&#601;r. Tsa na, t&#601; p&#601;la ha wu tay hay, t&#601; v&#601;lay wu k&#601;riye a wawa niye. T&#601; v&#601;lay gura, wu andaya t&#601; zalay e&#331;se&#331;s#2.11 E&#331;se&#331;s na, wu nak&#601; t&#601; f&#601;kawa h&#601;rwi m&#601;&#599;&#601;slay ha g&#601;r a Mb&#601;lom aye. ada ta mir#2.11 Mir: Mal nak&#601; a ze hu&#331;&#331;a lele aye. T&#601; gawa ka m&#601;daha&#331; ada m&#226; ze bay.. 12Ma d&#601;ba eye Mb&#601;lom a tsikatay ma m&#601;sine, a gwa&#599;atay: &#171;K&#226; mb&#601;&#599;um g&#601;r ta t&#601;v i Herod sa bay.&#187; T&#601; ts&#601;ne andza niye na, t&#601; h&#601;l bo, ti ye a g&#601;ma tay ta ts&#601;ve&#599; mekele&#331; eye.</div><div class="s">Mede a Ezipt</div><div class="p"> 13Ah&#601;l nak&#601; ndo mat&#601;kay &#599;&#601;re a wurzla hay ti ye wu tay na, gawla i Mb&#601;lom a yaw ka t&#601;v i Yusufa ma m&#601;sine. A gwa&#599;ay: &#171;L&#601;tse, zla na wawa ta may &#331;gay, hwayum a Ezipt. Ndza m&#601; &#599;&#601;ma hus a pat nak&#601; na gwa&#599;akeye maw aye, b&#601;na Herod faya ma p&#601;liye wawa nakay m&#601;k&#601;&#599;e na.&#187;</div><div class="p"> 14Yusufa a ts&#601;ne andza niye na, a l&#601;tse, a ye tay ha wawa ta may &#331;gay a Ezipt ta h&#601;va&#599;. 15T&#601; ndza m&#601; &#599;&#601;ma hus a pat nak&#601; Herod a m&#601;t aye. Wu neheye tebiye na, h&#601;rwi ada wu nak&#601; B&#601;y Maduwe&#331; a tsik t&#601; bazlam i ndo m&#601;&#599;e ha bazlam &#331;gay aye m&#226; ge bo parakka, a gwa&#599;: &#171;Na zalay a wawa ga m&#226; yaw ab&#601;ra m&#601; Ezipt.#2.15 Oze 11.1.&#187;</div><div class="s">Herod a b&#601;bazl tay ha wawa hay ma Betelehem</div><div class="p"> 16Herod a z&#601;ba faya ndo mat&#601;kay &#599;&#601;re a wurzla hay ta vay g&#601;r na, a ndalay haladzay. Tsa na, a sl&#601;r ndo hay, a v&#601;latay ts&#601;ve&#599; ka m&#601;k&#601;&#599;e wawa hasl&#601;ka eye tebiye a dazlay ka neheye a sla m&#601;ve sulo bay aye ma Betelehem ada ma g&#601;ma neheye t&#601; mbay naha aye.</div><div class="p"> 17Andza niye, maa ge bo na, bazlam i Zeremi ndo m&#601;&#599;e ha bazlam i Mb&#601;lom nak&#601; a tsik aye, a gwa&#599;:</div><div class="q1"> 18&#171;Mawude a ts&#601;new ab&#601;ra ma g&#601;ma i Rama,</div><div class="q2">m&#601;tuwe t&#601; zlazlay haladzay m&#601; &#599;&#601;ma.</div><div class="q1">Rasel faya ma tuwiye wawa &#331;gay hay.</div><div class="q1">&#394;a&#599;a a say m&#601;g&#601;se &#599;&#601;rev ab&#601;ra ka m&#601;tuwe bay,</div><div class="q2">h&#601;rwi wawa &#331;gay hay andaya sa bay.#2.18 Zeremi 31.15.&#187;</div><div class="s">M&#601;maw ab&#601;ra m&#601; Ezipt a Nazaret</div><div class="p"> 19Ma d&#601;ba eye Herod a m&#601;t na, gawla i Mb&#601;lom a yaw ka t&#601;v i Yusufa ma m&#601;sine ma Ezipt. 20A gwa&#599;ay: &#171;L&#601;tse, zla na wawa ta may &#331;gay ada mb&#601;&#599;a g&#601;r a g&#601;ma i Israyel, h&#601;rwi ndo neheye ta p&#601;la ts&#601;ve&#599; ka wawa nakay m&#601;k&#601;&#599;e na aye na, ta m&#601;t.&#187;</div><div class="p"> 21Yusufa a ts&#601;ne andza niye na, a zla na wawa ta may &#331;gay, a mb&#601;&#599;a g&#601;r a g&#601;ma i Israyel. 22Ane tuk na, Yusufa a ts&#601;ne Arkelawos k&#601; ndza a b&#601;y i b&#601;ba &#331;gay Herod ka dala i Yahuda na, a dz&#601;dzar haladzay mede a &#599;&#601;ma. M&#601;sine a gay sa, Mb&#601;lom a &#599;ay ha wu nak&#601; ma giye. Tsa na, a ye a Galile. 23A ye, a ndza ma wuzlahg&#601;ma nak&#601; t&#601; zalay Nazaret aye. Andza niye wu neheye a ge bo na, andza i ndo m&#601;&#599;e ha bazlam i Mb&#601;lom neheye t&#601; tsik aye. A gwa&#599;: &#171;Ta zaleye na, ndo i Nazaret.&#187;</div>
 </div>
 </div>
</div>

Tə wa Yesu na, ma Betelehem ka dala i Yahuda, a həlay nakə Herod neŋgeye bəy bagwar eye aye. Ma dəba eye tə wa na Yesu na, ndo matəkay ɗəre a wurzla hay ti yaw mə bəzay, tə ndislew a Zerozelem, ta tsətsah, tə gwaɗ: «Bəy i Yahuda hay nakə tə wa na anəke aye na, məŋgay? Nəmaa ŋgatay a wurzla ŋgay eye a tsaraw mə bəzay ada nəmaa yaw na, məɗəslay ha gər.»
Bəy Herod a tsəne bazlam tay niye na, a kwasay gər haladzay tə siye i ndo neheye ma Zerozelem aye tebiye. A zalatay a bagwar i ndo neheye tə vəlaway wu a Mbəlom aye ta ndo neheye tə dzaŋgawa bazlam i Mbəlom mapala eye, a tsətsah fataya a gwaɗatay: «Tə wa Kəriste na, məŋgay?»
Ta mbəɗay faya, tə gwaɗay: «Tə wa Kəriste na, ma Betelehem, ka dala i Yahuda. Hərwi ndo məɗe ha bazlam i Mbəlom a watsa, a gwaɗ:
“Nəkar Betelehem ka dala i Yahuda,
nəkar na, makətsa bo eye mə walaŋ i gəma neheye ka dala i Yahuda aye bay.
Hərwi bəy nakə ma tsəkuriye tay ha Israyel ndo ga hay aye na,
ma deyeweye abəra ma nəkar.”»
Yawa! Herod a zalatay a ndo matəkay ɗəre a wurzla hay ta məkal. A tsətsah fataya, a gwaɗatay: «Ka ŋgatumay a wurzla ŋgay eye a tsaraw na, a həlay waray?» Tsa na, a slər tay ha a Betelehem, a gwaɗatay: «Dum, pəlum na wawa eye niye lele. Ka hutum na na, dumara ɗumeŋ ha hərwi ada neŋ dərmak nâ ye məɗəslay ha gər.»
Ndo neheye tə tsəne bazlam i bəy na, tə həl bo, ti ye. Ahəl nakə faya ta diye na, tə ŋgatay a wurzla nakə a tsaraw mə bəzay aye faya ma diye kame tay. A husa ka gər i gay nakə wawa mə ɗəma aye na, a lətse. Tə ŋgatay andza niye na, ɗərev tay a rah ta məŋgwese. Tə fələkwa a gay, ti ye naha, tə ŋgatay a wawa ta may ŋgay Mari. Ta dəkway gurmets, tə ɗəslay ha gər. Tsa na, tə pəla ha wu tay hay, tə vəlay wu kəriye a wawa niye. Tə vəlay gura, wu andaya tə zalay eŋseŋs ada ta mir . Ma dəba eye Mbəlom a tsikatay ma məsine, a gwaɗatay: «Kâ mbəɗum gər ta təv i Herod sa bay.» Tə tsəne andza niye na, tə həl bo, ti ye a gəma tay ta tsəveɗ mekeleŋ eye.

Ahəl nakə ndo matəkay ɗəre a wurzla hay ti ye wu tay na, gawla i Mbəlom a yaw ka təv i Yusufa ma məsine. A gwaɗay: «Lətse, zla na wawa ta may ŋgay, hwayum a Ezipt. Ndza mə ɗəma hus a pat nakə na gwaɗakeye maw aye, bəna Herod faya ma pəliye wawa nakay məkəɗe na.»
Yusufa a tsəne andza niye na, a lətse, a ye tay ha wawa ta may ŋgay a Ezipt ta həvaɗ. Tə ndza mə ɗəma hus a pat nakə Herod a mət aye. Wu neheye tebiye na, hərwi ada wu nakə Bəy Maduweŋ a tsik tə bazlam i ndo məɗe ha bazlam ŋgay aye mâ ge bo parakka, a gwaɗ: «Na zalay a wawa ga mâ yaw abəra mə Ezipt.»

Herod a zəba faya ndo matəkay ɗəre a wurzla hay ta vay gər na, a ndalay haladzay. Tsa na, a slər ndo hay, a vəlatay tsəveɗ ka məkəɗe wawa hasləka eye tebiye a dazlay ka neheye a sla məve sulo bay aye ma Betelehem ada ma gəma neheye tə mbay naha aye.
Andza niye, maa ge bo na, bazlam i Zeremi ndo məɗe ha bazlam i Mbəlom nakə a tsik aye, a gwaɗ:
«Mawude a tsənew abəra ma gəma i Rama,
mətuwe tə zlazlay haladzay mə ɗəma.
Rasel faya ma tuwiye wawa ŋgay hay.
Ɗaɗa a say məgəse ɗərev abəra ka mətuwe bay,
hərwi wawa ŋgay hay andaya sa bay.»

Ma dəba eye Herod a mət na, gawla i Mbəlom a yaw ka təv i Yusufa ma məsine ma Ezipt. A gwaɗay: «Lətse, zla na wawa ta may ŋgay ada mbəɗa gər a gəma i Israyel, hərwi ndo neheye ta pəla tsəveɗ ka wawa nakay məkəɗe na aye na, ta mət.»
Yusufa a tsəne andza niye na, a zla na wawa ta may ŋgay, a mbəɗa gər a gəma i Israyel. Ane tuk na, Yusufa a tsəne Arkelawos kə ndza a bəy i bəba ŋgay Herod ka dala i Yahuda na, a dzədzar haladzay mede a ɗəma. Məsine a gay sa, Mbəlom a ɗay ha wu nakə ma giye. Tsa na, a ye a Galile. A ye, a ndza ma wuzlahgəma nakə tə zalay Nazaret aye. Andza niye wu neheye a ge bo na, andza i ndo məɗe ha bazlam i Mbəlom neheye tə tsik aye. A gwaɗ: «Ta zaleye na, ndo i Nazaret.»

Listen to Mata 2