Iranian Azeri Bible

رب تارینین یاراتدیغی بوتون وحشی حیوانلارینین لاپ حئیله‌کاری ائلان ائدی. ائلان آرواددان سوروشدو: «دوغرودان تاری سئزه دیئب: باغدا اولان هچ بئر آغاجین میوه‌لرئندن یمیه‌جکسئنئز؟» آرواد ائلانا جاواب وردی: «باغداکی آغاجلارین میوه‌لرئندن یئیه بئله‌رئک. آمّا باغین اورتاسینداکی آغاجین میوه‌سی باره‌ده تاری دیئب: اوندان یمیه‌جکسئنئز، اونا توخونمایاجاقسینیز دا، یوخسا اؤلرسئنئز!» ائلان آروادا ددی: «یوخ، اصلا اؤلمزسئنئز. چونکی تاری بئلئر کی، اونون میوه‌سئندن یدئیئنئز گون گؤزلرئنئز آچیلاجاق و خیئرله شری بئلئب، تاری کئمی اولاجاقسینیز.» آرواد گؤردو کی، آغاجین میوه‌سی یمک اوچون یاخشیدیر، گؤزه خوش گؤرونور و بو آغاج ائنسانی عاغیلّی اتمیه ده چکئجی‌دئر. اونون میوه‌سئندن درئب یدی. سونرا یانینداکی ارئنه ده وردی، او دا یدی. او واخت ائکئسئنئن ده گؤزلری آچیلدی و لوت اولدوقلارینی بئلدئلر. بونا گؤره ده انجئر یارپاقلارینی بئربئرئنه حؤروب، اؤزلرئنه فئته دوزَلتدئلر.
اونلار گونون سرئنلئیئنده باغدا گزن رب تارینین سسئنی اشئتدئلر. آدام و اونون آروادی رب تارینین حوضوروندان قاچیب، اؤزلرئنی باغداکی آغاجلارین آراسیندا گئزلتدئلر. رب تاری آدامی سسله‌یئب ددی: «هاراداسان؟» او جاواب وردی: «باغدا سسئنی اشئتدئم و لوت اولدوغوم اوچون قورخدوم، اونا گؤره ده اؤزومو گئزلتدئم.» رب تاری ددی: «کئم سنه بئلدئردی کی، لوتسن؟ آیا او آغاجین میوه‌سئندن ییئبسن کی، سنه اوندان یمه‌یی قدغن اتمئشدئم؟» آدام ددی: «بو آرواد کی، منئمله اولماق اوچون منه وردئن، او آغاجین میوه‌سئندن منه وردی، من ده یدئم.» رب تاری آروادا ددی: «بو نه‌دئر کی، ادئبسن؟» آرواد ددی: «ائلان منی آلداتدی، من ده یدئم.»
رب تاری ائلانا ددی:
«بونو اتدئیئن اوچون
بوتون مال-حیوانلارین و چؤلون وحشی حیوانلارینین آراسیندا سن ملعونسان.
قارنین اوستونده سورونه‌جکسن،
بوتون عؤمرون بویو تورپاق یئیه‌جکسن.
من سنئنله آرواد آراسیندا
سنئن نسلئنئن و اونون نسلئنئن آراسیندا
عداوت قویورام.
او، سنئن باشینی اَزه‌جک،
سن ده اونون دابانینی سانجاجاقسان.»
سونرا رب تاری آروادا ددی:
«اوشاغینی دوغاندا سنئن آغرینی داها دا چوخالداجاغام،
اوشاقلارینی آغری ائچئنده دوغاجاقسان.
آمّا گئنه ده ائشتئیاغین اَرئنه اولاجاق،
و او سنه آغالیق اده‌جک.»
سونرا رب تاری آدَمه ددی:
«آروادینین سؤزونه قولاق آسدیغین اوچون،
قدغن اتدئیئم، ”اونون میوه‌سئندن یمیه‌جکسن“ ددئیئم آغاجدان یدئیئن اوچون،
سنئن اوزوندن یر لعنتله‌نئر.
عؤمرون بویو زحمتله
تورپاقدان یمک گؤتوره‌جکسن.
او سنه تئکان و قانقال بئتئره‌جک،
سن ده چؤلده‌کی اوتلاری یئیه‌جکسن.
تورپاغا قاییداناجاق،
آلینینین تری ائله چؤرک یئیه‌جکسن،
چونکی تورپاقدان گؤتورولوبسن.
اونا گؤره کی، یرئن تورپاغیسان،
تورپاغا دا قاییداجاقسان.»
آدام آروادینین آدینی حَوّا قویدو، چونکی او، یاشایانلارین هامیسینین آناسی اولدو. اوندا رب تاری آدَمله آروادی اوچون درئدن پالتار دوزَلتدی و اونلارا گیئندئردی.
رب تاری ددی: «باخ، آدام خیئرله شرئن نه اولدوغونو بئله‌رک بئزدن بئری کئمی اولوب؛ و ائندی مومکوندور الئنی اوزاتسین و حیات آغاجینین دا میوه‌سئندن درئب یسئن و اَبده‌جک یاشاسین!» بونا گؤره رب تاری آدامی عدن باغیندان اشئیه سالدی کی، تورپاغی بِجَرسئن، او تورپاغی کی، اؤزو اوندان یارادیلمیش ائدی. بله‌جه رب تاری آدامی قوودو. او، عدن باغینین شرق سمتئنه کَرّوبلار و هر طرفه فیرلانان اودلو قیلینجینی قویدو کی، حیات آغاجینا گدن یولو موحافئظت اتسئنلر.

Listen to یارادیلیش 3