The Konkomba Old Testament

<div class="version vid1150 iso6393xon" data-vid="1150" data-iso6393="xon">
 <div class="book bkGEN">
 <div class="chapter ch6" data-usfm="GEN.6">
 <div class="label">6</div><div class="s1">Unib&#596;n aah tun titunwanbir pu na</div><div class="p"> 1N&#8209;yoonn mu binib nan too p&#596;r gbiin dulnyaa wee ni na, bi nan ma mpiibim bi &#331;an sakpen na, 2le &#331;iniw&#596;k nan yoor baah gee bi na, ki di &#331;a bipuutiib. 3Le Uwumb&#596;r bui ke, &#8220;Binib aah tun titunwanbir pu na, maan ki cha bi li bi ki yunn sakpen. N&#8209;yoonn mue ki joo cha, maan ki cha unib&#596;n yunn ki ti jer &#331;ibin nkub ni moninko.&#8221; 4N&#8209;yoonn ngbaan, ni nee aapuw&#596;b, le &#331;iniw&#596;k, ni mp&#596;&#596;ndam, ni bininyuum le nan bi dulnyaa ni. &#330;iniw&#596;k ngbaan aah nan yoor baah gee bipiib bi na le nan ma bi.</div><div class="p"> 5Uwumb&#596;r nan kan ke unib&#596;n aatunwanbir wiir ki ti nya&#331;, baalandak nan ye bakaa aalandak &#331;meen, 6nima pu le usui bii sakpen, waah naan unib&#596;n u na pu. 7Le u bui ke, &#8220;M ga kuln unib&#596;n, ni ipeel, ni tiwakor, ni inyoon, ni tiwan ni fu na m&#596;m&#596;k; ba pu? nsui bii maah naan unib&#596;n aan u tun titunwanbir ti na pu.&#8221; 8T&#596;, Uwumb&#596;r aasui nan gbiin Nowa aatunyaan pu.</div><div class="s1">Nowa aab&#596;r</div><div class="p"> 9-10Nowa nan dii Uwumb&#596;r mbam&#596;m. U nan ma mbijabim mutaa, ki nan yin bi ke Sem, ni Ham, ni Jafef. Nowa baanja le nan ye uninyaan n&#8209;yoonn ngbaan. Uma le nan dii Uwumb&#596;r mbam&#596;m. 11Binib bi gur na nan tun titunwanbir Uwumb&#596;r chee la, le ki gbaa ki ku t&#596;b. 12Uwumb&#596;r nan lik dulnyaa, ki kan ke unib&#596;n aatunwanbir wiir ti nya&#331;.</div><div class="p"> 13Uwumb&#596;r nan bui Nowa ke, &#8220;M ga kuln unib&#596;n. M ga bii tiwan m&#596;m&#596;k doo, ba pu? baatunwanbir le gbii dulnyaa m&#596;m&#596;k ni. 14M ban ke aa di &#331;ikpan &#331;i &#331;an na ki kpaa bu&#331;&#596;sakpem, aan ki &#331;mar. &#330;a tidir bu ponn ni, aan ki di kootaal boon ponn ni, ni lipaal. 15Bu aah ga li f&#596;k kiti&#331; pu na li ye &#331;itaa ikui inaa ni &#331;i&#331;mu, bu aah ga li waa pu na li ye &#331;itaa imonko itaa ni kipiik ni &#331;i&#331;mu, bu aah ga li f&#596;k paacham pu na li ye &#331;itaa imonko ilee ni &#331;i&#331;mu. 16Di &#331;ikpan kpaa bu&#331;&#596;b ngbaan aapaacham, ki cha mpaan li bi bu&#331;&#596;b ngbaan aapaacham aataab, ni li ye &#331;isa&#331; &#331;itaa aawawaan, aan ni li wiin bu ponn ni ki &#331;a bu &#331;iker &#331;itaa t&#596;&#331; t&#596;b pu, aan ki &#331;a mbisam&#596;b busikakl. 17M ga tun ni nwam dulnyaa wee ni, mu nan bii tiwanfuurkaan m&#596;m&#596;k. Tiwan nim&#596;k bi dulnyaa wee ni na ga kpo. 18T&#596;, m ga puu tipuur tii si. Aa ni aapuu, ni saabim, ni bipuutiib koo bu&#331;&#596;b ngbaan ni. 19-20Aa di tiwakor, ni ipeel, ni inyoon m&#596;m&#596;k aab&#596;&#331;, ni tiwan ni fu na m&#596;m&#596;k, nija ni nipii, ki di &#331;a bu&#331;&#596;b ngbaan ni. Ni m&#596;m&#596;k ga dan aa chee aan ni mu &#331;mar ki taa kpo. 21Ban tijikaar m&#596;m&#596;k aab&#596;&#331;, aan aa ni tiwakor, ni ipeel, ni inyoon m&#596;m&#596;k li ji.&#8221; 22Le Nowa &#331;a Uwumb&#596;r aah bui u pu na m&#596;m&#596;k.</div>
 </div>
 </div>
</div>

N‑yoonn mu binib nan too pɔr gbiin dulnyaa wee ni na, bi nan ma mpiibim bi ŋan sakpen na, le ŋiniwɔk nan yoor baah gee bi na, ki di ŋa bipuutiib. Le Uwumbɔr bui ke, “Binib aah tun titunwanbir pu na, maan ki cha bi li bi ki yunn sakpen. N‑yoonn mue ki joo cha, maan ki cha unibɔn yunn ki ti jer ŋibin nkub ni moninko.” N‑yoonn ngbaan, ni nee aapuwɔb, le ŋiniwɔk, ni mpɔɔndam, ni bininyuum le nan bi dulnyaa ni. Ŋiniwɔk ngbaan aah nan yoor baah gee bipiib bi na le nan ma bi.
Uwumbɔr nan kan ke unibɔn aatunwanbir wiir ki ti nyaŋ, baalandak nan ye bakaa aalandak ŋmeen, nima pu le usui bii sakpen, waah naan unibɔn u na pu. Le u bui ke, “M ga kuln unibɔn, ni ipeel, ni tiwakor, ni inyoon, ni tiwan ni fu na mɔmɔk; ba pu? nsui bii maah naan unibɔn aan u tun titunwanbir ti na pu.” Tɔ, Uwumbɔr aasui nan gbiin Nowa aatunyaan pu.

Nowa nan dii Uwumbɔr mbamɔm. U nan ma mbijabim mutaa, ki nan yin bi ke Sem, ni Ham, ni Jafef. Nowa baanja le nan ye uninyaan n‑yoonn ngbaan. Uma le nan dii Uwumbɔr mbamɔm. Binib bi gur na nan tun titunwanbir Uwumbɔr chee la, le ki gbaa ki ku tɔb. Uwumbɔr nan lik dulnyaa, ki kan ke unibɔn aatunwanbir wiir ti nyaŋ.
Uwumbɔr nan bui Nowa ke, “M ga kuln unibɔn. M ga bii tiwan mɔmɔk doo, ba pu? baatunwanbir le gbii dulnyaa mɔmɔk ni. M ban ke aa di ŋikpan ŋi ŋan na ki kpaa buŋɔsakpem, aan ki ŋmar. Ŋa tidir bu ponn ni, aan ki di kootaal boon ponn ni, ni lipaal. Bu aah ga li fɔk kitiŋ pu na li ye ŋitaa ikui inaa ni ŋiŋmu, bu aah ga li waa pu na li ye ŋitaa imonko itaa ni kipiik ni ŋiŋmu, bu aah ga li fɔk paacham pu na li ye ŋitaa imonko ilee ni ŋiŋmu. Di ŋikpan kpaa buŋɔb ngbaan aapaacham, ki cha mpaan li bi buŋɔb ngbaan aapaacham aataab, ni li ye ŋisaŋ ŋitaa aawawaan, aan ni li wiin bu ponn ni ki ŋa bu ŋiker ŋitaa tɔŋ tɔb pu, aan ki ŋa mbisamɔb busikakl. M ga tun ni nwam dulnyaa wee ni, mu nan bii tiwanfuurkaan mɔmɔk. Tiwan nimɔk bi dulnyaa wee ni na ga kpo. Tɔ, m ga puu tipuur tii si. Aa ni aapuu, ni saabim, ni bipuutiib koo buŋɔb ngbaan ni. Aa di tiwakor, ni ipeel, ni inyoon mɔmɔk aabɔŋ, ni tiwan ni fu na mɔmɔk, nija ni nipii, ki di ŋa buŋɔb ngbaan ni. Ni mɔmɔk ga dan aa chee aan ni mu ŋmar ki taa kpo. Ban tijikaar mɔmɔk aabɔŋ, aan aa ni tiwakor, ni ipeel, ni inyoon mɔmɔk li ji.” Le Nowa ŋa Uwumbɔr aah bui u pu na mɔmɔk.

Listen to Mpiin 6