Isaya 57
57
Musinsimi ulatapatila basikukomba zikozyano
1Bantu baluleme balanyonyooka, pele taakwe muntu uubika moyo wakwe. Bantu basiluzyalo balatolwa, pele taakwe muntu uumvwisya. Nkaambo muntu uululeme ulatolwa kuzwa kububi, 2elyo ulanjila muluumuno. Balalyookezya mumalo aabo, abo beenda mubululami.
3 #
Mal 3:5
Pele amuswene okuno, inywe nubana bamwanakazi mulozi, nulunyungu lwasimamambe alwasibwaamu. 4Nguni ngumusabwida? Nguni ngumulepwida milomo akugwisizya lulimi? Sa tamuli bana bakusotoka mulao, lunyungu lwalweeno, 5inywe numukasaala muzisusi zyanu akati kamibanga, kunsi lyamisamu yoonse mitete, akujaya bana banu mumakuti kunsi lyaŋanzi zyandomba. 6Akati katusindabwe twakukalonga mpocibede caabilo canu. Ntontuto, ntontuto ntuwawaalilwa cisolo. Ntontuto ntuwatilila cipaizyo cakunywa akutuulila cituuzyo cabusu, Sa ndakonzya kutontozegwa kumakani aya? 7#Ezk 23:41Atala lyacilundu cilamfu loko, mpowakabika bulo bwako. Mpoonya awo mpowakainka kuyootuula zipaizyo. 8#Ezk 16:26Wakabika citondezyo cako kusule lyacitendele alyacikunguzyo, nkaambo wandisia mebo, wainka nkuko, wayala bulo bwako, watanga buzolwani abaabo mboyanda; bulo bwabo wabuyandisya, acinswe cabo ulicibwene. 9Wakainka kuli-Moleki amafuta, wavuzya myuunde yako, alimwi batumwa bako wakabatuma kule, akuseluka, mane kusikila kucikalilo cabafu. 10Wakakataazigwa musinzo wako mulamfu, pele tokwe nowalengaana. Inguzu zyako zyakabukulisigwa, aboobo tokwe nowakawizuka. 11#Int 50:21Nguni nguwakali kuyoowa akulemeka? Nkaambo wabeja, tokwe nondiyeeya nikuba kubika moyo wako kulindime. Sa ime teendakaumwide ciindi cilamfu, aboobo tondiyoowi? 12Lino njoopandulula bululami bwako mbububede. Milimo yako tiikooyookugwasya pe. 13#Int 37:3,9; Mt 5:5Kakamu kako kazikozyano kakuvune nokwiila. We! Muuwo uyoozitola zyoonse! Kufula buyo kuyoozimana. Pele oyo uusyoma ndime uyoovuba nyika, uyookona cilundu cangu cisalala.
Jehova mbwaasyomezya kugwasya bantu bakwe
14Kuyooambwa kuti, Amutuntumike, amutuntumike mutundulu, mubambe inzila. Amugwisye zilebyo munzila yabantu bangu. 15#Job 6:10; Lk 1:49; Zek 2:13; Int 68:4; 34:18Nkaambo mbuboobu mbwaamba Mulemu Uusumpwidwe uukede mubwami butamani, izina lyakwe ngu-Uusalala. Ndikede mubusena busalalisya busumpwidwe, pele mubombumoyo uupengede alakwe ndikede awe. Ndime uubusya muuya wamuntu uubombede akukatalusya moyo wayooyo uupengede. 16#Int 78:38,39; Mik 7:18; Heb 12:9Nkaambo nsikooyookazyanya lyoonse, nisikooyookalala akutamani pe, nkaambo buumi bwazwa kulindime, alimwi ndime iwakalenga kuyooya kwabuumi. 17#Ezk 33:31Ndakakalala nkaambo kamulandu wakulikumbuzya kwakwe, elyo ndakamuuma, ndasisa busyu bwangu, ndakalala. Nkabela wakacili kweenda cakukataazya munzila njiwakayanda moyo wakwe. 18#Int 73:24Ndibwene inzila zyakwe, pele njoomuponya. Njoomweenzya akumuboozezya luumuno, abalo basikulila bakwe, 19#Heb 13:15; Inc 2:39; Ef 2:17njoobalengela micelo yakulumba. Boonse bayoojana luumuno, nibaba bali kule nibaba bali kufwaafwi, mbwaamba Jehova. Njoomuponya. 20Pele bantu basizibi bali mbuli maanzi aalwizi aayuwana, nkaambo taakonzyi kuumuna pe, pele lyoonse alaya bulivundaanya matope amatombe. 21#Is 48:22Basizibi tabakwe luumuno abuniini, mbwaamba Leza wangu.
Sélection en cours:
Isaya 57: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.
