Kulonga 34
34
Musa mbwaakaambaula a-Leza lwabili kucilundu ca-Sinai
1 #
Dt 10:1-4
Lino Jehova wakaambila Musa kuti, Beza mabwe obileaapapalete mbubonya mbuli mataanzi, nkalembe mpoonya awo amabwe majwi oonse aakalembedwe amabwe mataanzi ngowakapwayaula. 2Kolibambila cifumo. Bwaca buyo, utante kucilundu ca-Sinai, ukaime mpoonya awo kubusyu bwangu atala acilundu. 3Kutabi muntu uukusindikila, alimwi kutaboneki muntu moonse mucilundu; azyalo imbelele aŋombe zitaceli kucilundu. 4Elyo Musa wakabeza mabwe obile aapapalete mbubonya mbuli mataanzi, nkabela buce buyo, wakafuma, watanta kucilundu ca-Sfnai mbubonya mbuli Jehova mbwaakamulailila, wabweza mabwe obile aapapalete mujanza lyakwe. 5Mpawo Jehova wakaseluka mujoba, waimikila awe mpoonya awo, wamuyubunwida izina lya-Jehova. 6#Kul 20:5-6; My 14:18; Dt 5:9-10; 7:9-10; Neh 9:17; Joel 2:13; Rom 2:4; Int 108:4Jehova wakainda kubusyu bwakwe, waamba, wati, Jehova! Jehova! Leza siluzyalo asibuuya uutafwambi kukalala, uuzwide luse alusyomo, 7#Jer 32:18; Dan 9:4; Ef 4:32; 1 Joh 1:9; Jos 24:19; Job 10:14uufwida bantu bali zyuulu luzyalo, uujatila milandu andeyo azibi, nekubaboobo talulamiki bataluleme; ulauma bana abazukulu nkaambo kazibi zyabamawisi mane kusikila kuzyalani lyatatu na lyane. 8Elyo Musa wakafwambaana kukotamika mutwe ansi, wakomba. 9#Int 94:14; Zek 2:12Nkabela wakati, Na ncobeni ndijene luzyalo mumeso aasimalelaangu, simalelaangu aende akati kesu, nekuba kuti bantu mbayumu myoyo. Utulekelele milandu yesu azibi zyesu, utubambe tube bako.
10 #
Dt 29:12; 2 Sam 7:23; Int 147:20; Is 64:3 Lino wakati, Bona! Ndatanga cizuminano. Kumeso aabantu bako boonse ndacita maleele aatana kucitwa munyika yoonse nanka kucisi neciba cimwi, nkabela bantu boonse mbokede abo balabona milimo ya-Jehova, nkaambo ncecintu ciyoosya ncenjoomucitila. 11#Dt 12:28Lino bika moyo wako kumakani ngendakulailila buzuba obuno, Bona! Ndatanda kubusyu bwako ba-Amori, ba-Kanana, ba-Hiti, ba-Perizi, ba-Hivi, aba-Jebusi. 12#Bab 2:2Cenjela! Utatangi cizuminano abantu bakede munyika eyo nkoyoosika, kuti makani atamubedi kakole. 13#Dt 16:21; 2 Bam 18:4Zipaililo zyabo muleelede kuzimwaya, minsemu yabo muleelede kwiijaya, azisamu zyabo zya-Asera muleelede kuzigonka. 14#Is 57:15; Kul 20:5Tamweelede kukomba Leza umbi pe, nkaambo Jehova ngu-Leza sibufwi: izina lyakwe ngu-Sibufwi. 15#Ezk 6:9; 1 Kor 8:4; 10:27Amucenjele kuti mutatangi cizuminano abantu bakede munyika; ambweni ngabaya buvuula abaleza babo akupaizizya baleza babo balamutamba kuti mulye zipaizyo zyabo, 16#Ezr 9:2; My 25:1,2lino mulaselela bana banu balombe bana babo basimbi kuti babakwate, nkabela bana babo basimbi balavuula abaleza babo akuvuuzya abalo bana banu balombe abaleza babo,
17 #
Kul 20:4; Lev 19:4; Dt 5:8; 27:15 Mutalipangili zikozyano zyamizimu zifulidwe.
18 #
Kul 12:14-20; Lev 23:6-8; My 28:16-25 Ipobwe lyazinkwa zitakwe bumena muleelede kulilya, Mazuba aali musanu aabili muleelede kulya zinkwa zitakwe bumena, mbubonya mbundakamulailila, kuciindi ceelede mumwezi wa-Abibi, nkaambo ngonguwo mwezi nomwakazwa mu-Egepita. 19#Kul 13:2; 22:29; Ezk 44:30; Lk 2:23Boonse bazyale bataanzi mbibangu; iŋombe zyanu zyaalumi zyoonse, bazyale bataanzi baŋombe abambelele. 20#Kul 13:13; Dt 16:16; 2 Sam 24:24Mwana mutaanzi wambongolo uleelede kumununuzya kabelele, Na wabula kumunununa, uleelede kumutyola insingo, Bana balombe banu bataanzi muleelede kubanununa, alimwi tabeelede kuboneka kubusyu bwangu acinkwamaanza.
21 #
Kul 20:9-10; 23:12; 31:15; 35:2; Lev 23:3; Dt 5:13-14; Lk 13:14 Mazuba aali musanu abumwi uleelede kubeleka, pele mubuzuba bwamusanu aabili uleelede kulyokezya. Kuciindi cakulima akuciindi cakutebula uleelede kulyokezya. 22#Lev 23:15-21,39-43; My 28:26-31; Kul 23:16Alimwi ulye ipobwe lya-Pentekoste, notebula kabalwebalwe kabulotwe bwako, apobwe lyakutebula kumamanino aamwaka. 23Ziindi zyotatwe mumwaka baalumi banu boonse baleelede kulibonya kubusyu bwa-Mwami Jehova Leza wa-Israyeli. 24#Lev 18:24; Dt 7:1; 19:8; Jos 24:8-13; Int 78:55; 80:8; Matl 35:5; 2 Mak 17:10; Tus 16:7Nkaambo njootanda misyobo imwi kubusyu bwanu akukomezya nyika yanu, alimwi takukooyooba muntu uuyanda kutola nyika yanu kuziindi zyakuboneka kubusyu bwaJehova Leza wako, ziindi zyotatwe mumwaka.
25 #
Kul 12:10; 23:18 Utatuuli bulowa bwacipaizyo cangu abumena. Acipaizyo capobwe lya-Pasika taceelede kusyaala kusikila cifumo. 26#Dt 14:21; 26:2,10; Neh 10:35; Tus 3:9Kabalwebalwe kamicelo yanyika yako kaletwe kuŋanda ya-Jehova Leza wako. Utajiki mwana wampongo mumalili aabanyina. 27#Dt 31:9; Is 30:8Elyo Jehova wakaambila Musa kuti, Lemba majwi aya, nkaambo nditangene cizuminano ayebo aba-Israyeli mbubonya mbuli majwi aya. 28#Dt 9:9,18; Kul 31:18; 32:16; Dt 10:2,4Nkabela wakalikede nkukonya oko kuliJehova mazuba aali makumi one, isikati amasiku. Taakwe naakalya insima nekuba kunywa maanzi, Nkabela wakalemba amabwe aapapalete majwi aacizuminano, majwi aamilazyo iili ikumi.
29 #
2 Kor 3:7-16; Kul 32:15; Mt 17:2 Elyo Musa naakaseluka kuzwa kucilundu ca-Sinai, amabwe obile aamilao akali mujanza lyakwe, kuciindi cakuseluka kuzwa kucilundu Musa katezi kuti busyu bwakwe bwakali kumweka nkaambo kakwaambaula a-Leza. 30Pele Aroni abana boonse ba-Israyeli nebakabona Musa, bakabona kuti cikanda cabusyu bwakwe cakali kumweka, nkabela bakayoowa kuswena afwaafwi. 31Lino Musa wakabaita, mane lumwi Aroni abapati boonse bambungano bakaboola kulinguwe, elyo wakaambaula abo. 32#Kul 24:3Kusule lyayaaya abalo bana ba-Israyeli boonse bakaswena afwiifwi, nkabela wakabalailila makani oonse Jehova ngaakamwaambila mucilundu ca-Sinai. 33#2 Kor 3:13Amane kubaambila, Musa wakalivumba cisani kubusyu bwakwe. 34Pele Musa naakanjila kukwaambaula a-Jehova, wakalivumbulula cisani mane wazwa. Nkabela naakazwa kuzooambila bana ba-Israyeli makani malailile, 35bana ba-Israyeli nebakabona busyu bwa-Musa, bakabona kuti cikanda cabusyu bwa-Musa cilamweka, aboobo Musa wakalivumba alimwi isani kubusyu bwakwe mane wakapiluka kuyooambaula awe.
Sélection en cours:
Kulonga 34: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.