Kulonga 30
30
Cipaililo catununkilizyo
1 #
Kul 37:25; 40:5; Ciy 8:3 Alimwi ucite cipaililo cakutentela tununkilizyo; cikacitwe amuunga. 2Bulamfu bwaco bube kakokola komwe, abwaamba bwaco bube kakokola komwe; cibe azyooko zyone zyeelene, abwiime bwaco bube tukokola tobile. Ameja aaco kaakumbetene. 3Uciziluluzye ingolida iisalala, atala akumabazu akumeja koonse, Alimwi ucicitile moombe wangolida koonse koonse, 4akunsi lyamoombe ucite incoko zyobile zyangolida kumabazu obile aalangene; mulinzizyo mulasomwa miziyo yakuciyumuzya. 5Alimwi ucite miziyo yamuunga akwiiziluluzya ingolida. 6Lino eco cipaililo ucibike kunembo lyacisitilizyo cili kubbokesi lyacizuminano, kunembo lyacuuno caluzyalo caatala lyabbokesi nkotunooswanaana ayebo. 7Nkabela Aroni unootenta misamu iinunka kabotu alincico. Cifumo cimwi acimwi, kuciindi cakubamba malampi, uleelede kwiitenta. 8Alimwi magolezya, naayasya malampi, Aroni uleelede kwiitenta, Ibe tununkilizyo twalyoonse kubusyu bwa-Jehova mumazyalani aanu oonse. 9#Lev 10:1Tamweelede kupaizya awo misamu imbi, neciba cituuzyo citentwa neciba cipaizyo cabusu; azipaizyo zyakunywa tazyeelede kutilwa alincico. 10#Lev 23:27Nkabela komwe mumwaka Aroni uleelede kumanya milandu ameja aaco; bulowa bwacituuzyo cazibi, mbombubo mbweelede kubelesya kukumanya milandu, komwe mumwaka mumazyalani aanu oonse. Cilasalalisya kumeso aa-Jehova.
Mutelo wacikombelo
11Lino Jehova wakaambila Musa kuti, 12#Kul 38:25; My 1:2,5; 26:2; 2 Sam 24:2; Job 33:24; 36:18; Int 49:7; Mt 20:28; Mk 10:45; 1 Tim 2:6; 1 Pet 1:18; 2 Sam 24:15Ciindi cakubala mweelwe wabana ba-Israyeli, boonse baleelede kuletela Jehova umwi aumwi cinunuzyo cabuumi bwakwe, kuti kutabi bulwazi akati kabo kuciindi cakubalwa. 13#Kul 38:25-26; Mt 17:24; My 3:47; Ezk 45:12Umwi aumwi uubalwa, cipo nceelede kuleta nceeci: cisela casyekeli, nkokuti syekeli lyacikombelo (isyekeli lili amagera aali makumi obile). Alete cisela casyekeli, cibe mulumbo kuli-Jehova. 14Kufumbwa muntu uubalwa uuli amyaka iili makumi obile na kwiinda uleelede kuleta oyu mulumbo wa-Jehova. 15#Job 34:19; Tus 22:2; Inc 10:34; Rom 2:11; Gal 2:6; Ef 6:9; Kol 3:25; 1 Pet 1:17Bavubi batakapi ciinda, abatengwana batakapi tuniini: boonse buyo bape cisela casyekeli ciindi cakuleta oyu mulumbo wa-Jehova wakununuzya maumi aabo. 16#My 16:40Nkabela ayo mali aakumanya milandu ngemutambula kubana ba-Israyeli, muleelede kwaabelesya milimo yatente lyambunganino. Ayoobeda Jehova ciibalusyo cabana ba-Israyeli cakumanya milandu yanu.
Cisambilo azibelesyo zimwi zyacikombelo
17Nkabela Jehova wakaambila Musa kuti, 18#Kul 38:8; 1 Bam 7:38Panga cisambilo camukuba atako lyaco lyamukuba, cakusambila, ucibike akati katente lyambunganino acipaililo, akubika maanzi mulincico, 19#Is 52:11; Heb 10:22kuti Aroni abana bakwe basambe kumaanza akumaulu. 20Kufumbwa ciindi nebanjila mutente lyambunganino, nanka kuswena afwaafwi kucipaililo kuzoopaizizya Jehova na kumutentela tununkilizyo, 21#Kul 28:43sansi basambe kumaanza akumaulu kuti batafwi. Ngomulao walyoonse kulimbabo, kuli-Aroni akubana bakwe mumazyalani aabo oonse.
22 #
Kul 37:29
Alimwi Jehova wakaambila Musa kuti, 23#Lwi 4:14; Ezk 27:22; Int 45:8; Jer 6:20Bweza misamu mibotu: mungwimba wamuro uuli abulemu bwamasyekeli aali myanda yosanwe, amusamu uununka wakinamono uuli abulemu bwacisela, nkokuti masyekeli aali myanda yobile amakumi osanwe, amisale iili myanda yobile amakumi osanwe, 24#Int 45:8; Kul 29:40atununkilizyo twakasiya masyekeli aali myanda yosanwe (weeleke kusyekeli lyacikombelo), ansazi yamafuta aamaolifa. 25#My 35:25; Int 89:20; 133:2Ezi zyoonse uzivwelanye, zibe mafuta aasalala aakunanika, mbubonya mbwacita simisamu. Abe mafuta aasalala aakunanika. 26#Lev 8:10; My 7:1Unanike ngao itente lyambunganino, abbokesi lyacizuminano, 27antafule azibelesyo zyayo zyoonse, acikazikilo camalampi azibelesyo zyaco zyoonse, acipaililo catununkilizyo, 28acipaililo cazituuzyo azibelesyo zyaco zyoonse, acisambilo atako lyaco. 29Uzisalazye zyoonse kuti zisalalisye loko, Kufumbwa uuziguma ulasalazigwa. 30Alakwe Aroni abana bakwe, ubananike, ubasalazye, kuti bandimanine milimo yabupaizi. 31Lino ambila bana ba-Israyeli kuti, Oyu mungwimba uyooba mungwimba wangu uusalalisya wakunanika mumazyalani aanu oonse. 32Tuukooyootilwa amubili wamuntu buyo, pe, alimwi tamweelede kweenga umwi uukozyene anguwo. Ulasalalisya. Usalalisye kulindinywe. 33#Matl 17:14; Lev 7:20,21Kufumbwa muntu uuenga umwi uuli mbubo, nanka kunanika mweenzu anguwo, ulatandwa muciinga cakwe.
34 #
Kul 25:6; 37:29 Alimwi Jehova wakaambila Musa kuti, Bweza misamu iili abweema: natafi asekeleti akelebuna, antoomwe atununkilizyo tusalala twalibano. Myeelwe ielane. 35Lino ukacite tununkilizyo tuvwelene mbubonya mbwavwelanya simisamu. Tulungwe munyo mubotu uusalalisya. 36#Kul 29:37,42; Lev 2:3; 16:2Lino tumwi ututwe, ubike kunembo lyamagwalo aamilao mutente lyambunganino nkotunooswaninana ayebo. Tube cintu cisalalisya kulindinywe. 37Atwalo tununkilizyo ntomucita, mutalicitili tumwi tuli boobu, pe. Tulamubeda cintu cisalalisya ca-Jehova. 38Kufumbwa muntu uucita tumwi tuli boobu twakulinanika ulatandwa muciinga cakwe.
Sélection en cours:
Kulonga 30: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.