Génesis 11
11
Chicham yapajinkamu
1Yaunchukka chikichik chichamnak chicha jakaruiti. 2Tura etsa watainmani shiakar, Simar nugkanam nugka pakan wainkar matsamsaruiti. 3Tumawar chichainak: Ladrillo najankar jinum jikar inarkarmi tiaruiti. Tusar kayanka takatsuk, tura pachimmain atsau asamtai aya nugkanak najankaruiti. Tura asfalto tutaijai perar takasaruiti. 4Tura chichainak: Chikichik yaakat ladrillo eke ekeneakuar nayaimpinam ejémi. Nu turarka kanarar chikich nugkanmaksha shiakchattaji, antsu eme anentam artatji tusar tiaruiti. 5-6Tu enentaimsar yaaktan takaina asamtai, Yuus chichaak: Nuu shuarak asar, tura chikichik chichamnak chichaina asar, takatan nagkamawara junaka inaisachartatui. 7Tuma asarmatai chichaman yapajtukartajai, nutikam anturnaikacharti, tusa tinaiti. 8Tusa Yuus chichaman yapajtuk ashi nugkanam napampaar ishiakuiti. Nutikam yaakat najantanka inaisaru ainawai. 9Yuus chichame yapajtukmau asar shuar aina ashi nugkanam shiakaru ainawai. Tuma asamtai nu yaaktanka Babel tu anaikaruiti.
Sem weantu aina
(1Cr 1.24-27)
10Sem weantu ainaka ju ainawai: Nujag nujagkrua jimar uwí nagkamasu ai, Sem cien uwín ejé pujus Arfaxadtan akiawaiti. 11Tura quinientos uwín ejé pujus uchi aishmag ainan, nuwa ainajai akigkuiti. 12Arfaxad treinta y cinco uwín ejé pujus, Sélahn akiawaiti. 13Tura cuatrocientos tres uwín ejé pujus, uchi aishmag ainan, nuwa ainajai akigkuiti. 14Sélah treinta uwín ejé pujus Heberan akiawaiti. 15Tura cuatrocientos tres uwín ejé pujus, uchi aishmag ainan, nuwa ainajai akigkuiti. 16Heber treinta y cuatro uwín ejé pujus, Pélegkan akiawaiti. 17Tura cuatrocientos treinta uwín ejé pujus, uchi aishmag ainan, nuwa ainajai akigkuiti. 18Péleg treinta uwín ejé pujus, Reún akiawaiti. 19Tura doscientos nueve uwín ejé pujus, uchi aishmag ainan, nuwa ainajai akigkuiti. 20Reú treinta y dos uwín ejé pujus, Serugkan akiawaiti. 21Tura doscientos siete uwín ejé pujus, uchi aishmag ainan, nuwa ainajai akigkuiti. 22Serug treinta uwín ejé pujus, Nacoran akiawaiti. 23Tura doscientos uwín ejé pujus, uchi aishmag ainan nuwa ainajai akigkuiti. 24Nacor veintinueve uwín ejé pujus, Tarén akiawaiti. 25Tura ciento diecinueve uwín ejé pujus, uchi aishmag ainan, nuwa ainajai akigkuiti. 26Taré setenta uwín ejé pujus, Abraman, Nacoran, tura Haránkan nu ainan akigkuiti.
Taré weantu aina
27Taré weantu ainaka ju ainawai: Abraman, Nacoran, tura Haránkan nu ainan akigkuiti. Harán Lottan akiawaiti. 28Haránka apari iwáku pujaig nina nugke ni akinamuri Ur tutainam caldeo aina matsatmaunam pujus jakauwaiti. 29Abram Saraijai nuwenawaiti, tura Nacorka Milcajai nuwenawaiti. Milca tura Iscasha Haránkan nawantri ajakuiti. 30Saraika uchin jurechu ajakuiti. 31Taré yaakat Urnum caldeo aina matsamtainmaya jinki, Canaán nugkanam weak: Nina uchiri Abraman, nina tiragken Lottan, tura nina uchiri nuwe Saraincha jukinaiti. Turasha Canaánnumka jeatsuk yaakat Haránnum matsamsartasa juakaruiti. 32Taréka Haránnum pujus doscientos cinco uwí ejé jakauwaiti.
Sélection en cours:
Génesis 11: hubDBL
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© 2010, Wycliffe Bible Translators, Inc. All rights reserved.
