Pinongurugan 5
5
Solusuk ni Adam
1Iri pinongurugan nu Kinoringan nu lobuw-i, pinoogio Niyo nosiro so Iyo. 2Inurug Niyo ido kusoi om ido woinoi. Binorokatan sono Niyo nosiro om iningoranan nu “Lobuw”. Itu yo su solusuk ni Adam.#Pgn 1:27-28 #Mat 19:4; Mrk 10:6 3Iya nu maatus tolu nopulu toun umur ni Adam, kianak iyo nu kusoi soko kogoyaan niyo. Ingorani yo niyo so si Sit. 4Kiat nu iri, miau po si Adam walu naatus toun, om kuwai yo inonakan niyo wokon. 5Minatoi iyo nu nologa' po umur niyo siwoi naatus tolu nopulu toun.
6Iya nu maatus limo notoun umur ni Sit, kianak iyo nu kusoi ingoranan so si Inus. 7Kiat nu iri, miau po iyo walu naatus turu notoun, om kuwai yo inonakan niyo wokon. 8Minatoi iyo nu nologa' umur niyo siwoi naatus opulu om duo toun.
9Iya nu siwoi nopulu toun umur ni Inus, kianak iyo nu kusoi ingoranan so si Kinan. 10Kiat nu iri miau po iyo walu naatus opulu om limo toun, om kuwai po inonakan niyo wokon. 11Minatoi iyo nu nologa' umur niyo siwoi naatus limo notoun.
12Iya nu turu nopulu toun umur ni Kinan, kianak iyo nu kusoi ingoranan so si Mahalaliil. 13Kiat nu iri, miau po iyo walu naatus opat nopulu toun, om kuwai po inonakan niyo wokon. 14Minatoi iyo nu nologa' umur niyo siwoi naatus opulu notoun.
15Iya nu onom nopulu om limo notoun umur ni Mahalaliil, kianak iyo nu kusoi ingoranan so si Yarid. 16Kiat nu iri, miau po iyo walu naatus tolu nopulu toun, om kuwai po inonakan niyo wokon. 17Minatoi iyo nu nologa' umur niyo walu naatus siwoi nopulu om limo toun.
18Iya nu maatus onom nopulu om duo toun umur ni Yarid, kianak iyo nu kusoi ingoranan so si Inuk. 19Kiat nu iri, miau po iyo walu naatus toun, om kuwai inonakan niyo wokon. 20Minatoi iyo nu nologa' umur niyo siwoi naatus onom nopulu om duo toun.
21Iya nu onom nopulu om limo toun umur ni Inuk, kianak iyo nu kusoi ingoranan so si Mitusala. 22Kiat nu iri, tolu po naatus toun laid niyo miau mido so Kinoringan, om kuwai inonakan niyo wokon, 23om nologa' yo umur niyo tolu naatus onom nopulu om limo toun. 24Pagka waid-waidon si Inuk nu Kinoringan, d'ado yo sono iyo so wonuo tu so' inalap iyo miau-wiau nu Kinoringan.#Ibr 11:5; Yud 14
25Iya nu maatus walu nopulu om turu toun umur ni Mitusala, kianak iyo nu kusoi, ingoranan so si Lamik. 26Kiat nu iri, miau po iyo turu naatus walu nopulu om duo toun, om kuwai inonakan niyo wokon. 27Minatoi iyo nu nologa' umur niyo siwoi naatus onom nopulu om siwoi toun.
28Iya nu maatus walu nopulu om duo toun umur ni Lamik, kianak iyo nu kusoi. 29Mutongaro yo sono iyo so sawo niyo ri nu, “Anak-o iitu su poinsanang so toko kiat so kosonsora'an toko mongusaa' nu tana' sinumpaan nu TUHAN-o,” koo. Indadi, ingorani yo sono niyo anak oono so si Nuu.#5:29: So tangar Ibrani Nuu ogon-ogon muinong nu tangar “ponginsosamod”. 30Kiat nu iri, miau po iyo limo naatus siwoi nopulu om limo toun, om kuwai po inonakan niyo wokon. 31Minatoi iyo nu nologa' umur niyo turu naatus turu nopulu om turu toun.
32Iya nu limo naatus toun umur ni Nuu, kianak iyo tolu kusoi, ono yo si Sim, si Ham, om si Yapit.
Sélection en cours:
Pinongurugan 5: TomPWPgLgPn
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© 2023 (Active), Wycliffe Bible Translators, Inc. All rights reserved.
