KELUARAN 21:23-25

Ap itanowen yik aptuk lit hiyap malik ahummu fet taluhon ino mep toho wabuhup halug at waruhu ahun ino hebeloho watuk lit hiyap ino waruhu ane hikit toho ubam emberuk lamuhubon tu: War atukon fahet war atukon wirim tuk teg, il siyag atukon fahet il siyag atukon wirim tuk teg, ayeg fahet ayeg wirim tuk teg, inggik fahet inggik wirim tuk teg, uyug fahet uyug wirim tuk teg, indoken ahap paltukon fahet indoken ahap paltukon wirim tuk teg, yowilangge fahet yowilangge wirim tuk teg, tog sinat watukon fahet tog sinat watukon wirim tuk teg.