Gênesis 7
7
Henewẽ Deusũ yurabu hatu kupinikiaki, na hãtxarã
1Hanushũ Deusũ Noé yuikĩ:
“Yura dasibibube mĩ hiwebia mia besti mĩ pepaki, ẽ hãtxa nĩkai hiwekũkainirã. Haskawẽ taea nunuti merã minabuyas hikiriwe” atã 2-3ana yuikĩ: “Pitibu yuinaka betsa betsapa tibi, 7 yushã inũ 7 bene nanekĩ hatu bitxishãwẽ. Ha dikabi peiyabu bene 7 inũ yushã 7 nanekĩ hatu bitxiriashãwẽ. Pitibuma yuinaka betsa betsapa tibi yushã bestitxai inũ bene bestitxai nanekĩ bitxiriashãwẽ, habu mawama mekei hau mai anu mibe ana hiweshanũbunã. 4Hanushũ ana 7 shaba keyuaya mai anu ui ẽ tueaii. Hakia taewakinã, 40 shaba inũ 40 yame tanamakĩ ui nesewama ẽ imashanaii. Haska wakĩ mai anu ẽ damiwani ẽ hawẽ yamawashanaii, hiweabu dasibi hasakĩ tenã keyukinã”, aka 5dasibi Deusũ haska yunua Noé akĩ keyunikiaki.
6Noé 600 bariyakẽ hene matai taenikiaki. 7Heneki datei hawẽ aĩbe inũ, hawẽ huni bakebube inũ, hawẽ babawãbube Noé hawẽ nunutiki hiki taenikiaki. 8-9Pitibu yuinaka inũ pitibuma yuinaka betsa betsapa tibi hatube hikirianibukiaki, yushã inũ benerã. Dasibi haska Deusũ Noé yunua hawẽ hãtxa txibaĩ hikinibukiaki.
10Ana 7 shaba keyuaya hene matai taeaya 11Noé 600 bariya hiwekẽ hanua ha baritiã ma 2 ushe inũ 17 diatiã mai anua hene tuekeaya nai uria ui bashnekei tuekeriaya 1240 shaba inũ 40 yame tanamakĩ mai anu ui imanikiaki, Deusũnã.
13Habiatiãri ui iki taeaya Noé inũ hawẽ aĩ inũ hawẽ bakebu dabe inũ besti Sem inũ, Cam inũ, Jafé inũ, hawẽ babawã dabe inũ besti shashu nunuti merã hikiaibũ 14pitibu yuinaka inũ pitibuma yuinaka inũ habu nũ ina waisma inũ habu nũ ina wamis yuinaka betsa betsapa tibi inũ nutawẽ sharai mapumisbu inũ peiyaburã, hati hatube hikinibukiaki. 15-16Dasibi huĩsinamisbu mai anu hiweabu tibi Noébe nunuti merã hikibaĩbainaibũ haska Deusũ yunua yuinaka yushã inũ bene hiki keyuaibũ shashu nunuti merã Senhor Deusũ ibubis hatu bepunikiaki. 17Hanua 40 shaba ui iki heneriamakẽ ana hene ewakĩ matawakĩ hawẽ nunuti nũtãkĩ taewaya 18hanua hene ana matai ewakũkaĩkĩ mai dasibi binumaya shashu nunuti nunukaunaya 19henẽ mai binumahairakĩ mati keyatapa dasibi atximakĩ 207 metro ana matakĩ ni binumakĩ mati dasibi atxikĩ mabiris akĩ keyunikiaki. 21Haskaya yuinaka inũ yurabu mawai 22dasibi hamapai sharabu habu huĩsinamisbu mai anu hiweabu mawai keyunibukiaki. 23Haska wakĩ mai anu hiweabu Deusũ dasibi keyu tenãkĩ yurabu inũ yuinaka yamawakẽ hakia hatibu Noébe besti nunuti merã hikiabus hawa mawabumakẽ 24hanu ui ma nesekẽ hene netsuriama dasibi bepukĩ keyua netsuyuama ana 150 shaba iyunikiaki.
Sélection en cours:
Gênesis 7: cbsBR
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
NT © 1980-2006, Wycliffe Bible Translators, Inc.
OT portions © 2006, Wycliffe Bible Translators, Inc.
