Versets bibliques populaires de Jon 15

Partager

“Alia u ruei na limiou u hikalan. A hikalan e töatöa sila na te ka uanen turu ruei, ba nonei te töan hua haparana. Na e markato has uana iesana i tamilimiou. Te ka gono memia limiou alia balia teka gono has mera goulimiou, ba limiou te töan kato hanigemiou a manka te ngilena e Sunahan. Kaba te laba namia limiou alia, ba limiou tema antunan kato nami ta töa ta ka te ngilena e Sunahan.

Alimiou go ka gono memou lia ba lia te ka gono has mera goulimiou. A hikalan ema antunan hua pepeisa nei. Nonei ega rokoto noa hasia i tuenreina u ruei bate töan huana. Na e markato has uana iesana i tamilimiou. Alimiou ema antunan katoemi ta markato ta niga tegoma ka gono mena milimiou alia.

Te ka gono memia limiou alia na te hengo hanige mia limiou u ranga i tar, rangata naiam ta ka te ngile milimiou ba limiou te lue moien.

Alimiou uma hopö kap nami lia kaba alia tu hopö kap raiou limiou. Na lia u tus raiou limiou tego tataala uaiam limiou bate katoe miou u ngil tere Sunahan. Be Tamar te hala ranoui limiou a manka te singo sile moua limiou tara solor i tanen.

E möa tu ngil tega antunaia turu ngil te mate sil menanei a töa katuun u katuun i tanen, nonei e haröto nena nonei e ngil koru ranen. E möa noahas tu ngil tega antunaia turu mar ngil teka.

Nonei e luba nena a man hikalanin grep i tar tema hua nei. A mamana hikalan te huana nonei e kato hagogoso sile neien tego hua hapara lel uen.

Alia e hatei ragou limiou: hiangilngil uaiam temar ngil has mera gilia limiou.

Pöata te katoe mia limiou a markato a niga ba man markato teka te soloseiena e Tamar, ba limiou te haröto has namiou alimiou u katunun tsitsilo hamana i tar.

Be Iesu e ranga lenina me poeiena, “Alia u ruein grep hamana, ne Tamar a katuun terena kuin grep.

A katuun tema ka gono menei lia e ba nariou. Nonei e here nei a hikalanin ruei te langona. A man hikalan teka e gono raier bate lapo raria turu tula bate haats raier.

Alia e hatei ragu lei limiou u ranga teka ba nisasaala i tar te kauana i tamilimiou ba nisasaala i tamilimiou te onoto hakapa nitöana.

Te hengon töa namoua limiou u raranga i tar ba lia te ngil koru noahas ragou limiou, tu mar hengo has mei lia u raranga tere Tamar, be Tamar te ngil koru hase noulia.

Na lia e hatei ragi limiou u raranga teka ba limiou te hia ngilngil miou.”

Sanena tego katuun uami limiou i puta, u katuunur i puta sane ngil rariou limiou. Kaba e moa tala. Nori ema ngil rari limiou, taraha alimiou ema katuun lel uami i puta. Alia u luba hakapa raia limiou tara markatona i puta, nonei te raharaha be rari limiou u katunura i puta.