Versets bibliques populaires de Salmos 18

Partager

Iya Tátnuni, maa ni kúu toto nuu kuu konukuiñi va'a sa, te maa ni kúu ve'e sukun sukun nuu kuu chu'u sa. Te maa ni kúu iya sa'a ja kaku sa. Maa ni kúu Su'si maa sa. Maa ni kúu iya táa tnu'u ndee tnu'u ndatnu. Nuu maa ni kúkanu ini sa, vaa maa ni kúu iya jasi ndee jasi ndoso ña'a, ja ni‑in ja u'vi ma másu kaki'i ña'a, te maa ni chíndee ña'a ja na kaku sa nuu ndaka ñayii ñatuu ka kunimani nuu sa ma, vaa maa ni kúu ve'e sukun sukun nuu kuu chu'u sa ma.

Ichi káxtnu'u Su'si ma chi ichi va'a ichi ndaa kúu, te tnu'u káxtnu'u ya a chi tnu'u ndaa tnu'u ndija kúu, te ndaka ñayii ka kukanu ini ya ma chi maa ya kasi ndee kasi ndoso ja ñatuu ni‑in ja u'vi kaki'i ña'a.

Ndakune'e sa Iya Tátnuni ma, vaa maa ya iyo ja ndachiñu'u o ya ma. Te kaku sa nuu ñayii ñatuu ka kunimani nuu sa ma.

Te maa ora nuu yikuu sa ndó'o néni sa ma, te ni ndakune'e sa Su'si Iya Tátnuni ma, te káyu'u sa jiña'a sa ya, te maa ya ja iyo ya onde ini veñu'u ka'nu ya ma, te ni jiniso'o ya ja jiña'a sa ya ma.

Vaa maa ni sa'a ja tnúu ñu'u ini anua sa a, te maa ni, vi Iya Tátnuni, ora ñatuu ní'i ini sa nawa sa'a sa ma, xtnuu ni ñu'u ni a nuu sa ma.

Maa ya kúu iya táa tnu'u ndee tnu'u ndatnu, te maa ya kúu iya chíndee ña'a ja jika va'a sa ichi ya a.

Jayiñu'u kóo nuu ni, Iya Tátnuni. Iya va'a xeen ini kúu ni, vaa suu ni kúu toto nuu yoxtnee va'a sa a. Te jayiñu'u kóo nuu ni ja kúu ni iya ni sa'a ja ni kaku sa ma.