Versets bibliques populaires de Isaiah 1

Partager

Da One In Charge tell: “Come, we go talk togedda bout dis ting. No matta all da bad kine stuff you wen do Look jalike one big red spot now, But dey goin come white jalike da snow. No matta now jalike dey stay dark red, Dey goin come white jalike da wool.

If you guys like lissen, An tink da same ting jalike me, You goin eat all da good stuff from da land.

Learn how fo do wass good. Go all out fo do wass right. Kokua da peopo dat need help Fo da bad tings da bad guys do to dem. Da kids dat no mo faddah o muddah, help dem. Talk in court fo help da widow wahines.”

But if you no lissen an no like do wat I tell you fo do, Den odda peopo goin come wit dea swords An wipe out you guys. Cuz az me, Da One In Charge, Da Boss, dat tell dis.”

Wash! Go come clean inside! Throw out all da bad kine stuff you stay do. No do wass wrong no moa, Dass right; no do um no moa!

Wen you guys put up yoa hands fo pray to me I goin look da odda way. No matta you pray long time, I no goin lissen. Yoa hands stay dirty all ova From da blood a da peopo you wen kill.

No bring me one sacrifice dat no mean notting! Da incense you guys burn fo me stay smell haunas. You guys come togedda ery month an ery week But I no like da kine meetings you guys make, Cuz dey ony bad.

Da cows know who own um, An da donkeys know wea dea owna give um food. But da Israel peopo, dey donno me. Even my peopo no undastan notting bout me.”

Yoa new moon meetings An yoa odda spesho religious kine ceremonies, Dey no make me feel good. Dey jalike one heavy ting on top my back Dat I gotta carry. I had it wit um awready.