Versets bibliques populaires de Matta 16

Partager

Wa Isa gaal le talaamiizah : «Ayyi naadum al-yidoor yichiil derbi, khalli yichiif nafsah rakhiise leyah wa yilhammal taʼab al-saliib wa yitaabiʼni le l-moot.

Wa nuguul leek usmak Butrus (maʼanaatah hajar). Wa niʼassis ummati fi l-hajar da wa l-moot ma yinnasir foogha.

Wa nantiik mafaatiih hana mamlakat Allah. Ayyi cheyy al-inta jaʼaltah haraam fi l-ard, Allah fi l-sama kula yajʼalah haraam. Wa ayyi cheyy al-inta jaʼaltah halaal fi l-ard, Allah fi l-sama kula yajʼalah halaal.»

Wa ayyi naadum al-yidoor yinajji nafsah, yiwaddirha. Wa ayyi naadum al-yiwaddir nafsah fi chaani ana, hu da yanja.

Wa kan naadum ribih kulla l-maal al-fi l-dunya wa waddar nafsah, faayditah chunu ? Aw naadum yanti chunu fi badal nafsah ?

Wa Isa saʼalaahum wa gaal : «Wa laakin intu, tuguulu chunu ? Ana yaatu ?» Wa Simʼaan Butrus gaal : «Inta al-Masiih Ibn Allah al-Hayy.»

Wa Isa gaal leyah : «Mabruuk leek Simʼaan wileed Yuuhanna ! Al-fikir da ma jaay min insaan ! Laakin abuuyi Allah bas antaak.