Versets bibliques populaires de Malaakhi 3

Partager

Wa jiibu al-uchuur tamaamiin fi makhazan beeti achaan akil katiir yinlagi fi l-beet da. Wa be da, jarrubuuni wa chiifu kikkeef naftah leeku biibaan al-sama wa ninazzil leeku al-baraka al-ma indaha hadd.» Wa da, Allah al-Gaadir bas gaalah.

«Wa fi chaanku, ana nidammir al-hacharaat wa abadan ma yaakulu intaaj arduku wa jineenaat inabku kula yantu intaajhum. Wa da, Allah al-Gaadir bas gaalah. Wa kulla l-umam yinaaduuku al-mubaarakiin achaan intu taskunu fi balad al-farah.» Wa da, Allah al-Gaadir bas gaalah.

Wa Allah al-Gaadir gaal : «Fi l-yoom al-nugumm foogah, humman yabgo hineeyi ana halaali. Wa nihinn fooghum misil naadum yihinn fi wileedah al-yakhdim leyah. Wa be misil da, tichiifu min jadiid al-faraga been al-saalih wa l-aasi wa been al-yaʼabud al-Rabb wa l-ma yaʼabudah.»

Wa Allah al-Gaadir gaal : «Daahu nirassil rasuuli wa hu yiʼaddil al-derib giddaami. Wa tawwaali, al-Rabb al-intu gaaʼidiin tifattuchu be acham yadkhul fi beetah al-mukhaddas. Daahu jaayi rasuul al-muʼaahada al-gaaʼidiin tarjooh.»