Versets bibliques populaires de Gen 13

Partager

Chu'nchel i ye'aab' inawil reje wach naa nuye'em aweh i hat chi juneliik, eh naa wo' nuye'em keh awiih aamaam.

Eh noq ojinaq chik i Lot chi rutkeel, re' QaJaaw Dios je' wili i xuq'or reh i Abram: Chupaam i ye'aab' wilkaat wii' chawilow reje pansak'aaj ree rookb'aal q'iij, pantz'eet ree rookb'aal q'iij, parookb'aal q'iij, panreelb'aal q'iij.

Re' hin naa nuk'ihaaxb'isam taqe awiih aamaam korehtaal kiponik chi je' kik'ihaal i saniib' wilkeeb' wach ak'al. Nik' wach noq ma' awach ta neenkuywik rajaljiik i saniib', je' wo' re' noq ma' awach ta naa rukuywiik rajaljiik taqe awiih aamaam.

Eh re' Abram je' wili i xuq'or reh i Lot: Re' hat quuk' qiib' awuuk', ma' ruk'ul ta chi neenqatik'aa' peleto chi qawach. Ma' ruk'ul ta wo'-oq chi neenkitoq'aa' peleto incha'jinik keh taqe aachikoop i hat, kuuk' i kicha'jinik keh taqe nu chikoop i hin.

Re' i Abram xujal wo' ruye'aab' i ru-itz'ihy naah paat. Ar chik xooj chi patinik chinaah i yuuq' wilik wii' taqe i chee' tz'inuj, wilik paruye'aab' i winaq Mamre, ma' najt ta ruuk' Hebrón. Re' Abram ar xuyejaa' jinaj i artaal ye'b'al ruloq'il i QaJaaw Dios.

Eh re' Lot xrilow reje chu'nchel i k'ixkaab' inik'ik wii' i nim ha' Jordán. Eh xrilow wo' reje wach i k'isa tinamit Zoar, rilow reje ye'aab' chi ma' k'isiin i ha' wilik chupaam, xa je' chik rukab' i ye'aab' tikb'al uhtz'ub', je' wo' rukab' Egipto. Re' QaJaaw Dios majaa' naq i rusach wach i tinamit Sodoma, i Gomorra.