Versets bibliques populaires de Lc 17

Partager

Max lajwi tu', max yalon bay nak axca ti': —Ajan wanok, paxan. Ti mayal elcan ilya' en yujtol max aoc a c'ul yin Dios, ẍi bay nak.

Caxc'al chi oc is mul ayex ukelok chi ec' c'u, ta chi ul k'an mimanc'ulal yukelal ayex, Majxa wun junelxa, ta ẍi, yowalil che yak' mimanc'ulal, ẍi Jesús.

Ay jun xol eb max yila' tol max el yilya' tu' yin, max meltzoj yin aymanil. Max yalon is watx' k'anej bay Dios yin ipejal. Max jayoc bay yakantak Jesús, axa yay jajnaj tu' sat tx'otx', max yalon yuj diosal bay Cham. A nak max meltzoj tu', aj Samaria nak.

Yuj tu xin, ilekc'al e ba. Ta ay junok e yet animail chi oc is mul ayex, che tenchanej yin is yobtakil tu'. Ta chi na ba c'ul, che yak' mimanc'ulal yin.

Axa yalon Cham bay eb ayic' bay tu' axca ti': —¿Tom man lajonwanok eb max elcan ilya' yin? A pax balonwanxa eb tu', ¿baytal-laj ay eb?

Axa yalon Cham bay eb tu' axca ti': —Ta yel che yaoc Dios yin e c'ul, caxc'al jab ch'an che yut e yaon oc yin e c'ul, axca junok bak' mostaza, ok je' e yalon bay junok mimek te' ti' tol chi yocajtek ba yetokc'al xe', cax chi yawon aytok ba yul a' mar, cax ok yiken bay ok e yala'.

A eb c'am chi yochej chi cami, chi bekil eb jun k'inalej tol ayc'al yin tojbalk'inal. A pax eb chi bekc'ulok cam wuj xin, a ton eb tu' ok ion k'inalej tol ayc'al yin tojbalk'inal.

Max yal Jesús bay eb is cuywom axca ti': Yowalil chi jay juntzan tzet yetal chi on yetax el co nabal, palta ok'bal wal c'ul eb chi ak'on etax el nabal eb yet animail. Ta ay mac ijan chi etnen el nabal junok uninto, yel mi watx' chi pixlay oc t'unan junok ch'en yet molino yin is nuk' jun tu',*fn* cax chi k'oklay aytok yul a' mar, yet watx' manchak yetnej el is nabal jun uninto tu'.

Axa yet ok in jay paxok, axca wal tzet max uj yul tiempoal Noé, cay wal tu' tzet ok uj yet ok in jayok. Yujtol a eb anima yet jun tiempoal tu', max low eb, max yuq'uen a' eb. Ay laj eb tol max oc yetbi. Ay eb max yatok cutz'in alibejal. Tok chi na eb ta ay tzet ok jay yiban eb. Cac'al tu' max yun eb, masantac'al yet max jay c'ual yoctok Noé yul te arca. Axa max jay jun owal aej mukwajwom, cax max cam eb masanil.