Versets bibliques populaires de Génesis 15

Partager

Xi tocsla'n Abram tyol Kman, ex cyja'tzun oc k'o'm te tz'aklxix tu'n

Tbajlenxi tcyakil jlu tzaj tma'n Kman te Abram ic tza'n tuj jun witzic', ex tma cyja': —Mi'n xoba Abram. Akine colol teya, ex nimxix chojbil teya oc tc'ma'ya wu'ne.

Etztzun ti'n Kman Abram ttxa'n pe'n ex tzaj tma'n te cyja': —Que'yinxa twitz cya'j ex ajlanxa ke che'w, ka jacu bant cyajlet tu'na. Tzaj tma'ntl te cyja': —Cyja'tzun c'oquel cyajlal tiyjila, chi Kman.

Tzajtzun ttzak'we'n Kman te cyja': —Mya ate Eliezer c'oquel tajwil aju at teya. Ax jun tcy'ajala c'oquel te etzal, chi Kman.

Tmatzun Kman te Abram cyja': Tz'elx tnic'a ti'j, ke tiyjila che ul itz'j te tibajxi, che oquel te stranjer xjal tuj juntl nasyon, che oquel te majen xjal ex che bajel yajla'n cyu'n tuj cyaje syent abk'i.

Xitzun ttzak'we'n Abram cyja': —Nman Dios, ¿Ti tajben weye tu'n ttzaj tk'o'na jun chojbil weye ex minti' jun nc'wa'le at? Ex aju nmajene Eliezer aju aj Damasco, atzun c'elel etzante tcyakilju at weye.

Axtzun k'ij lu cyaj bant ti'j jun yol tu'n Kman tuc'il Abram, ex tma Kman te cyja': Aju tx'otx' lu cxel nk'o'ne cye tiyjila che ul itz'j te tibajxi, max ctzajel ke' tmojonil ttzi nima Ejipt ex cpol baj max ttzi nima Éufrates.

Tbajlenxi cyaje syent abk'i, che ajetz meltz'aj ke tiyjila tu'n cyul juntl maj tzalu, porque na'nx tchmet cyil ke aj Amorrey, chi Kman.